|
لأحضان ماما أنا جيت>> قصة ولادتي
السلام عليكم
مبارك عليكم الشهر أبشركم ولدت الحمدلله يوم 19 شعبان وجبت توأم بنات ولادتي كانت بعمليه وحده من البنات خرجت معي والثانيه بالحضانه وزنها قليل بالنسبه لقصة ولادتي بدأت يوم الجمعه 18 كانت تنزل علي مويه قليله جداً وانا طنشت الموضوع ورحت نمت وانا نايمه الساعه 3 الفجر فجأه نزلت مويه كثيييييييييره وحااااره حسيتها انفجرت انفجار وقمت مفجوعه ناديت أمي بأعلى صوتي وجسمي يرتعشhttp://forum.hwaml.com/images/smilies/TR%20%2857%29.gif حتى أمي ارتبكت مره وع طول ركبنا السياره http://forum.hwaml.com/images/smilies/TR%20%2810%29.gif وسيدا ع المستشفى دخلت الطوارئ والمويه تنزل شلالات كان وقتها دكتور مداوم وقال لازم يفحصني ورفضت بشده وقامت الممرضه فحصتني وتألمت وصرخت ماكان مفتوح إلا 1سم ومافيه آلام دخلوني قسم الولاده وتعالوا شوفوا دخلت على أصواااااات الصراخ كان كثير يولدون هذاك اليوم ماشاءالله وانا تحجرت بمكاني وميته من الخوف دخلوني الغرفه وحطولي جهاز الطلق وتخطيط لنبض الأجنه ومغذي وانا عقلي مع الصراخ اللي أسمعه احس كأنها غرف تعذيب وقاعده ادعيلهم واقول متى يولدون ويرتاحون من هذا العذاب المهم صلوا الناس الفجر وطلع الصباح وانا ممده على السرير مادري وش مصيري وفجأه تفاعلت مع الناس وجاتني آلام قويييييه بظهري وبطني وصرت أتألم وأتلوى وانا من الخوف كنت ناويه اقولهم ولدوني قيصري شوي جات دكتوره قالت ابي افحصك قلت انا ابي أولد قيصري عندي توأم ومااقدر أولد طبيعي>>طبعاً من اللي سمعته تجننت قالت لازم أول اشوف الرحم واذا تبين عمليه عادي قلت طيب فحصتني وقالت 2سم بس الراس نااااااازل وانا خفت قلت لالا ابي قيصري راحت الدكتوره وقعدت انا بحاله نفسيه مايعلمها إلا الله اقول بنفسي هذولا موقادرين يولدون واحد كيف انا بولد اثنين طبيعي وكل شوي يجون يقيسون الضغط وكان الضغط زين وجلست لين الساعه 10 الصباح شوي جات الدكتوره ومعها دكتور وقال ليش طالبه عمليه قلت لأني بكريه ماقدر اولد توأم وخايفه قال لاعادي وضع الأجنه طبيعي وتقدرين عاد انا وقتها مادري وش صارلي قمت ابكي زي الصغارhttp://forum.hwaml.com/images/smilies/TR%20%2875%29.gif واقول للدكتور لالا ماقدر اولد انا خايفه سوولي عمليه وابكي بكا من قلبي والدموع شلالات وأعصابي منهاره والدكتور قال للممرضه تقيس الضغط والضغط طلع عندي عااااالي ارتفع بسبب جرعات الخوف اللي اخذتها من اول مادخلت طبعا اول مره يرتفع عندي الضغط وعلى طول الدكتور قالي خلاص بنجهزك لغرفة العمليات وانا فرحت ووقفت البكا خخخخخخخhwaml03 وخلوني اوقع على العمليه وجهزوني وركبولي قسطره وطلعوني لغرف العملياتhttp://forum.hwaml.com/images/smilies/TR%20%2815%29.gif وكانت أمي مسكينه برا شافتني وجات تجري وراي وانا ع السرير وقالتلهم ليش مابتولدونها طبيعي قالت الممرضه لا خلاص الضغط عالي وانا اقول لأمي خلاص خليهم انا ابغى عمليه خخخخخخخ >> يتبــــع |
رد: لأحضان ماما أنا جيت>> قصة ولادتي
خخخخخخخخخخخخخخ
الف الف الف الحمدالله على سلامتكم والف الف مبروووووووووووووووووووووووووووك وانشاء الله تطلع بنتج من المستشفى باحسن حال |
رد: لأحضان ماما أنا جيت>> قصة ولادتي
دخلوني غرفة العمليات يوم السبت الساعه 11 الصباح وأول مادخلت الغرفه
كنت عاديه بس شفت الغرفه كبيييييره وباااااارده وشفت الإضاءات اللي فوق اول مره اشوفها ع الطبيعه مادري وش صارلي وقتها جاتني رجفه عجيبه بجسمي صار جسمي كله يرتعش وينتفض لدرجة اني كنت بطيح من السرير شافني دكتور التخدير وقالي اشفيك خايفه ولا بردانه وانا ساكته لأني مادري اصلاً ليش ارتجف صار يقولي اتوكلي على الله ويقولي أدعيه المهم انا لما شفت نفسي خايفه ماطلبت بنج نصفي لأن اعصابي تعبانه حطولي كمامه واستنشقتها ورحت فيها نوووووومه شوي واحس الممرضه تصحيني وقمت حسيت الموضوع مر بسرعه خياليه وبدأت احس آلام العمليه صرخت واعطوني ابره مسكنه وكنت احس راسي ثقيل من البنج حتى اني ماسألت عن بناتي طلعوني غرفة الإفاقه وقاسوا الضغط ومثل ماهو مرتفع وخلوني أنام عشان يتعدل الضغط شوي وصحيت والممرضه جابت بنتي واعطتني اشيلها وانا دااااايخه وسألتها عن الثانيه قالت في العنايه عشان وزنها قليل وهذا كله وانا بغرفة الإفاقه مارضيوا يطلعوني تنويم عشان الضغط مو راضي ينخفض وأهلي ماشافوني وانشغل بالهم وكل شوي يدخلون عندي يعطوني مسكن ويخلوني انام وعلى هذا الحال من السبت إلى اليوم الثاني الأحد في العصر وممنوع عني الزياره وأمي تجننت تقول خلوني اشوفها يقولون هي كويسه بس مانقدر نطلعها الضغط مااعتدل أهلي شافوا بناتي وماشافوني وانا كل ماافوق اقول طلعوني تنويم ابغى أمي تشوفني وهم يعطوني مسكن عشان أرجع انام والمويه مايشربوني إلا قطرات يقولون نامي عشان الضغط يتعدل ويوم الأحد العصر جات الدكتوره وقاسوا الضغط وطلع أحسن من اول وقلت للدكتوره انا بغى اشوف أمي قالت خلاص طلعوها تنويم وماصدقت طلعوني وجات أمي شافتني كان بالها مشغول مره وزوجي كان يتصل لأنه مسافر وقاعد قلقاااااان وماصدق كلمني هذي قصة ولادتي كلها أكشنhttp://forum.hwaml.com/images/smilies/TR%20%282%29.gif والدكتوره قالت يوم طلعت من المستشفى لازم كل فتره تشيكي على الضغط وبناتي وحده وزنها 2كيلو و200جرام والثانيه كيلو و600جرام وحاطينها بالعنايه ادعولها تطلع بالسلامه طولت عليكم بس حبيت ارويها بالتفصيييييل |
رد: لأحضان ماما أنا جيت>> قصة ولادتي
الله يبارك فيك شموسه
ومشكوره ع الدعوات |
رد: لأحضان ماما أنا جيت>> قصة ولادتي
ياحياتي انتي
والله تعبتي كلها حسنات والله يبارك لج فيهم يارب |
رد: لأحضان ماما أنا جيت>> قصة ولادتي
..الحمدالله ع سلامتك يالغلااااااااااا..
والف الف مبروك ماجاكم.. والله احس عشت الجو.. بس لي عتب عليك ليه اخترتي قيصري.. والله سمعت الطبيعي احلى بكثير وكلن يتمناه.. بس يلا انتي اخترتي وخلاص وكيف العمليه معاك اللحين خف الالم ان شاء الله.. واذا طلعت بنتك الثانيه بشرينا عنهاااا وطمنينا.. وشنو بتسميهم؟؟ كثرة اسئله مو؟ |
رد: لأحضان ماما أنا جيت>> قصة ولادتي
يارب عفوك
الله يبارك بحياتك انا اخترت قيصري من الخوف لأنهم توأم اخاف أولد واحد طبيعي وواحد قيصري الحين الحمدلله العمليه زينه وأموري تمام سميتهم سهى وسجى |
رد: لأحضان ماما أنا جيت>> قصة ولادتي
الف مبررررررررروك
يتربوا فى عزكم يااااااااااارب |
رد: لأحضان ماما أنا جيت>> قصة ولادتي
مبروك ياقلبي000ياربي اموووووووووت في المقاسات الصغيرة000الله يحفظهم يارب
|
رد: لأحضان ماما أنا جيت>> قصة ولادتي
مبروووووووووك حبيبتي ماجاك
ويتربو في عزك يارب لا ن ضغطك عالي ولدوك قيصري لو مو مرتفع كان ولدوك طبيعي مبروك ي |
| الساعة الآن 11:38 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .