|
بنات جده ادخلوو
سﻻم عليكم
مابغى اطول ابغى احسن مستشفى للوﻻده وسعرها كويس او فس وحده منكم جربت دي المستشفيات مستشفى العسكري - مستشفى خالد ادريس - مستشفى المستقبل ﻻن زوجي يبغاني اولد بالعسكري وانا خايفه بكر ومابغى اكون متوتره بالوﻻده واحسسن دكتوره قد جربتوها امانه ساعدوني وبدعيلكم واذا ماتعرفو ارفعو الموضوع بس الله يجزاكم الجنه |
رد: بنات جده ادخلوو
انا ولدت قبل 15 يوم في سليمان فقيه مره حلوة اهتمام ونظافه الممرضات حبوبات
|
رد: بنات جده ادخلوو
قريبتي ولدت بالمستقبل عند دلال بوقس مره تمدح الدكتوره وتقول المستشفى نظيف وكويسه.
|
رد: بنات جده ادخلوو
والله حبيبتي ماعندي اي معلومه
بس الأفضل المستقبل عن خالد إدريس وانا ولدت في فقيه والمركز الطبي ويارب المجربات يفيدوكي والله يسهلك يارب |
رد: بنات جده ادخلوو
يعطيكم العافيه ع تفاعلكم
ربي يرزق كل وحده اكثر مما تتمنى |
رد: بنات جده ادخلوو
حبيبتي انا ولدت في بخش وان شاء الله بولد عندهم هالمره عن تجربتي انا الحمدلله ربي معي وسهل عليه وأنصحك فيه ممتازين من ناحية الاهتمام والنظافة والخدمات سواء أثناء الولاده أو ف الغرفة ...
الله يسهل ع الجميع يارب |
رد: بنات جده ادخلوو
انا ولدت ف المستقبل عند الدكتوره فاطمه علاوي بالعكس المستشفى نظيف وعنايه واهتمام وبنج ماحسيت بالراس يوم طلع تقولي امي اعطوك ابره وحتى الخياطه ماحسيت فيها وكمان غرفهم نظيفه وتجلسين يومين ف المستشفى بعد الولاده وكل شيء تبغينو يعطونك مجرد ماتضغطين زر النداء تشوفينها واقفه عندك واكلهم مرره حلو انا اسمع انو اكل المستشفيات مو حلو بس اكلهم مرره كان حلو وكمان يعطونك اشياء للبيبي وانتي طالعه بامبرز ومناديل جونسون وسودو وشامبو وبودره وكمان 6رضعات حليب انا اذكر جات وحده عندي الغرفه جلست تمدح ف منتجات جونسون واعطتني شنطه فيها عينات كثيره واحلا شيء صوت القران اللي مشغلينو صباح ف المستشفى كولها انا الحمدلله ولادتي الاولى ولدتها فيه وانبسسسط حتى السسترات حنونات وامي وزوجي كانو معايا ع طول الين غرفة الولاده بس دخلو امي وخلو زوجي ورا الستاره واحلا شيء فيهم يسترونك مايخلونك تتكشفين معليش طولت بالهذره بس حابه اقول تجربتي عشان الكل يستفيد وكمان لاحظت يهتمون ف البيبي اذكر كان عندي ف الغرفه جات شالتو قالت موعد الرضعه ار ضعو واجيبو لك وكمانالولاده عندهم موغاليه انا ولدت عندهم طبيعي 5500 غرفه خاصه وكانت امي مرافقه معايا يعطونها مخده ولحاف وكل شيء واي استفسار انا حاظره
|
رد: بنات جده ادخلوو
ربي يسعدكم
اختي عبير موون لو سمحتي سوال بزعجك انتي كنتي تراجعين عندهم وﻻ . ايش اسم الدكتوره الي ولدتك ؟ |
رد: بنات جده ادخلوو
حبيبتي اسألي زي ماتبغين لا ماكنت اراجع عندهم انا كنت اتابع مع الدكتوره هيفا فهد ف خالدالطبي بس كانت تقولي الولاده راح تكون ف المستقبل لان هيا عندها عياده هناك بس انا كنت اروحلها خالد الطبي مابغا الزحمه واعطتني ورقه اذا جاتني الولاده اعطيهم هيا ويدخلوني ع طول بس وقت ولا دتي الدكتوره هيفا نقلت مستشفى الجدعاني وكنت اقلهم دقو عليها عشان مرره كنت ابغاها هيا تولدني بس قالولي نقلت لها اسبوع مع اني وقت الطق كنت اكلمها بالجوال وكانت تقولي نصايح بس ماقالتلي انها نقلت المهم طلبت من المستشفى يدقو ع فاطمه علاوي والحمدلله جات وولدتني ف البدايه عصبت عشان ماكنت اتابع معاها قالت لها امي والله هذا موغلطها هذا غلط المستشفى وهيا من حقها تختار دكتورتها لاني بصراحه ماكنت ابغا اي وحده تولدني بس فاطمه علاوي نفس مستوى الدكتوره هيفاء والحمدلله تيسرت وولدتني
|
رد: بنات جده ادخلوو
ربي يسعدك طمنتيني بمستشفى انها كوويسه
المشكله ان طول عمري عايشه بجده ويوم حملت ربي كتب ان زوجي ينقل وﻻ عارفه شي عن مستشفيات الوﻻده وكل ماقريت موضوع اموووت رعب الله يسهل وييسر ع كل حامل شكرا اختي تعبتك معايا |
| الساعة الآن 05:51 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .