|
التبويض والزنجبيل ؟!
السلام عليكم ..
شخباركم ان شاء الله بخير .. آسفه لو اذيتكم بمواضيعي بس لان ماعندي خبره وقلت لعل وعسى وحده تعرف وتفيدني طبعاً كنت كاتبه بموضوع اني متزوجه من سنه وشهرين تقريباً وليلحين ربي ماكتب الحمل الحمدلله عن نفسي قانعه وراضيه يالله لك الحمد اكيد بخاطري بس خيره بس الناس تأذي ما يخلون احد بحاله لازم يسإلون مادري متى بيعرفون ان هالشي خاص بين الزوج وزوجته وقبل كل هذا بيد رب العالمين خارج عنه قدرت البشر ورزق له موعد ووقت >> مجرد فضفضه تحملوني واعتبروني اختكم الصغيره كان عندي موعد امس والدكتوره قالت لي كل شي سليم الحمدلله وقالت لي التبويض زين وراح يكون بهاليومين ان شاء الله وسويت تحليل تبويض وطلع لي هابي فيس بس الجهاز اللي عندي يطلع في هابي فيس عالي و منخفض طلع لي منخفض يمكن لان بدايه التبويض سؤالي : انا سبق قريت عن وحده كانت ماخذه كلوميد وكانوا البويضات 29 ع ما اذكر فالدكتوره مارضت تعطيها ابره تفجيريه والبنات كانوا يقولون لها تشرب زنجبيل ودارسين والبويضه راح تنفجر بالاساس انا ماعرف الابره التفجيره وشنو معنى تفجير البويضه بس بما ان التبويض هاليومين تنصحون اشرب زنجبيل وسنو بيفيد في ؟ ويعني شنو تفجير البويضه وياليت لو تعطوني من وقتكم وتشرحون لي بصورة واضحه وربي يسعدكم يااااكريييم |
رد: التبويض والزنجبيل ؟!
حبيبتي اذا كل شيء سليم عندك لاتخافي المسأله هي مسأله وقت فقط لاغير وان ربك لما يقول كن فيكون ..
بالنسبه لاستفسارك عن الابره التفجيريه حبيبتي هذي انتي ماتحتاجيها لأن الابره التفجيريه تنعطى أكثر شيئ للي عندهم تكيسات عالمبيض بحيث ان الابره التفجيريه تفجر البويضه من الحويصله وتنزلها بقناة فالوب حتى يتم تخصيبها من الحيوان المنوي بسهوله .. بس اذا عندك كل شيء سليم فهي تنفجر لوحدها لاتخافي وتنزل لقناة فالوب انتي كثري جماع خلال هاليومين وانا وحده من الناس خذيت ابره التفجير من 7 ايام تقريبا وان شاء الله اكون حااامل يارب انا وانتي وكل منتظرة يااارب .. بشرحلك أكثر عشان الصورة توضح : أنا عندي تكيسات والبويضات صغيره عندي ماتكبر لحد النضوج بسبب التكيس اللي عندي طبعا بعد كل دورة أخذ كورسات حبوب او ابر منشطه عشان تكبر البويضه والمنشطات عادةً بناخذها بأيام الدورة ومن بعد الدورة بيصير متابعه بالسونار الداخلي مع الدكتورة واذا كانت البويضات ماتتعدى اربع بويضات بتنعطى ابره تفجيريه وعلى شرط مهم ان تكون البويضه بحجم من 17 الى 20 تقريبا لأن الابره التفجيريه بتطلعهم من الحويصلات وتنزلهم بقناه فالوب أما اذا كان مثلا عندي فرط تبويض وهذا كثير مايصيرلي فرط تبويض والبويضات بتكون صغار فالدكتورة مابتعطيني ابره تفجير نهائيا لأنه خطر عالرحم لأنها بتفجر البويضات وبتنزلهم ولاسمح الله بيتلقحوا كلهم وبتصير مشاكل احنا بغنى عنها لاسمح الله بينفجر الرحم ... وكذلك مابتنعطى الابره التفجيريه للبويضه الصغيره ولا بويضه كبيره جدا ماتنفع .. المفروض البويضه تكون مابين 17 الى 20 مل .. هالقياس بتعطيكي ابره مفجره غير ذلك لا .. بس حبيبتي انتي عليكي بالزنجبيل كثري منه هالأيام وبعدين عندك كل شيء سليم فلاتتعبي نفسك بالتفكير عن الأدويه وابر التفجير والخ ......... الله يسلك اختي من كل شر ويشافيني ويشافي الأخوات المنتظرات الحمل من التكيس لأن كثير منا فيهم التكيس والحمد لله على كل حال .. حبيبتي طولت عليج بس حبيت اوضحلك الصورة كااامله عشان تفهمين حتى لو شيء بسيط من معنى الابره التفجيريه واذا شرحي مو واضح ان شاء الله البنات ماراح يقصروا .. والكل راح يفيدك ربي يرزقك الذريه الصالحه بالقريب العاااجل اللهم آآمين |
رد: التبويض والزنجبيل ؟!
بناااات وينكم ؟؟
الله يخليكم في وحده جربت الزنجبيل وقت التبويض ؟؟ |
رد: التبويض والزنجبيل ؟!
حبيبـتي اعـــــتقد الاخــت حـــياتي توأمي ماقــــصرت بالشرح الوافي والزنجبيل معرووف انه يفجر البويضه كثــري منـه هالايام هوو كثيير مفييد وكثير ناس جربوه واللـه يرزقنا جميعا ياااارب ومشكوره حياتي تؤامي عالشرح الواضح تحياتي
|
رد: التبويض والزنجبيل ؟!
هلا حبيباتي
الاخت حياتي توامي ما قصرت الله يكرمها ويجازبها هبر سيرح كافي ووافي والحمد لله ان ما عندك مشاكل خدي زنجبيل يومين او ثلاث ولا تفكري فشي ابدا الله ييخر رحم كل من وقعت عبنها على كلامي للحمل السلبم المعافى ويرزقها الذرية الثالحة الحاملة لكتاب الله |
رد: التبويض والزنجبيل ؟!
اقتباس:
شكرا حبيبتي هذا واجبي اذا اعرف شيء لازم أقوله عشان الكل يستفيد . وأذا الأخت حابه تعرف المزيد ان شاء الله البنات مايقصرون معاها |
رد: التبويض والزنجبيل ؟!
اقتباس:
مشكورة حبيبتي من طيب أخلاقك وهذا واجبنا نشرح عشان الكل يستفيد |
رد: التبويض والزنجبيل ؟!
اقتباس:
اللهم اميييين يرزقني ويرزقك ويرزق كل من يبي ياااارب جزاك الله خييير الله يسعدج يارب ويفرح فلبج بالذريه الصالحه يااااارب وكفيتي ووفيني بس كان بخاطري احد جرب الزنجبيل ونفعه من بعد الله وعذرا ع تاخري بالشكر |
رد: التبويض والزنجبيل ؟!
حبيبتي الله يرزقك ما تتمنين يا رب
الزنجبيل كثير منيح لكن يستحسن إنه يشرب من أول يوم للدورة إلى اليوم العاشر للدورة يعني إذا مريتي على هذه الأيام ما بتشربيه فهو مقوي للمبايض و يساعد على تفجير البويضة اي يعمل تقريبا نفس عمل الابر التفجيرية يكفي أنه مذكور في القرآن الكريم لما له من فوائد عظيمة لقوله تعالى: " َيُسْقَوْنَ فِيهَا كَأْساً كَانَ مِزَاجُهَا زَنجَبِيلاً " صدق الله العظيم الإنسان الآية 17 |
رد: التبويض والزنجبيل ؟!
حبيبتى ماشاء الله و الحمد لله ان كل شيئ عندك سليم جربى الزنجبيل هالايام و كثرى من قراءة القران و الاستغفار
و ماشاء الله اختى حياتى تؤامى كفت ووفت ربنا يجازيها خير و يرزقها ويرزق جميع البنات بالحمل السليم المعافى عاجل غير اجل يارب العالمين |
| الساعة الآن 12:10 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .