|
يابنات تعالوا صبروني
السلام عليكم ورحمة الله وبركاته كيفكم اخواتي الطيبات انا ودي افاتحكم بموضوع يارب الاقي منكم تصبير واجابه انا متزوجه من سنه وشهر وكم يوم والى الان ماحملت ... والبنات الي تزوجوا معاي ماشاء الله اطفالهم صاروا باياديهم الله يرزقني ولايحرمني وانا هاجس الحمل عندي في كل دقيقه وزوجي يتمنى طفل وانتم ابخس بحال الرجال وحال كل بنت تبي طفل وكل شهر اتفال اني حامل وسبحان الله ماقد حصل حمل ( والحمدالله والحمدالله على كل حال) يابنات الله يسعدكم هل طبيعي تاخري بالحمل ؟؟ او اني انا مستعجله ؟؟؟ ومن تعرف بنت او نفسها حملت بعد سنه وشوي وانا ماابي الصراحه اروح مستشفيات اكره المستشفيات وطاريها يارب حلمي في حياتي اضم طفل سبحان الله يابنات ماعرفت معنى الامومه الا لمن تزوجت اللهم ارزقني وارزق اخواتي ربي لاتذرني فردا وانت خير الوارثين |
رد: يابنات تعالوا صبروني
ربى يرزقك ما تتمنين غلاتى
بس لازم تروحين للدكتورة تطمنى ع حالك وزوجك وتشوفي من وين التأخير ؟؟؟؟ واذا لا قدر الله فيه مشكله بتتحل وترزقى بالحمل عاجلاً غير آجل ان شاء الله بس اهم شىء خلى ايمانك بربك قوى انا اسمع عن ناس والله معانا بالمنتدى (ربى يثبت حملهم ويفرهم به) حملوا بعد 7 سنوات وخمس سنوات وسنتين ,,,.....,,,,,..... ربى يكتبلك الحمل عاجلاً غير آجل واكثرى من الصلاة والاستغفار وقرآءة القرآن الكريم وان شاء الله تبشرينا بحملك عن قريب |
رد: يابنات تعالوا صبروني
ربي كريم يأختي
في بنات حملو بعد سنه وفي بعد سنوات انتي خلي املك بالله كبير طيب ليش ماتروحي المستشفى وتكشفي يمكن يكون فيك شي بسيط ويتعالج وتحملين او تروحين لممرخه ثقه وتمرخ لك وربي كريم ولا تيئسين لسه انتي توك مالك سنه متزوجه يعني العمر قدامك ,, وكل تأخيره فيها خيره والله يرزقك بحوله وقوته ويفرح قلبك |
رد: يابنات تعالوا صبروني
الله يرزقك يالغالية بالذرية الصالحة
تعالي اقولك انتي ليش مستعجلة كذا وشايفه انه في سبب لتاخر الحمل عندك انا عن نفسي كنت زيك تزوجت وقعدت سنتين و3 شهور ولا حملت وكنت خايفة وربي يوم ريحت بالي ونسيت طاري الحمل شوي والا انا حامل وولدت وجبت بنت زي القمر والحين كمان حامل وبالشهر الثالث ولي الان اربع سنوات متزوجة وربي لاعلاجات ولا شي ولافكرت اصلا اروح المستشفى وصدق كان زوجي يبي عيال بدري بس الله يخليه غصبنا عنه ينتظرني لانه ماهو هو الي بيتبهذل بالكشفيات والتحاليل انا الي بروح فيها شفي جبت البنت بعدها صار هو ماعاد يبي ههههههههه وربي صرت انا الي ابي وهو يقول فكينا بالله عليك مو ناقص ازعاج انتي ادعي الله واصبري غيرك حملوا بعد 5 سنوات وابو الشباب الله لايهينه يصبر بعدكم صغار انتي ريحي بالك من طاري الحمل وتشوفين تحملين على طول اسالي مجربة والله ان النفسية تلعب دور انت انسي وتشوفي وقولي وداد قالت |
رد: يابنات تعالوا صبروني
اول شي...
السلام عليكم .. شلونكم شخباركم.. وياقلبي انتي انا الي قاعدة اكلمج الحين ققعة اربع سنين ماحملة بقولج علي الاسباب: 1.مشاكل زوجية (مع الزوج ومع اهل لزوج) 2.التفكير بالحمل المستمر.. 3.فرق العمر بيني وبينة كان اهو اكبر مني 10 سنين 4.النفسية النفسية النفسية,,,,,,هذا اهم شي لقتل الحمل الحلول الي انتي تحتاجينها: 1.لزم اتسوين فحص كامل يمكن معاج ضعف بالمبايض لحمية بالرحم سماكة الرحم (لازم تعرفين شنو علتج) 2.تجنبي المشاكل مع زوجج وغضي النظر عن امور تافه تخليج تفكرين لوقت طويل (ادري ماراح تقدرين بس حاولي) 3.ولم تجامعين مع زوجج لازم ترفعين رجلج لي فوق تحطين ايدج علي اسفل ظهرج كنا نسويها بالالعاب وتقعدين علي الاقل ربع ساعة,,, (ادري اني ما استحي بس للافادة) 4.لم تعرفين علتج روحي لوحدة اسمها ام فيصل بجابر العلي شااااطرة انا عالجة عندها وحملة بعد اربع سنين علي الله ثم علي ايدها وذا بغيتي اي شي راسليني علي الخاص... وشكرا علي حسن استماعكم,,, مصدقة عمرها انها باذاعة... |
رد: يابنات تعالوا صبروني
حبيبتى هونى على نفسك كل شىء قسمه ونصيب والحمل دا رزق من عند الله ودى روح وربنا كاتب الميعاد تواجدها ان شاء الله انا بقالى 10 شهور وكام يوم ولسه ربى ماكتب لى الحمل وكل شهر بتفائل ولما تتاخر بقول خلاص حامل ولكن لسه ربنا مااردش والحمدلله والشكر لله على كل شىء
اللهم هب لنا ذريه صالحه انك سميع الدعاء |
رد: يابنات تعالوا صبروني
حبيبتي.....غيري نك نيمج.....يشبه أسم مشرفه عندنااااا نفس الأسم الله يسعدج..........
|
رد: يابنات تعالوا صبروني
ما راح ازيد ع كلام الاخوات االا الله يجبر بخاطرج ويرزقج الذريه الصاله عاجلا غير آجل
|
رد: يابنات تعالوا صبروني
الله يرزقني ويرزقك ويرزق كل اخت هنا للي هو خير وصلاح لنا اللهم امين |
رد: يابنات تعالوا صبروني
اصبري حبيبتي وادعي الله وراجعي طبيبة وان شاء الله يرزقك الذرية الصالحة
|
| الساعة الآن 02:26 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .