حماتي
 

السلام عليكم بنات،
أنا متزوجة من خمس سنوات و نصف. و لا اذكر اي موقف جيد لحماتي معي بالعكس من أول ما دخلت على العيله و هي تحاربني و ترمي بيني و بين ابنها و لا تمدحني بكلمه مع العلم ابنها هو اللي اختارني. دائما تتصرف معي بطريقة مش ودودة و تضربني كلام و تحكي عني قدام الناس شي صار و شي ما صار. انا تمضى فترات اعاملها كويس على أمل شي يتغير و أوقات اطنشها لما الاقي ما في امل. توفى عمي من عدة شهور و هي و بنتها عايشين ببيت كبير و عندهم راتب تقاعدي من عمي يكفيهم و يزيد. انا و زوجي عايشين بمدينه تانيه بحكم شغل زوجي. من يوم وفاه عمي و زوجي يتصل فيها على اقله باليوم مره. انا اتصلت فيها اول فتره كتير لكن بعدها حملت و اجت هي و بنتها لعندي زيارة اسبوع خلاله تركو الشغل علي مع اني اول حمل و من طفل انابيب و هي تعرف المشكله من ابنها مش من عندي. و خلال هذا الاسبوع عملت معي موقفين كتير بشعين مره فيهم رديت و التاني عملت نفسي ما انتبهت. بعدها اتصلت فيها لكن اخف من قبل و هي و لا ابدا تتصل في. من عدة ايام صار معانا حادث و انا كنت خايفه جدا كل الناس اللي اعرفهم اتصلو يطمنو على حملي الا هي و لا ابدا سالت ابنها و بس مع اني قبل بيومين كنت متصله فيها. و الحين اذا ابنها تاخر لليل يحكي معاها يلاقيها منشفه معاه و تضل تشكي من مرضها، عملت كل التحاليل و لا فيها اي شي و تضل تشكي و تشغله فيها. مبارح كان عندنا مشكله بالهاتف و ما قدر يتصل فيها اليوم من رجعته من الدوام نام و مباشره قام اتصل معاها، عاتبته فورا و قالتله ما عاد تهتم فيني متل قبل قلها و الله كان الهاتف معطل و انا اجيت متاخر للبيت و من فيقتي اتصلت فيكي. و الحين زوجي يمكن يسافر شغل بدوله تانيه و يقلها حسفرك معانا. انا هنا عارضت بشدة، قلت له انت مش الكبير بين اخواتك و كل عمرها امك سيئة معي و انت تعرف و دائما تمدح بسلفتي انها متل البنت و انا بحياتي ما اصير متهل تروح تعيش مع سلفتي بالسعوديه ليه تريد تعيش عندي. قلي لانها تقول سلفتك كهينه ما ينعاش معاها، انا هنا انزعجت اكتر يعني كوني طيوبه و احترمها لازم اتحمل سكنها معي و اسوبها. فقلت لزوجي انا مش مستعدة سافر معاك و مع امك. انا اظل ببلدي و بين اهلي اكرملي.. شو رايكم بنات؟؟ و لا تقولون لي حماتك و متل امك، لاني مستحيل اقدر اعيش معاها، هيي و بنتها خناق على طول و على امور تافهه جدا فكيف انا حاتحمل اعيش معاهم هم التنين مستحيل شي يخنق. خلال و جودها عندي هذا الاسبوع و لا كنت اشوف زوجي يجي من الشغل ينام و مجرد ما يقوم تقله خلينا نروح ندخن بالمطبخ تروح هي و هو يسهرو كل الوقت بالمطبخ و انا قاعده لوحدي بالصالة و كنت بتاني شهر حمل. فمستحيل اتحمل اعيش معاها

رد: حماتي
 

بصراحه مافي اخلي من الحريه و ماحد يقدر يعيش مع الحماة حتي لو كانت ملاك
الله يعينك
من حقك ترفضي بس لا تعملي مشاكل بلغيه برايك بهدوء و اتمسكي بموقفك
الله يهديه ليكي

رد: حماتي
 

حبيبتي الله يهدي حماتك و يفرج عنك ان شاء الله بس أنصحك تحاولي مع زوجك انه ما يخذها معك حاولي بكل الطرق و اكسبي زوجك في صفك و طبعا احترميها رغم كل شيئ لوجه الله و الله ما يضيع صبرك بس اقنعي زوجك و أتمنى زوجك يفهمك و تسافرو لوحدكم ان شاء الله ....موفقة حبيبتي

رد: حماتي
 

الله يعينك هي نسره موحماه

رد: حماتي
 

رد: حماتي
 

الله يكون في عونك حبيبتي

رد: حماتي
 

الله يساتااعدك .....ههههه ومن سمعك
كانك حاااسه بااللي يممرببالي من كم يوم تضااايقت من حمواتي بس الشكوى لله وحده.....
عزيزتي كلنا نعاني من تدخلهم للحياة ...الله يفرج همي وهمك .... اتمنى اكون افدتك.......ز

رد: حماتي
 

شكرا الكم يا بنات و الله قويتوني يعني برايكم حقي اني اتمسك انها ما تسافر معي. و الله لو انها منيحه معي كنت بشيلها على راسي لكن هي دائما تهاجمني و تعملي مشاكل و لا تمدح فيي بكلمه و بالمقابل كل الدلال لسلفتي اللي عايشة بالسعوديه و ما تريد تروح تعيش عندها. بكل الاحوال هي ما تحتاج تعيش عند احد لان صحتها تمام و عندها بنت صبيه و بيت كتير كبير و جميل و راتب يكفيهم و زوجي تنالزل لها عن حصته بالميراث يعني حتى عندها رصيد بالبنك فما تحتاج تسافر لكن معي غير

رد: حماتي
 

حبيبتي طبعا من حقك ترفضي بس خليك لطيفة مع زوجك لما تكلميه و فهميه انها راح تضايقكم و ما في أحسن من انه تكونو لحالك و تعيشو حياتكم و لا تنسي الدعاء لله و الأحترام لحماتك لوجه الله

رد: حماتي
 

انا ام زوجي كرهتها ولا اوطنها بعيشة الله من تصرفاتها واحيانا تشوش زوجي عليي

الله يعينك ويصبرك ويصبرني