منتديات حوامل النسائية - الدوره نزلت قليله واشعر بأعراض ,, بنات الله يرزقكم ولايحرمكم الذرية شاركوني

منتديات حوامل النسائية (https://naqatube.com/index.php)

- منتدى أعراض الحمل والوحام (https://naqatube.com/forumdisplay.php?f=8)

الدوره نزلت قليله واشعر بأعراض ,, بنات الله يرزقكم ولايحرمكم الذرية شاركوني

السلام عليكم ورحمة الله وبركاته ....

بنات أنا الشهر اللي فات قلت لكم دورتي متأخره ثلاثة أيام ورحت وصدري جت فيه حراره وألم وبعده بيومين الحمدلله خف بس جاني ألم عمري ماحسيت فيه وخفت صراحه من هرمون الحليب ,,,والغريب إنه العروق مره ظهرت بصدري بشكل واضح ع ثديي وصدري وهالة الصدر متوسعه وشوي مغمقة الحلمه بس مو كثير ..

وسويت تحليل منزلي وماطلع شيء طلع خط خفيف وردي بعد ساعه الا ربع ومومعترفه فيه أبدا ,, رحت الممشى ومشيت 40 دقيقه وأنا راجعه البيت حسيت شيء نزل وطلع افراز بيج فاتح جدا جدا لا يذكر ..

المهم صار ينزل بني قليل مره لدرجة مافيه شيء بالفوطه اكرمكم الله,, رحت للممرخه وقلت لها بني مره قليل قالت مااقدر اسوي لك شيء أخاف حمل وماراح يبان معي إذا حمل اذا نزلت عليك زين تعالي ,رحت حللت دم قالوا مافيه حمل ..

اليوم الثاني حسيت أكثر شوي من أول بس لسا بني تحسيها اصلا مو دوره ..رحت لها عاد وقلت لها نزلت شوي أكثر من امس بس مازالت طبعا بني ع اغمق شوي ..

وحركت ع بطني شوي طبعا حسيت بتمريخها وقالت بعطيك اعشاب ممتازه للتكيس لان اصلا التكيس مايعالجه التمريخ دواه اعشاب تنزله شهر شهرين وهو رايح ان شاء الله بس استمري عليه ..

طلعت من عندها وطبعا دورتي مازالت قليله جدا .. لا تقولوا من التكيس لانه اصلا الحمدلله الأشهر الأخيره دورتي صارت تنزل زييين ولله الحمد

المهم جلست تقريبا خمس ايام ووقفت ...
الحين انا الاعراض اللي حسيت فيها الآتي ::

صدري جتني فيه حراره والم لدرجة أجي ادنق احس يشد ويعور .,,عروق صدري وضحت مره وبالذات جنب الحلمه .. وقبل كم يوم حسيت ألم بالثدي الايمن ع جنب بالجهه الجنب من الثدي ألم بالضلوع يومين وراح الحمدلله .

لما صحيت من النوم من كم يوم تمضمضت بالمويا وحسيتها مرررررررره لدرجة أحسب فيها شيء طلع بس أنا اللي أحس الطعم المر ,,

أحيان أحس مقدر أسحب نفس زين ,,لي يومين أحس الم بسيقاني من تحت الركبه من الخلف ..

أحس شد اسفل بطني لما اجي اسحبها

امس شميت ريحة لبان قويه وع بالي أحد ماكل واسألهم طلعت غلطانه ..

عندي إحساس انه الدوره الشهر اللي فات مو دوره بس مدري انتم شرايكم ؟؟!!!!

وسؤال مهم ... هل ظهور العروق من علامات الهرمون كمان أو لا ؟؟؟؟!!!

اسفه يابنات طولت عليكم بس بجد احتاج خبراتكم .. ساعدوووووني فرج الله همكم..