|
/أرجـع يالرحت بعيد عن بغـداد
أرجـع يالرحت بعيد عن بغـداد وسكنت هناك دولة ما هي دولتنه حقك من رحت جان الوضع مو زين تفجيـر وقتـل وأرهـاب موتنه بس هسه الوضع مو نفسة ذاك الجان عراقييـن كلنا وهـاي طيبتنـه بعد ماكو جوادر مأتم وأحـزان كبل جانت كبل بسنين شدتنـه عبرناها الشـدايـد والحمد لله وهالدمع اليصب هذا دمع فرحتنه كافي من الغرب مو صار خمس سنين مل حتى الغـرب مو كثر غربتنـه أرجع للأهل للصحبة والأحباب نلتم مـن جـديد يا محلة لمتنـه أرجع للنجف لدهوك والأنبـار لتكريت وسماوه أرجع لبصرتنه أرجع للفضل للثورة والنعمان مناطقنه اصبحت والله جنتنه يــا دجلة الخير يا أم البساتين أرجع وأرتوي من ماي دجلتنه أضربلك مثل صغير عن بغداد حاول تفتهم وتشوف حيرتنه بغداد الحضن والشرف والديرة والأم والحبيبـة وهي هيبتنه عايف هالحضن وساكن بغير احضان وعفت هذا الشرف وهجرت ديرتنه أرجع والنصر والله يعود وياك وبيدك هاي بيدك شيل رايتـنه أدري أنت وفي وأدريك ما مرتاح وتصيح الله واكبر لغربة ذلتنـه وأدري أنت أصيل ومعدنك يا نوع وأدري انت الشهم والغيرة فزعتنه أفرض بالغرب لاكاك ملك الموت وبتراب نزلت ما هي تربتنـه درجع والجواز هناك شمرة بعيد ومزكها الأقامة وهاي فرحتنه أرجع والفرح ينتظرك ابغداد أرجع و الوطن محتاج وكفتنه أرجع و الوطن محتاج وكفتنه |
رد: /أرجـع يالرحت بعيد عن بغـداد
يعطيكي الف عافيا لمى
والله يرجع كل مغترب لديرته والله يحفظ لكم بلدكم العراق |
رد: /أرجـع يالرحت بعيد عن بغـداد
كلمات فيها حنينٌ مختلف
عن المالوف.. متفردٌ عن غيره حنين الوطن لابنه وليس العكس طرح رااائع مفعم بالصدق مشكووورة لمى وعسى كل حنين يقر ويسكُن بلقاء ،،، |
رد: /أرجـع يالرحت بعيد عن بغـداد
أج ــمل وأرق باقات ورودى لردك الجميل ومرورك العطر |
رد: /أرجـع يالرحت بعيد عن بغـداد
اللهم اميين انا اشكرك حبيبتي
|
رد: /أرجـع يالرحت بعيد عن بغـداد
ما شاءالله كلمات أكثر من رائعة وصادقة
الله يحفظ العراق يسلموووووووووووووو |
رد: /أرجـع يالرحت بعيد عن بغـداد
|
| الساعة الآن 03:58 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .