|
اللي ولدوا بسليمان فقيه بجدة يتفضلوا
السلام عليكم
انا باذن الله باولد في سليمان فقيه وابغى اعرف ايش الاشياء اللي يوفرونها من .. والى وكمان هل يلبسوا البيبي او لا |
رد: اللي ولدوا بسليمان فقيه بجدة يتفضلوا
هذا رابط ولادتي في فقيه وأي استفسار عيوني لك http://forum.hwaml.com/t113048.html وعند الولاده يلبسون البيبي لبس ويلحفونه ويجيبوه لك وبعد كذا يطلبون منك ملابس البيبي للتغير بس انا عطيتهم شنطه البيبي ولبسوه عشان الضيوف والله يسهلك ويقومك بالسلامه |
رد: اللي ولدوا بسليمان فقيه بجدة يتفضلوا
كيف خياطتهم الخيوط تذوب من نفسها ولا لازم احد يفكها ؟؟
وكمان كم يوم تجلس اللي والدة طبيعي ؟؟ والغرف اقدر اطلب غرفه لوحدي ؟؟ والبيبي اخذت له غيارين كامله تكفي او ازيد ؟؟ ويوفرون لك فوط وكيذا ولا لازم اجيب معاي؟؟ وكيف تخديرهم لاني ما ابغى ابره ظهر؟؟ |
رد: اللي ولدوا بسليمان فقيه بجدة يتفضلوا
انا ولدت فيها كويسه
اول شي غرفة الولادة لوحدك وكاتم للصوت يعني ما تسمعي شي من برا حتى الغرف اللي تنحطي فيها قبل الولاده ما اعرف اسمها هههههه لوحدك المهم وعندك ممرضة تجلس معاكي طول الوقت لين ما يجي وقت الولادة ينادوا الدكتورة وبعدين بالنسبة للتخدير تجيكي وحده تسالك ايش تبغي بالضبط ابرة ظهر او اكسجين وغيره من مهدأت وبعدين يخلوكي ساعه او ساعتين تحت المراقبه عشان لا سمح الله صار نزيف يعرفوا بعدين يطلعوكي عالغرفه ويجيبولكي غيارات متى ما طلبتي حتى تكلمي الممرضة تجيكي تسويلك مغطس دافئ والبيبي كانوا يلبسوه لبس مررة خفيف مو لبس صراحة كدا قطعة قماش يلفوه فيه هههههه كنت لما يطلعوه انا اغيرله الملابس ولما ياخ1وها يجيبوها اليوم التاني باللبس الي هما جابوها فيه اول وطبعا يجيبولها غيارات وبالنسبة للغرف اكيد تقدري تطلبي غرفه لحالك وكمان تجيكي وحده تعلمك الرضاعه الطبييعيه ووحده ثانيه تسويلك جهاز كدا زي المساج على بطنك عشان يريحك وينزل الدم الباقي ويمر عليكي الدكتور اليوم التاني يطمن واذا عندك اسئلة يجاوبك عليهاا وباقي كمان الخياطة انا شفتها كويسه وتذوب الخيوط لحالها ما تحتاج فك وبس خلاص طوووولت مررة |
رد: اللي ولدوا بسليمان فقيه بجدة يتفضلوا
ربي يسعدكم ماقصرتوا
بس في كمان شغال بالي هم يختنوا البيبي او لازم اطلب وانا والله ما اعرف احد في جدة انا جديدة بجدة وابغى دكتور شاطر يختن ما ابغى اعذب ولدي |
رد: اللي ولدوا بسليمان فقيه بجدة يتفضلوا
بالنسبة للختان انتي كلميهم يختنوه اتوقع ببلاش كمان واحسن شي بعد الولادة بكم ساعه احسن انا سمعتها من دكتور لان لسه يكون ما يحس بالالم ويتعافى اسرع بس ما اعرف احسن دكتور هناك ان شاءالله البنات يفيدوكي
|
رد: اللي ولدوا بسليمان فقيه بجدة يتفضلوا
بالنسبه للختان بعد الولاده في فقيه مو ببلاش اعتقد ب500 وانتي تطلبي منهم يختنوه
وهم يخبروكي من الدكاتره الي عندهم وانتي تختاري الي تبغيه |
رد: اللي ولدوا بسليمان فقيه بجدة يتفضلوا
تسلمون ع الرد
طيب يا ام خالد مين افضل دكتور عندهم في الختان؟؟ وكم يوم راح اجلس انا والبيبي يومين او 3 ؟؟؟؟؟؟؟ |
رد: اللي ولدوا بسليمان فقيه بجدة يتفضلوا
اذا طبيعي تجلسين يومين
وافضل دكتور للختان الجراح ياسر جمال سعودي وله اسمه ما شاءالله عليه انا سويت عمليه لولدي عنده وما شاءالله عليه |
| الساعة الآن 02:06 AM. |
Powered by vBulletin® Version 3.8.8
Copyright ©2000 - 2026, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .