|
استفسار للي والدة قيصري
السلام عليكم ورحمة الله وبركاته
كيفكم ياخواتي ؟ انا حابه استفسر عن كذا شي واتمنى ما اكون ازعجتكم انا بكريه ومالي الا كم يوم والده قيصري الحمدلله اسألتي هي كيف اعرف ان الخيوط طاحت مع ان عمليتي كبس ؟ ومتى اعرف ان الجرح التأم الداخلي والخارجي ؟ ومتى ااقدر امارس حياتي عادي هل اجلس 40 يوم نفاس والا زياده ؟ ومتى اقدر البس بناطيل ضيقه عادي ؟ ومتى اقدر اسوي تنظيفات بعد النفاس ؟ ومتى اعرف اني طهرت ؟ وايش ادويه النفاس الي تساعد يلتأم الجرحين بسرعه ؟ ومتى يحصل الجماع بعد الاربعين مباشرة والا بفترة اسبوع ؟ والنغزات الي في مكان العمليه وش سببها ؟ اسفه طولت عليكم * |
رد: استفسار للي والدة قيصري
وينكم يا اخوات محد رد علي :(
|
رد: استفسار للي والدة قيصري
شوفي حبيبتي انا والده قيصري مثلك لي شهرين وبكرية بجوابك على اللي اعرفه
اسألتي هي كيف اعرف ان الخيوط طاحت مع ان عمليتي كبس ؟ الخيوط ماتطيح هم يشلونها لك الدكتورة ماقالت لك تراجعينها عشان تشيل الكبس ومتى اعرف ان الجرح التأم الداخلي والخارجي ؟ الخارجي يلتأم بعد الاربعين بس بين فتره وفتره تحسين بنغزات بس مع الايام تختفي , والخارجي يقولون بعد 6 شهور ومتى ااقدر امارس حياتي عادي هل اجلس 40 يوم نفاس والا زياده ؟ لا عادي تقدرين تمارسين حياتك بشكل طبيعي انا عن نفسي بس قعدت 40 يوم مااخذت زيادة فيه بعضهم ياخذون زيادة ومتى اقدر البس بناطيل ضيقه عادي ؟ هذا الشيء مااقدر افيدك فيه , لانه الحمدلله ماالبس بناطيل لاضيقة ولاغيرها ومتى اقدر اسوي تنظيفات بعد النفاس ؟ انا الا الان ماسويت تنظيفات لانهم سمعت يقولون بعد 6 شهور عشان الجروح تلتأم ومتى اعرف اني طهرت ؟ انا ماعرفت اني طهرت الا لما شفت الدم وقف وايش ادويه النفاس الي تساعد يلتأم الجرحين بسرعه ؟ طبعآ مثل اللي والدة طبيعي بس اهم شيء لاتكثرين الحوارلانه تخلي الجرح يلتهب ومتى يحصل الجماع بعد الاربعين مباشرة والا بفترة اسبوع ؟ الجماع عادي بعد الاربعين مباشرة والنغزات الي في مكان العمليه وش سببها ؟ والنغزات شيء طبيعي فتره الاربعين وتختفين |
رد: استفسار للي والدة قيصري
يعطك العافيه اخت نوني
ويجعله في موازين حسناتك يارب |
رد: استفسار للي والدة قيصري
اعتذر من صاحبة الموضوع على الاضافه
انا حالي مثلك وودي اعرف متى اقدر البس ضيق وبناطيل واضيف أقدر اربط بطني او ماينفع لان الدكتوره قالتلي عادي اربط لكن الحريم خوفوني يقولون مرررررررررررره مو كويس |
رد: استفسار للي والدة قيصري
بالنسبة للبس الضيق تقدري تلبسيه لما تحسي انه ما مضايقك ومافيه الم عند لبسه
وبالنسبة للربط طبعا افضل انا ربطت بحزام من الصيدلية وشكل بطني احسن من ناس انا شفتهم ما ربطوش |
رد: استفسار للي والدة قيصري
الحمدالله على سلامتك وباذن الله البنات يفيدونك وقدامك العافيه يارب
|
رد: استفسار للي والدة قيصري
هلا بالغاليه والحمد لله على سلامتك يارب
وبالنسبه لأسئلتك 7 كيف اعرف ان الخيوط طاحت مع ان عمليتي كبس ؟ عمليتك كبس يعني ما تحتاج خياط وخاصة من الخارج يلتئم الجرح طبيعي اما من الداخل فهو من حاله يروح ومتى اعرف ان الجرح التأم الداخلي والخارجي ؟ الجرح الخارجي يلتئم وانتي تشوفينه وبعض الاحيان تصاحبه حكه بسيطه وهذه بداية الشفاء باذن الله تعالى اما الداخلي اذا بدت تخف عليكي النغزات اللي تجي بين فتره والثانيه انشاء الله بداية التئامه ومتى ااقدر امارس حياتي عادي هل اجلس 40 يوم نفاس والا زياده ؟ مارسي حياتك عادي ولكن بدون مجهود نهائي حتى تتاكدي بعد المراجعه من ان امورك تمام ولله الحمد ايام النفاس تختلف من وحده للثانيه ومتى اقدر البس بناطيل ضيقه عادي ؟ ملحوقه على لبس البناطيل الضيقه أول شيء تأكدي من شفاءك وبعدها يكون خير ومتى اقدر اسوي تنظيفات بعد النفاس ؟ نفس الاجابة تأكدي اولا من شفاءك تماما ولا تستعجلي على التنظيف ومتى اعرف اني طهرت ؟ اذا توقف نزول الدم فتره وايش ادويه النفاس الي تساعد يلتأم الجرحين بسرعه ؟ بالنسبة للادويه تحددها دكتورتك افضل وبلاش وصفات بدل ما تكون ايجابيه تصير سلبيه ومتى يحصل الجماع بعد الاربعين مباشرة والا بفترة اسبوع ؟ عادي بعد الاربعين وبدون مجهود والنغزات الي في مكان العمليه وش سببها ؟ هذه دليل على ان الجرح باقي وفي طريقه للشفاء بالتووووووووووووووووفيق |
رد: استفسار للي والدة قيصري
ماشاء الله ماقصروت ا الغاليات وانا عذرا جييت متأخره,,للرد على الاستفسار
يعطيكم العافيه نوني وام ارجوان وام البنوته,, |
صباح الجوري ..
الحمدلله عالسلامه ياقلبي .. راح اجاوبك لاني ولدت قيصري من سنه ونص تقريبا .. اسألتي هي كيف اعرف ان الخيوط طاحت مع ان عمليتي كبس ؟ الخيوط ياقلبي ماتنشال دامها كبس انا لما رحت اراجع كان فيه طرف خيط طالع وقصته لي بالمقص .. ومتى اعرف ان الجرح التأم الداخلي والخارجي ؟ الجرح الخارجي يلتئم بالاربعين بس الداخلي مو اقل من سنتين لازم تنتبهي على نفسك ولاتفكرين بالحمل اقل من سنتين .. ومتى ااقدر امارس حياتي عادي هل اجلس 40 يوم نفاس والا زياده ؟ تمارسينها بعد الاربعين بس الاثقال والرياضه العنيفه وخري عنها مو اقل من سته شهور .. ومتى اقدر البس بناطيل ضيقه عادي ؟ تلبسين بعد الاربعين مثلي hwaml5.. ومتى اقدر اسوي تنظيفات بعد النفاس ؟ انا بديت التنظيفات وانا نفاس قولي بعد العشرين بديت .. ومتى اعرف اني طهرت ؟ بعد الاربعين تأكدي انك طهرتي لاتستعجلين .. وايش ادويه النفاس الي تساعد يلتأم الجرحين بسرعه ؟ المضاد الحيوي اللي تصرفها لك دكتورتك ولاتاخذين اي شي بدون استشارة الدكتورة .. ومتى يحصل الجماع بعد الاربعين مباشرة والا بفترة اسبوع ؟ هههههـ بعد يوم الاربعين اذا شافك فلقة قمر انسي الموضوع .. والنغزات الي في مكان العمليه وش سببها ؟ سببها ان الجرح مابعد التئم قلتلك اصبري ستة شهور وكمان المسحات الطبية لاتفارقينها امسحي فيها منطقة العمليه والرحم جدا نظافه .. أتمنى افدتك ... |
| الساعة الآن 09:33 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .