|
طفلي.. والجفاف..وش اسوي؟؟
السلام عليكم،،
اخباركم؟؟ بنات الله يخليكم ارشدوني 😰 دلوني 😰 عندي ولدي عمره سنه وعشر شهور الله يحفظه من يومين صار معه إسهال تكرمووون وشديد شوي مثل امس بسم الله عليه تكرر معه 6 مرات واليوم من الصبح لحد الان ثلاث مرات 😭😭😭 ومشكلته أكل مايأكل ابد بس يشرب عصيرات ومويا والحمدالله يشرب الحليب اما الاكل احاول فيه يرفض .. وقبل شوي يشرب مويا مرتين ويرجع وديته الصبح دكتور اطفال قال عنده جفاف وبسيط بس *لازم تعطينه محلول الجفاف *عشان مايزيد ومن الصبح احاول فيه يشربه يحطه بفمه ثم يكبه عيا يتقبله.. تكفوووووون ساعدوني ابغى علاج للجفاف غير المحلول ؟؟؟؟؟؟ طبعا الدكتور قال إذا مر اليوم كامل ماعطيتيه المحلول لازم تودينه للطواري يعطونه عن طريق الوريد *وهاذي صعبه علي بالحيل ..وولدي مايحب يشوف الدكاتره والممرضات مثل قبل شوي من شاف الممرضه وهو يصيح والله من كثر مايصيح قلت بسم الله عليه بيفقد عقله،، فكيف اذا باإبر وحوسه.. خالتي قالت شوفي الحلبه يقولون زينه للجفاف المهم طبخت الحلبه مع مويا واخذت مويتها وحطيته مع الحليب حق الاسهال وشربه *قبل ساعه وربع تقريباً والحمدالله كل شي تمام لاإسهال ولاترجيع،، سؤالي هل هي تنفع للجفاف يعني تغني عن المحلول؟؟ واااسفين ع الإطاله،، |
رد: طفلي.. والجفاف..وش اسوي؟؟
الله يشافيه ويعافيه انا مابعرف ان كانت تفيد ولالا الحلبة بس اعرف انو ماء الارز بعدما تغليه احتفظي بالماء المغلي فيه وحليه باسكر او العسل عشان يحبو طفلك والله مفيدة جدا للاسهال وللجفاف ومن اول مرة كتريلو العصائر المصنوعة بالبيت وراح اعطيك عصير الموز والله راح يفيدو وبيفتح الشهية قطعي الموز وحطيه بالفريزر وبعدها ضربيه مع الحليب والعسل ماتخليه كثيف لانو طفلك صغير وتخافي يصير معاه امساك وعلى فكرة حبيبتي هذا مغذي جدا لمل تشوفي ابنك ماحب يتغذى او يتعشى اعطيلو ياه موفقة حبيبتي وطمنيني عليه الله يخليك
|
رد: طفلي.. والجفاف..وش اسوي؟؟
الله يجزاك خير اختي ماقصرتي الله يرزقك كل ماتتمنين يارب
والحمدالله ابشرك ولدي طيب اللهم لك الحمد،، وسويت له عصير الموز الله يسعدك.. الله يحفظ لك كل الغوالي |
رد: طفلي.. والجفاف..وش اسوي؟؟
اقتباس:
|
| الساعة الآن 11:40 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .