.. تكفوون طمنووني .. في الثامن والمشيمه نازله
 

السلام عليكم ورحمة وبركااته ..
شخباركم حبايبي انشاءالله بخير .. ؟ ..

مثل ماتشوفون انا جديده بينكم وطوول فترة حملي ادش واتابعكم واشوف مشاكلكم ..
والحين جا دوري اشكي لكم الحال hwaml85واتمنى انكم تفيدوني وتريحوني من الوسواس اللي عايشه فيه واتمنى اللي مرت بنفس مشكلتي او اللي عندها فكره تفيدني ..

مشكلتي ياحبايبي ان هذا اول حمل لي وماعرف اي شي وانا الحين في ثاني اسبوع من الشهر الثامن.. وفي بداية شهري السادس كنت نايمه ويوم صحيت من نومي رحت للحمام اعزكم الله واكتشفت ان قاعد ينزل مني ..دم..طبعا مت خوف وتميت اصيح لي ماوصلت لدكتورتي وكاان عندها زحممممه بس شافوني انزف ودخلوني عليها على طول وكشفت علي من تحت ولقت ان الدم جاي من تحت صج .. وسوت لي تلفزيون وقالت لي المشيمه نزلت عندج بس شوووي وهاي شي عادي لاتخافين راح ترجع انشاءالله .. وعطتني مثبت حمل قالت لي استخدميه لي ماتشوفين الدم وقف وقالت لي مو اكثر من اسبوعين لكن الحمدلله تم يوم كامل معاي الدم وثاني يوم اختفى ومارجع لي مره ثانيه والحمدلله ولكن مازالت المشيمه نازله شوي لكن طمنتني ان راس البيبي تحت والمشيمه فوقه وقالت لي ممكن مع الايام تروح فوق البيبي يدزها لكن مثل ماتشوفون خلصت السادي والسابع ودشيت بالثامن ومارجعت لمكانها لكن الدكتوره تقول لي ان احتمال اقدر اولد طبيعي دام البيبي نزل قبل المشيمه بس مااكدت لي الولاده طبيعيه ولالا .. ومن كم يوم وانا ابحث في النت لقيت ان المشيمه النازله شوي ممكن تكون ولادتي طبيعيه لكن مش مضمونه وانا خايفه جدا اولد طبيعي .. طمنوني حبايبي هل صج مو مضمونه الولاده الطبيعيه لي .. وكثر قريت ان اللي مشيمتهم نازله يسبب لهم نزيف اثناء الولاده والله ماعرف هالكلام صحيح ولالا بس والله سبب لي حاله نفسيه ماقدر اتحمل اكثر دايما اصيح ومتاضيقه وخايفه ان الولاده الطبيعيه مب مضمونه صج واخاف يصيدني نزيف ودايما افكر بسلبيه واخاف اني اموت وقت الولاده تكفون اللي صار لها نفسي طمنوني قولو لي شسووي انا تعبت hwaml80


اسفه طولت عليكم لكن محتاجه حد يفهمني ويقول لي شسووي شنو الحل

رد: .. تكفوون طمنووني ..
 

رد: .. تكفوون طمنووني ..
 

امين يارب الله يسمع منج ويسهل على كل الحوامل ..
بس للاسف المشيمه مارتفعت تمت ثابته ومارجعت بس النزول قليل جدا واخاف اولد طبيعي دام فيها نزول :(


مشكوره على مرورج قلبي

رد: .. تكفوون طمنووني ..
 

حبيبتي الله يطمن قلبك وتولدي بالسلامة
ماتخافي ان شاءالله خير انا اعرف ان المشيمة النازلة خالص هي اللي اتسبب
الولادةالقيصرية لكن مادام دكتورتك طمنتك خلاص اذكري الله واستغفرييييي
طول يومك وليلتك .وادعي ربك الكريم وهو ماحينساك .انا اولد قيصري
وداخلة عالعمليةالثالثةواحيانا افكربسلبية اني حموت فالعملية بس استغفرربي
يرتاح قلبي واهدا الله يقومنا بسلام.

رد: .. تكفوون طمنووني ..
 

تسلمين ياقلبي على ردج الجميل ..
الله يطمن قلبي وقلبج ونولد بالسلامه ..

رد: .. تكفوون طمنووني ..
 

ان شاء البنات يفيدوكى

الله يطمنك

رد: .. تكفوون طمنووني ..
 

الله يطمنكك ويسهل عليكك

دام الدكنوره قالت طبيعي ان شاء الله خير

وتولدين طبيعي

رد: .. تكفوون طمنووني ..
 

عادي يا عسل المشيمة نازله شئ بسيط انا اعرف ناس ولدت طبيعي مشاء الله رغم ان المشيمة نازله نفسك بعض الناس اللي تكتب بالمواقع تحب تخوف فلا تصدقي احد اشكي همك للي ارحم من الأم بولدها ادعي الله يسهل عليكي واللي اعرف ان اللي المشيمة نازله عندها وهي منسدحه اي نايمه ترفع رجلها على مخده عشان المشيمة ترجع لمكانها هذا اللي اعرفه والله اعلم خلي املك. بالله كبييييييييير

رد: .. تكفوون طمنووني ..
 

مشكوورين حبايبي على مروركم ..
راجيه رضى الرحمن .. مشكوره ع مرورج حبيبتي لكن مانفعت معاي هالركه والشيميه نازله مارجعت ..
انشاءالله باجر موعدي واتطمن اكثر ..

رد: .. تكفوون طمنووني .. في الثامن والمشيمه نازله