|
محتاجة مشورتكم
السلام عليكم
كيفكم انا عضوة جديده معاكم راح اقول لكم قصتي وابي المساعدة انا صار لي 8 شهور متزوجه ودورتي منتظمه .. الشهر الا فات قدمتني 10 ايام خفت ورحت عند الدكتوره وقالت كل شئ طبيعي واذا تبين تطمني باخذ اشعة تلفزيونيه والحمد لله كل شئ تمام ماعندي ولا مشكله وقالت بتعطيني كلوميد فقط للتنشيط وبتاخذ علي سونلر يوم 11 للدوره والحمد لله قالت التبويض ممتاز وحجم البويضات اكبر من المتوقع وعندي بويضات كثييييييير المهم بعد ماخلصت الكلوميد صار لي تقريبا باكمل اسبوعين بس الألم شديد أسفل البطن وشد وانتفاخ مو طبيعي احس كأنه في حجره في بطني وحلمات صدري صاير حساسه مرره وألم .. وطبعا ما أخذت ابرة تفجيريه سألت الدكتورة عادي بدونها قالت ايوه عندي سؤال متى اقدر احلل تحليل حمل بعد الكلوميد؟؟ اللي عندها معلومات تفيدي الله يجزاكم خير وسامحوني ع الإطاله |
رد: محتاجة مشورتكم
حللي علي ميعاد دورتك واذا مستعجله ممكن تحللي قبلها بيومين بس دم
|
رد: محتاجة مشورتكم
مثل ماقالت نيفو في ميعاد دورتك
والله يرزقك ويفرح قلبك بالحمل السليم التام المعافى |
رد: محتاجة مشورتكم
الله يرزقني ويرزقك ويرزق كل متمنيه الحمل السليم المعافى
|
رد: محتاجة مشورتكم
مثل مانصحوج الاخوات ان شااءالله حاامل حبيبتيي ولاتنسى تبشرينا
|
رد: محتاجة مشورتكم
مشكورين خواتي عالمرور والدعوات
ربي يرزقني ويرزقكم بالذرية الصالحه يارب انا دورتي كل 26 يوم يعني المفروض بكرى مافي اي آلام اللي متعوده عليها غير الم وحكه بحلمات الصدر بس بالعاده صدري كله ويصير انتفاخ والحين ابدا بس يجيني مغص شديد بأسفل البطن فجأة ويروح بس الام خفيفه مستمره ووقت الجماع الم شديد شديد في المبيض اليمين احس كأنه بالونه طمنوني الله يجزاكم خير |
رد: محتاجة مشورتكم
السلام عليكم ورحمة الله وبركاته
والله ماعندي خلفيه بس حبيت ادعي لك. أن الله يسهلــك يارب. والعسولات راح يفيدونك أن شاء الله |
| الساعة الآن 12:21 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .