منتديات حوامل النسائية - قصة ولادتي قبل سنه بالضبط ..

منتديات حوامل النسائية (https://naqatube.com/index.php)

- إستفسارات مرحلة الولادة (https://naqatube.com/forumdisplay.php?f=96)

- - قصة ولادتي قبل سنه بالضبط .. (https://naqatube.com/showthread.php?t=254193)

قصة ولادتي قبل سنه بالضبط ..

السلام عليكم ورحمة الله وبركاته

أخيرا قررت أكتب لكم تجربتي في الولاده بعد ماكملت بنتي سنه (الحمد لله)
وكانت ولادتي في يوم الأثنين 23 جمادى ثاني 1433 هـ
يعني قبل سنه بالضبط من تاريخ اليوم ..

نبدأ القصه :

الحمد لله كان حملي طبيعي 100%
وكنت أراجع عند الدكتورة و كنت ما أعاني من أي مشاكل
إلا إلتهاب البول زي كل الحوامل (الله يهون عليهم)
وكنت كل مره أحس بألتهاب البول أحاول أعالجه بسرعه
بشرب نص كاس ماء كل نص ساعه
والحمد لله ما كان يطول معي

لما دخلت الشهر التاسع فحصتني الدكتوره وقالت الرحم مفتوح 2 سم
طبعا فرحت كثير أني بشوف أول مولود لي و بصير أم و كل يوم أقول بكرا بولد
لين خلصت التاسع !!!!!!!
طبعا كنت أشرب القرفه يوميا وأكل أناناس لأنهم يقولون أنها محرضات على الولاده
لكن ما نفع معي أي شي !!
نفسيتي تعبت و أنا أنتظر !!

وكان قبلها بشهرين صديقتي ولدت وكانت بكريه مثلي
لكن كانت تراجع بمستشفى غير المستشفى اللي أراجع فيه
والمستشفى أهملوها وقت الولاده ماحطولها أجهزه دقات القلب للجنين
ولا سونار ولا شي
والمستشفى تركوها تدخل العاشر لين صار الطفل يتبرز وياكل برازه في بطنها (وأنتو بكرامه)
ولما ولدت بالسلامه طلع الطفل تعبان فيه إعاقه حركيه من الأهمال

وأنا لما خلصت التاسع تعقدت خفت يصير لي اللي صار لها
رحت المستشفى وقلت للدكتوره أبغى أولد بأي طريقه
وفعلا عطتني موعد يوم الأحد الساعه 7 صباحا
ورحت بالوقت المحدد وعطتني طلق صناعي وقالت إن شاء الله العصر أنتي والده
وأعد الساعات وأتحمل الألم والألم يزيد :(
جاء العصر و ماولدت !! جت الدكتوره المناوبه (سودانيه) قالت لازم نطلع
موية الجنين عشان تولدين بسرعه !!
طبعا أنا بكريه ما أعرف وقلت لها سوي اللي تشوفينه بس أبغى أولد وأرتاح من الألم
وفعلا الساعه 4 فكت موية الجنين
وأنا المسكينه أنتظر الولاده والألم مقطعني :( :(
وجاء المغرب والعشاء والفجر وأنا ماولدت وانا خلاص بموت من الألم
لما جت دكتورتي الساعه 8 وقلتلها عن اللي صار هاوشتني وقالت المفروض
ما تخلينها تسوي كذا
وشافت أن الرحم مفتوح 9 سم والرأس راح فوق لأن الجنين تحرك وماكان فيه مويه وثبت
وكان أبوي وأمي وزوجي عندي
وقالت لازم زوجك يوقع على عمليه بسرعه لان دقات قلب الجنين تضعف
وبسرعه وقع ودخلوني غرفة العمليات وعطوني إبرة الظهر وسوولي العمليه
والحمد لله طلعت مرتاحه وبنتي سليمه (الحمد لله)

وهذي قصة ولادتي الأولى طبعا بما أن الرحم أنفتح 9 سم يعني جربت الطبيعي والقيصري

والله يعين ويسهل عليكم يا حواامل