|
زواجي وفقداني الثقة بنفسي
السلام عليكم ورحمة الله وبركاته مساء الخير مالي في المقدمات بدخل بمشكلتي علطول وحابة اسمع نصايحكم مشكلتي طويلة بس حابه اسرد لكم تفاصيل عشاني محتاجه افضفض قبل لا ابحث عن حلول لاني حيل مخنوقة اعترف اني غلطت بأشياء كثيرة لاكني جاية ابي النصح مر على زواجي 11 شهر وانا حاليا حامل بالشهر التاسع وانتظر ولادتي قريب ان شاءالله hwaml7 المشكلة مو حديثة اليوم لا من بداية زواجي انا تزوجت ولد عمتي زواج تقليدي ولا اعرف عنه شي سوى اسمه استخرت ووافقت عليه عمر زوجي 30 وانا 25 سنة من بداية زواجي ألاحظه مايشتهيني نفس الازواج ونفس ماكنت اسمع بالعكس مر شهر العسل وهو طبيعي مايقرب لي الا قليل يعني ممكن بلاسبوع مره توقعت انه مايهمه وكنت انحرج بما اني عروس اكشخ وبلأخير اشوف ماينجذب لي ضغطت على نفسي وتجرأت أسأله اذا انا مو عاجبتك قال لا عاجبتني قلت تبي شي اسوية لك قال عاجبتني مثل ما انتي والحقيقة اشوفه لما يصير الجماع يكون طبيعي ومتفاعل وماحس منه انه مو مرتاح وقالي لاتتوقعين الرجال يهمهم الفراش بس صدقته وقلت شي حلو انه نظرته اكبر من الفراش بس كنت اتكشخ والبسلة ويسهر على النت وانا جنبه انتظره ساعه ساعتين ثلاث لين يجيني النوم وبعدها استأذن منه وأنام كنت انجرح لما انام لحدي توقعت اني عروس بكون مرغوبة منه صرت انام واصحى والاقيه لسى مانام على اللاب ماكذب عليكم وسوس علي الشيطان قلت بشوف وش يسوي بللاب دخلت وشيكت واكتشفته يتفرج على صور واشياء خليعه بكيت يومه وانا من طبعي كتومه ولا اعرف اتصرف بقوة لاكني احل اموري من غير ماعلم اهلي المهم سكت يوم يومين وانا متأثره شفيني شي مو عاجبه عشان يتفرج توي عروس من حقي اكون مرغوبة المهم بلحظة كنت حيل متضايقة وعلى سرير لما جاء وانسدح قام يسولف معي ويضحك طبيعي قالي شفيك هنا بكيت وقلتله اني شفت وش تجلس عليه وانك جرحتني هنا ومامر على زواجنا شهر المهم شفت بعيونه انه حس بشعوري وتأسف وانه ماراح يكررها انا طبيعي ماعندي ثقة بالرجال مع اني احاول اثق فيه لاكن غصب عني اشك بتصرفاته بس ماوضح له اني شاكه فيه ابا مر 4 شهور وحنا على حالنا مايقرب لي الا اذا انا جيته كنت اتضايق واتمنى هو يطلبني للفراش لدرجة وصلت فيني تمنيته يغصبني انام معه كنت ابي احس برغبته حتى مره قلت يمكن يحب الجريئة لبست وكشخت وجيت بحضنه وهو على الكمبيوتر قلت له تعال ننام قال طيب شوي انا مشغول ماتصدقون شكثر كرهت عمري وانا بحضنه وانتظره طول وهو مو معي قمت بلآخير للغرفة ونمت لوحدي وعادي جاء من بكرة وانا اعامله طبيعي لاكن واضح اني مكسورة من تصرفه كتبت له رسالة طويلة اني محتاجه اهتمامه واذا مو عاجبته يتكلم ويقول ولا يجرحني بهالطريقة قالي بالعكس انا احبك وعاجبتني بس انا انشغل شوي باللاب انا قلت له مابيك معي 24 ساعه مابي اضيق عليك بس نظم وقتك تغير يومين ورجع مثل ماكان لين جت الصدمة اللي كسرت ثقتي بنفسي كليا وحتى هو انتبه على هالشي حطيت برنامج مراقبه على اللاب عارفه اني غلطت لاكن كنت محتاجه اعرف سبب اللي مو مخليه مهتم فيني لقيت موقعه على فيس بوك وضايف بنات وصور بحياتي كلها ماشفت اوقح منها ومكلم بنت تعرض جسمها له فديو هنا خلاص كرهت نفسي مع اني كان مفروض اكون اقوى واكثر ثقة بنفسي لاكن ماقدرت اهتزيت خليت اللاب مفتوح وحطيت كل صور على سطح المكتب ورحت لغرفتي وقفلت الباب جاء 3 فجر كاالعاده راح على اللاب ولما شاف صور انصدن اني عرفت حاول يفتح الباب لين هددتني بيكسره اذا مافتحت فتحته وانا عيوني متورمة وكنت ساكته بس شاف القهر بعيوني وق ايش كرهته لانه حطني بموقف نفس هذا تأسف وكسر اللاب قدامي بعد ماألغى حساب الفيس بوك وبكى لما شاف دموعي لاكني قلت له اني كرهت نفسي والسبب انت ليه وش فيني مو عاجبك وش الشي اللي شفته فيهم مو فيني للعلم اني عادية وجميلة بشكل عادي نفس البنات وجسمي ناعم وقصيرة شوي قالي انتي كل شي فيك واحبك ولاتتهتز ثقتك بنفسك بس انا غلطت مر اسبوعين وانا ماخذه منه موقف لاكني شفته متمسك فيني وسامحته وقلت له ثالث مره ماراح اعيش معك المهم مرت علينا 11 شهر ومازلنا على حالنا الفراش مايطلبني له لازم انا ابدأ وحتى اذا ثقلت عليه ومالبست الا بجايم وبعدت عنه مايفرق معاه حاولت اتقرب وابعد والبس قمصان اغراء والبس بجايم وكل شي سويته لاكني ماشوف الرغبة بعيونه حاليا صرت شكاكه وسبق فتشت جواله ولقيت عنده فيس بوك حساب جديد لاكن ماعرفت اسمه عارفة اني غلطتحتى اني اعترفت له اني فتحت جواله حتى اريح ضميري لانه يحط رقم سري بجوالة وهذاك اليوم نساه مفتوح المهم اني بينت له عدم ثقتي بنفسي وهالشي حيل مضايقني ابي اتغير للاحسن واخذت وعد على نفسي ما افتش وراه واذا فيه حاجه ربي راح يحاسبة انا احبه وعندي خوف بعد سنين اكتششف انه عنده علاقة مع وحده لدرجه ادعي اذا هو يخونني ان ربي يفضحه عندي ويرزقني بشخص ثاني يحبني و ويرزقه بوحده تعلمه قيمتي دارية مفروض ادعيله بالهداية بس خوفي من اني انصدم هو اللي مخليني ادعي بهالطريقة هو مازال يسهر على النت لين 11 صباح وانا اجلس معه بس اتعب واضطر انام لللعلم اجلس جنبه وهو مو معاي ابدا تمر ساعات واحنا ساكتين وهو على اللاب وفيه ميزه غريبة بزوجي انه مايغير علي ابدا يعني عادي يشوفني حاطه مكياج وعيوني فيها كحل وماسكرا ومتعطره فجأه يوديني للعثيم واقوله انا متعطره ماقدر انزل يقول عادي ويرش عطر على نفسه عشان الناس مايميزون ومره صار موقف عند باب بيتنا وانا بالسيارة وقلت له ماني نازله بضحكه ساعه 3 فجر وقال براحتك ورح وخلاني لوحدي توقعته يمزح واتصلت جوال عليه وانا بالشارع بالسيارة وقالي بتنزلين ولا براحتك اجلسي جلست ساعه كامله احاول اقنع نفسي انه يمزح وانه خايف علي وبلاخير نزلت ودموعي على خدي دخلت لقيته يكلم صديقة ويضحك وكأنه زوجته مو بالسيارة ساعه كاملة و3 فجر واخر شي بقولة اني صرت اشك ان زوجي يارس العاده السرية مع اني ولا مره شفته بس لانه يوميا ياخذ شاور ومايصلي لين ياخذ شاور عشان كذا شكيت فيه اللي ابيه منكم اعطوني حلول ابي اتغير واسترجع ثقتي انا حامل بالشهر الاخير وعمره ماشافني مو كاشخه بالعكس اقوم قبل لايصحى واكشخ واكلهةجاهز والبيت نظيف ولاعمري تشكيت له ومعيشته براحه ماتوقع يعيشها مع احد غيري وفوق كل هذا احبه حاولت اهمله ماقدرت قلبي ماطاوعني ابي مساعدتكم هو يحبني لاكن ماني قادرة احس بحبه احسه يكذب علي ويجاملني بس عشان يرتاح ويستقر صرت اكره العلاقة الزوجية بسببه لاكن ابدا ما اقصر معه اقرب له فوق كل هذا بالفراش عشان مايصير له عذر يخونني لاكن مالقيت اي فائده سبق كلمته وكلمته وندمت لان كلامي ماجاب نتيجه معاه يمكن موضوعي فضفضه اكثر من شكوى لاكني حابه اشوف اذا فيه احد عنده خبره ممكن يفيدني كيف اتصرف معاه |
رد: زواجي وفقداني الثقة بنفسي
ي عمري انتي عندي وعندك خير الحمدلله ع كل حال
كانك تحكين عني في حكاية النت والصور لاتنسين كل ممنوع مرغوب كنت زيك افتش وراء زوجي ونتخاصم دايم لين قالي بكل صراحه كل مافتشتي وراي وربي اني ازيد لان عارف انه هذا الشيء ممنوع و كل ممنوع مرغوب فطره من بعدها توبت افتح جواله ولا افتش وراه وصرت ادعيله دايم بالهدايه والله صرت امسك الجوال ابغى افتش اذ كر انه انا اللي بتعب مو هو ارجع الجوال الزم ماعليك راحتك انتي خليك زي مانتي ولاتقصري معه عشان مايلقى طريق عليك الحمدلله ع كل حال فوضي امرك لله ولاتنسي الدعاء له والاستغفار وخلي ثقتك بنفسك كبيره اعرفي انه مهما لعب من وراك مرده له لانك اشرف منهم |
رد: زواجي وفقداني الثقة بنفسي
ربنا يعينك ويسخرلك زوجك ان شاء الله بس حاولى تجمدى قلبك عليه شويه بمعنى البسى وتشيكى ولكن مش ليه لنفسك واعدى على النت وكلمى صحباتك او اخواتك واضحكى ولا اكنه موجود بس ما تقصرى فى طلباته زى الاكل والشرب ونظافة البيت علشان ما يجيب عليكى غلط ولا تعرضى نفسك عليه ابدا ولو اعد شهر .. خليه يحس انك انتى كمان مش عايزاه ومش فارق معاكى واذا ما انصلح حاله حاولى تدخلى حدا من طرفه فى الموضوع وان شاء الله ما يصير الا كل خير |
رد: زواجي وفقداني الثقة بنفسي
بعد كل اللي قلتيه بصراحه مااشوفك مقصره بالعكس مظلومه وصابره
وبما انك حامل وعلى وشك ولاده فما اقدر اقدملك غير نصيحه وحده اهتمي بنفسك وصحتك وحاولي تنسيه وتنسي كل شي وركزي في صحتك وصحة جنينك وارجعي ابني ثقتك بنفسك وحده وحده ولوحدك ولعلمك انتي مب حاجة رجل عشان يبني ثقتك بنفسك انتي وحدك ابنيها دللي نفسك وخلي اهتمامك كله هالفتره الجايه بنفسك بس وبراحتك مااقلك اكشخي وتانقي اقلك اهتمي بصحتك ونفسيتك واعملي على راحتك انتي فقط وبالنسبه له مالك غير الدعااااااء وانتي مظلومه ربنا مارح يردك وادعي وقت ولادتك في عز الطلق ورح يستجيب ربنا اخيرا ربي يقويك ويكون فعونك ويقومك بالسلامه |
رد: زواجي وفقداني الثقة بنفسي
مادري وش اقولك بس ماحبيت اخرج من غير رد والله يعوضك بصبرك ,,
|
رد: زواجي وفقداني الثقة بنفسي
حبيبتي الله يهديه لما يصير عندكم انشاء الله بيبي يتغير كل شيئ ويملي عليكم كل الفرغات فمعظم الرجال لا يحسون بمشاعر المراة الا حين يصبحون اباء و يتحملون اعباء التربية و الانفاق و يشاهدون معناة المراة اثناء الولادة و التربية حينها فقط ينتابه مشاعر التقصير و الاهمال في حق النصف الاخر و شريك الحياة فيحاول اصلاح نفسه لكن طولي بالك و لا تدع الشكوك تسيطر عليك
|
رد: زواجي وفقداني الثقة بنفسي
الله يسسخر لك زوجك ويحببه فيك زيااااده^^
|
رد: زواجي وفقداني الثقة بنفسي
اقتباس:
لاكن مشكلتي الثقة ابي اكون واثقه بنفسي قدامه لاكني مو قادرة كل ماشوف بعده عني تلقائيا اتحطم امنيتي احس برغبته لي |
رد: زواجي وفقداني الثقة بنفسي
اقتباس:
|
رد: زواجي وفقداني الثقة بنفسي
اقتباس:
ابي اكون بنظره وحده واثقه وانا بغبائي حسسته اني فقدت ثقتي بنفسي وهالشي اللي قاهريني |
| الساعة الآن 10:16 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .