|
اشياءفعلا ضرورية من خبرتك..لحوامل 2013
السلام عليكم ورحمة الله وبركاته.. اللهم عافنا .. اوعفوا عنا.. واهدنا.. واهدي اولادنا..وتوب علينا انك سميع عليم.. تواب غفار رحيم.. اللهم امين.. طبعا من زمااان انا علي الكتابة في المنتديات.. فاعذروني علي القصور.. ادخل في الموضوووع احسن hwaml83 طيب عن خيرة في اشياء حسيتها فعلا ضروووووورية ولازم تكون موجودة.. عشان كدا حاكتب الاشياء اللي فعلا احتجتها.. وكل وحدة منكم تكتب اللي حسته انه ضروري.. وياليت يكون مدعم بالصور.. نبدأ.. في المستشفى.. http://forum.nooor.com/imgcache/84766.imgcache.jpg شرااااااب أو جوارب... لانه بعد الولادة بتحسي اطرافك تبرد http://static.hawaacdn.com/PE/2010/0...eastpump-1.jpg شفاط الحليب الكهربائي..بصراحة انا استخدمت اليدوي.. مرررة فادني وريحني ..انااام واهلي يرضعو النونو..وكمان يريح الصدر..واقدر اخرج من غير ما اخدالبيبي.. بس ان شاءالله في حملني دا قررت استخدم الكهرباء اريح لليد.. http://beaut.ie/images/cherryblossom.jpg فترة النفاس تجيني زي حالة الكآآآآآآآآآآبة.. فاحتاج عطور خفيفة تنعشني وتريح نفسيتي.. غالبا ما اجيب من بودي شوب لانها خفيفة.. http://todakuaba.com/images/dolcebeb...s-Espresso.jpg حسيت انه فعلا ضروري في فترة النفاس اغراض النون تكون مرتبة وتقدري تحطي اغراضك كمان.. وما نحوس لما يجونا ضيوف شيلو وحطو وخبو... هذا اللي في بالي حاليا وان شاااااء الله كل ما افتكر شي احطه للفايدة.. تمنياتي لكم ولي دوام العافية والولادة بالسلامة يارب ويرزقنا اطفال صالحين بارين سالمين ومعافين وكاملين يارب.. قولوا امييييييييييييين.. |
رد: اشياءفعلا ضرورية من خبرتك..لحوامل 2013
الله يعطيك العافية ويتتم لگ حملگ مررررره فادني موضوعك |
رد: اشياءفعلا ضرورية من خبرتك..لحوامل 2013
يعطيكي الف عافيه موضوع مفيد للبكريات اللي زي
|
رد: اشياءفعلا ضرورية من خبرتك..لحوامل 2013
كرووووشه.. صعفورة.. الله يعافيكم يارب... ويتمم لكم بالسلامة.. اضيف كمان.. http://image.dhgate.com/albu_2425053...upport-for.jpg مشد البطن جداااا مهم بعد الولادة.. في البداية صح تطفشي ومالك خلق تلبسيه لكن بعد كدا حتندمي.. في حملي الاول ما اهتميت وبطني جلست فترة طويييييلة اكثر من سنتين وما دخلت.. جربت الاندنوسي http://up90.s-oman.net/PB8kW.jpg ووحدة جات سوت لي اياه بس مرررة ضايقني وفكيته ثاني يوم..واشتريت يشبه اللي بالصورة الاولى..وريحني.. http://www3.0zz0.com/2012/08/23/12/692417974.jpg مخدة الرضاعة.. جدا مهمة وتريح كثيير في بداية الاشهر.. خصوصا وانتي تعبانة والام الظهر لسه تعاني منها.. ولي عووووودة ان شاءالله..hwaml03 |
رد: اشياءفعلا ضرورية من خبرتك..لحوامل 2013
http://common1.csnimages.com/lf/47/h...er-in-Lola.jpg
غطاء الرضاعة فادني كثير اخذته من سنتر بوينت ب90 ريال http://www.s-oman.net/avb/attachment...1&d=1261513768 معقم الرضاعات مريحة جدا http://forum.07ksa.org/storeimg/img_1269566205_820.gif اشتريت مثل هذي بس لونها وردي وذهبي وكبيررررة ووزعت تغييرات بنتي فيها حفاض ولبس داخلي وفستان او اي لبس وارتبها وادخلها في الكيسات واحطها في الدرج ساعدتني كثيرررر وسهلت علي حتى الدولاب شكله يفتح النفس مرتب مشكورة على الموضوع 🌺😃 لي رجعة |
رد: اشياءفعلا ضرورية من خبرتك..لحوامل 2013
تسلموو تنيناتكم على الافادة
يارب كل الحوامل تستفاد مشكورات |
رد: اشياءفعلا ضرورية من خبرتك..لحوامل 2013
هلا والله وغلا... فعلا غطاء الرضاعة مفيد.. وفكرة الاكياس مررررررررررررة جيدة وحاطبقها ان شاءالله.. ومريحة.. وفكرتيني.. بفرشة تنظيف الرضاعة جدا جدا جدا مهممممة.. في البيت وفي الشنطة.. http://www.kiko.com.sa/ar/components...6caf4ae135.jpg http://up80.s-oman.net/7kVw6.jpg جهاز لسماع صوت الطفل ... مررررررررة مفيد وعملي ويريحك من القلق والروحة والجية.. |
رد: اشياءفعلا ضرورية من خبرتك..لحوامل 2013
سلام ع الجميع ومشكورين ع هدا الموضوع المفيد
بس ليا تعليق خفيف بالنسبة لمفرش الرضاعة احس انه مو ضروري كتير لانه احنا ف مجتمعنا مانرضع فالخارج عشان نحتاج التغطية التامة دي. لاتفهموني غلط وتحسبو اني من الناس اللي ترضع وعفشها برة hwaml53 والكل يتفرج بس من خبرتي لقيت انه كتير نواني لما يرضعو تحسيهم كانهم بيبذلو مجهود لدرجة انه جبينهم يتفصد عرق سبحان الله فكمان مساكين نجي نحنا ونكتمهم تحت هدا الشي. الانسب من وجهة نظري انه الواحدة تشتري من المناشف اللي تنباع ف سنتر بوينت حتى تلاقي منها مقاسين واحدة مربعة صغيرة والتانية اكبر ومنها الوان اشكال متنوعة واستخدمي الكبيرة بحيث تحطيها ع كتفك وتغطي صدرك بدون ماتكتمي البيبي ويسير كمان اذا خلص رضاعة تكرعيه ع كتفك وتضمني اذا كان قلاس ماتتبهدل ملابسك وعذرا ع الاطالة |
رد: اشياءفعلا ضرورية من خبرتك..لحوامل 2013
من فين ألاقي الدولاب اللي أرتب فيه أغراض البيبي
انا جبت دولاب ببيتي اللي يجئ مع السرير طقم بس أبغا من الدواليب البلاستيك أو الخفيفة لبيت أهلي وقت النفاس انا من جدة |
رد: اشياءفعلا ضرورية من خبرتك..لحوامل 2013
انا عجبني دالوب الموقت عشان اغراض البيبي من وين احصله
|
| الساعة الآن 11:27 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .