عروس متوتره
 

السلام عليكم ورحمة الله وبركاته
ف البدايه احب ادعي لكل من تأخر حملها ان يجعل فيه الخيره وان
يكون للعوض طعم ينسيها معاناة الانتظار

ندخل بالموضوع انا اقدر اقول اني عروس ،، متزوجه من ثلاث اشهر وشئ
مشكلتي هي القلق والخوف الزايد من تأخر الحمل حتى من قبل ما اتزوج وانخطب اصلا
اتخيل لو تزوجت وماخلفت وطلعت عاقر وابني خيالات سلبيه جدا
من كثر ما احب الاطفال طبعا
المهم من اول ماتزوجت وانا في قلق كل دوره انتظر وازعل اذا جات الي يشوف حالتي يقول
متزوجه عشر سنين
وكل شهر احلل حتى قبل موعد الدوره واتخيل انو يطلع خطين
واغمض عيوني الحمدلله والشكر مع انو بالتأكيد سلبي هههه
واختي كانت تقولي يوم تزوجت مافكرت بالحمل ابدا
وحملت بعد الشهر الخامس وحللت بعد تأخر الدوره بأسبوعين وماشكت بالحمل
ويوم اخذت النتيجة اتذكرها وقتها كانت تبكي ومصدومه
مع انو احتمال وارد
تمنيت اكون كذا وعايشه حياتي وفتره زواجي
لكن التشاؤم والنظره السلبيه من طبعي
المهم وصرت ادخل مواقع لاحد ماوصلت لهذا المنتدى واقرأ تجاربكم
طبعا مايخفيكم اني قمت اوسوس بأعراض الحمل وزادت شفقتي
وحفظت اسماء الادويه كلها وصرت دكتوره ههههه
المهم يوم زواجي كنا عروستين انا وسلفتي وعلاقتي فيها جيدة
ومن الشهر الثاني ماشاء الله حملت الله يتمم لها
رغم انها كانت مسويه عزل هي وزوجها وماتبغى تخلف لانها صغيره بالثانوي لكن ارداة الله
والكل ينتظر خبر حملي بحكم حمل سلفتي وانا الخوف زاد عندي وصرت اقول مادام اني ماحملت
من اول شهرين زيها اكيد فيني شئ
وكمان
زوجي حسيته تضايق شوي يوم عرف خبر حملها وزاد زنه وصار كل شوي يقول يمكن حامل
لانه اعرفه يموت بالاطفال
والله يرزقنا يارب

خلصت فضفضه نجي للجانب العلمي والواقعي ههههه
حابه اعرف ايش فيه ممكن اعراض اشوفها بنفسي تمنع عندي الحمل
لان اغلب مشاكل البنات هنا وتأخر الحمل ( تكيس او هرمون الحليب )
واعرف انها مرتبطه بانتظام الدوره
وانا الحمدلله دورتي منتظمه من قبل زواجي
وبعد الزواج قامت تتأخر اقصى حد 5 ايام
يمكن من القلق ههههه
فمادري كذا تعتبر منتظمه ولا لا
+ انو عندي حرقان ف البول بعد زواجي جاني
فهل يأثر على الحمل واعالجه ولا لا
واخيرا بأيش تنصحوني بأشياء طبيعيه اخذها عشان ارفع نسبة الحمل
لان الدوره اليوم الثالث لها
فبعرف ايش ممكن اتناول ايام الدوره

واخيرا طبعا اختم بالدعاء للجميع برؤية الخطين > تعقدت ههههه
اسأل الله لي ولكم بالذريه التامه المعافاه وان يفرح قلوبكم جميعا وقلوب من تحبون
برؤية اطفالكم
يارب العالمين

واسفه جدا ع الاطاله لان محد بيحس فيني كثركم
ولا اقدر اقول لاحد مسويه قدامهم بدري ع الخلفه والبزران بتهنى ف حياتي
هههههههه

انتظركم

رد: عروس متوتره
 

انا قبلج هههه لي سته شهور داخله بشهر السابع خلينا نتفائل شوي الحمدالله كل البناتاللي تزوجن بنفس الفتره للحين ماا حملو هههه استغفر الله بس تعرفين حنا البنات نغار والله بصراحه زهقت ودي اني ماعاد افكر عشان ارتاح او يكون عندي وظيفه انشغل فيها عن هذا الموضوع بس اليوم انشاء الله اروح لطبيبه واشوف

رد: عروس متوتره
 

حبيبتي توج عروس ياعيني بس انتي عندج شي بسيط عالجية وشوفي شلون رح تحبلين بعدها انتي صاير عندج التهاب روحي لدكتورة حتى تعطيج علاج بس للالتهاب موتاخذين منشطات او شي لانك الحمد لله كلشي سليم عندج اني تاخرت بهذا الحمل اخذت مضادات لللتهاب وسبحان الله بنفس الشهر صار الحمل .....ربي يرزقج الذرية الصالحة ويرزق كل محرومه ويتمم علي بالخير ادعيلي....

رد: عروس متوتره
 

لا تفكرين بالحمل وان شاء الله راح تحملين
انا لما تزوجت كنت خايفه جدا من الحمل وحملت من ثاني شهر من زواجي
اناعكسك تماما كانت عندي رغبه بتاجيل الحمل لمده سنه لاكن قدر الله وماشاء فعل

رد: عروس متوتره
 

الله يسعدكم تسلمون على الردود ريحتوني
وان شاء الله بعد الدوره بروح للدكتوره لاني اشك بالالتهاب من الحرقان والافرازات
والله يتمم حملك ميوس وتقر عينك فيه

ماقصرتو

رد: عروس متوتره
 

حبيبتي وحياتي أنتي من 3 شهور متزوجه ليش القلق والخوف حبيبتي مافي داعي ابدأ للقلق ليش توترين حالك ؟؟

سلفتك اذا حملت وانتي بعدك هذه ارادة رب العالمين ..
انا اختي تزوجت قبلي وحملت بنفس الشهر تخيلي !!! وانا تزوجت من بعدها وظليت 4 سنوات بدون حمل وبالأخير حملت ولله الحمد .....

يعني مو شرط هي حملت معناه انتي لازم تحملي معاها أو بعدها .

حبيبتي انا مقدرة موقفك .. بحكيلج عن نفسي عشان اريح بالج شوي .. شوفي حبيبتي انا ظليت 4 سنوات بدون حمل وكل أخوان زوجي تزوجوا وزوجاتهم أحملوا ألا أنا ... يعني عادي ربج ماراد .. بس الحمد لله مع استغفاري وقيام الليل والتصدق بنية اللهم لاتذرني فردا ونت خير الوارثين وكان أملي في الله قوي والحمد لله ربي رزقني بتوأم ولد وبنت ربي يحفظهم لي يارب ..
حبيبتي مابيج تتشائمين فموضوعك حسيته كله تشاؤم .. حبيبتي تفاءلي واحسني الظن بالله وربك راح يرزقك
شوفي البنات بالمنتدى اللي لها 10 سنوات واللي اكثر ماحملوا ومع هذا عندهم أمل في الله من مواضيعهم تحسي انهم كلهم أمل وتفاؤل و مايأسوا .. أسأل اللهم أن يرزقك ويرزقهم ياااارب .
يعني حبيبتي انا ماقصد أزعلك بس القصد انك تصبري 3 شهور مو وقت كافي للقلق والتوتر .. ربي يطعمك ويطعم كل منتظره ياااارب .....

حبيبتي بخصوص الحرقان
حبيبتي لاتخافي الحرقان هذا أتوقع من فض غشاء البكاره لأنك لسه من 3 شهور متزوجه ولازم تحسي بحرقان انا أول ماتزوجت ظليت كم شهر احس بالحرقان لحد ماخف لوحده ... بس يستحسن تراجعي دكتورة بخصوص الحرقان .. لأن احتمال يكون ألتهابات او شيء ثاني ربي يفرح قلبك ويطمن بالك ..

رد: عروس متوتره
 

روحي للدكتوره تسويلك مسحه للالتهابات وتحليل بول
وان شاء الله تحملين يارب وتفرحين

رد: عروس متوتره
 

حياتي توأمي الله يريح بالك يارب
وادري اني مستعجله والوقت قدامي
بس هي فضفضه وعشان اسمع كم كلمة تريحني
الله يخليلك اولادك يارب وتفرحي فيهم
تسلمين

رد: عروس متوتره
 

اللهم أأمين
ويفرح قلبك عما قريب وتجي تبشرينا ان شاء الله hwaml7

رد: عروس متوتره
 

صدقيني دامك تفكرين ماراح تحملين

عن تجربه

وبقولك حاجه مهمه قبل شي احسني ظنك بالله < شي جميل حسن الظن بالله

كنت مثلك بالضبط متشائمه ودايم اقول لنفسي واي دكتوره اقابلها انا عارفه اني ماراح اجيب عيال < عندي بنت وحده دخلت السنه السابعه وبعدها ماجبت وبعد جبتها بعد سنه من زواجي

المهم بعد فتره حسنت علاقتي مع الله تركت اي شي يغضبه واهم شي حسنت الظن به سبحانه صرت اقول احس ربي مقدر لي حاجه حلووة ومااخرحملي الا سبب يعلمه واكيد انه خير

حاولت اتناسى الموضوع جلست سنين اتعالج انا وزوجي ومن مشكله لمشكله وسبحان الله اكرمني ربي

اللهم لك الحمد والشكر

وترى رحمة الله واسعه وهو ارحم علينا من امنا وابونا

وانتي لسى عروس حاولي تنسين واذا صار لك 8 شهور او سنه ماحملتي هنا تقدرين تشوفين حالتك انتي وزوجك تفحصون

ادري ......
طولت عليك بس حااسه فيك وحبيت افيدك< انوة حسن الظن برب العالمين شي جميل جدا جدا


دعواتك لي بولاده ميسره