|
دورتي وخوفي واشعة الصبغه اللي موعدها الاسبوع الجاي
السلام عليكم
انا عضوه جديده بينكم من الكويت واتمنى تقبلوني .. انا شدني هالقسم حيل وعجبني تعاونكم في الردود على بعض عسى الله يرزقنا يارب ويرزق جميع المتأخرات بالحمل .. هذا الله يسلمكم انا متكيسه من المتكيسات وفكرت اسوي اشعة صبغه على الانابيب والرحم من داخل عشان اتطمن اكثر على نفسي ورحت لطبيبة الحكومه بثالث يوم دوره جيتها الصبح الساعه 9ونص بتاريخ 4/4/2013 ودورتي جتني بالليل الساعه 10 تاريخ 2/4 عطتني تحاليل هرمونات tsh , fsh وقالت تسوينهم حالا وسويتهم ونتيجتهم القاها عند الدكتوره موعدي الجاي وقالت سوي تحليل هرمون البروجسترون باليوم ال21 من الدورهـ تاريخ قالت لي 22/4 مع اني لما حسبت طلع يوم 21 من الدوره هو تاريخ 23/4 موعد اشعة الصبغه 9/4 يوم الثلاثاء الجاي بمستشفى الحكومي وراح يكون ثامن يوم من الدوره وطلبت مني الدكتوره اروح صايمه 10 ساعات قبل اشعة الصبغه اللي موعدها 7 الصبح هل معناها انه معقوله راح يحطون لي بنج الحكومه عشان جذيه طلبت الدكتوره اني اصوم ؟؟؟ دورتي حيل غريبه مدري يمكن من التفكير وشايله هم نتيجة اشعة الصبغه اكثر من الالم نفسه ما همني حتى لو بدون بنج من امس الفجر دورتي انقطعت مع ان يعتبر امس ثالث يوم واليوم هذا الرابع انا من بدت الدوره وانا اشرب دارسين والحين سويت لي زنجبيل بشاي اخضر نزلت خفيفيه من ساعه وارجعت تقطع انا دايم دورتي 5 ايام غريبه من ثالث يوم بدت تقطع وانا حيل مستغربه من هالشي لان عمرها ما كانت دورتي بهالقصر والحين قاعده افكر ومحتاره بهالدوره الغريبه هالشهر ! |
رد: دورتي وخوفي واشعة الصبغه اللي موعدها الاسبوع الجاي
لللللللللللللللللللللللللللللللللللللللرفع
|
رد: دورتي وخوفي واشعة الصبغه اللي موعدها الاسبوع الجاي
ما عندي خلفيه اختي بس ربي يرزقك الذريه الصالحه ويرزقني معك
بس حبيبتي ممكن الدوره تكون خفيفه بسب الادويه يعني عادي لا تخافين وبالنسبه لاشعه الصبغه انا جربتها وهي منيحه للاطمئنان وتنظيف الانبوب وربي يرزقك من حيث لا تحتسبين ولي بالمثل يارب |
رد: دورتي وخوفي واشعة الصبغه اللي موعدها الاسبوع الجاي
والله ماسويت اشعه الصبغه من الخووف
والله يرزقك ويرزقنا يارب ولايجعلنا نحتاج لغيره |
رد: دورتي وخوفي واشعة الصبغه اللي موعدها الاسبوع الجاي
اقتباس:
والحين انقطعت تنقط بس بين كم ساعه وساعه الادويه ما شربت غير دارسين كوب زعتر وكوب بابونج بثاني يوم لما عورتني الدوره والحين سويت شاي اخضر مع زنجبيل وبس اول وثاني يوم كليت حبة حديد عشان الدم ضعيف عندي |
رد: دورتي وخوفي واشعة الصبغه اللي موعدها الاسبوع الجاي
اقتباس:
لازم اختي تسوين الاشعه عشان تطمنين على نفسج وبعد الله هالاشعة تساعد ع الحمل ... في بنج عند الخاص بس ما ادري عن الحكومه اتوقع لما الدكتوره قالت صومي يمكن السالفة فيها بنج لو موضعي |
رد: دورتي وخوفي واشعة الصبغه اللي موعدها الاسبوع الجاي
اقتباس:
ما عليه حبيبتي لا تخافين هيا الدوره بتفاوت كل شهر والثاني وانا مثلك وسالت دكتوري قلي طبيعي مو كل مره بنزل الدم بنفس الكيمه وبعدين انتي بتقولي انه اول 3 ايام كانت غزيره يعني كل شي تمام لا تخافين وبالنسبه لاشعه الصبغه سوري .. بس اكيد ما حتكون اصعب من الولاده انا عملتها بدون بنج والحمد لله علي كل حال مو بنحكي انه كرمال الاولاد بسير اي شي يعني تعب ساعه بيهون مشان نسمع كلمه ماما ربي يرزقك ويرزقني يارب |
رد: دورتي وخوفي واشعة الصبغه اللي موعدها الاسبوع الجاي
اقتباس:
والله ريحتيني بردج ... انا مو شايله هم الالم والعوار عادي هو كله عوار بساعة الساعه وخلاص ينتهي بس خايفه من النتيجه .. يارب اكون سليمه .. وشكرا جزيلا على الرد ..وعسى ما ننحرم من مشاركاتج الحلوه |
رد: دورتي وخوفي واشعة الصبغه اللي موعدها الاسبوع الجاي
حبيبتى ممكن من تاثير التفكيير مثل ما قلتى لا تهتمى
اما عن الاشعة بالصبغة فانا عملتهاااااا ببنج و لم احس بشئ و اطمنت الحمد لله على انابيبى عقبالك لما تطمنى لا تشلى هم و ان شاء الله خير |
رد: دورتي وخوفي واشعة الصبغه اللي موعدها الاسبوع الجاي
من خبرتي الدارسين اللي هي القرفة
هي اللي توقف الدورة أما يا أختي لو جا اليوم التاسع ومانزلت الدورة فأنا انصحك تقولي للطبيبة لأن الطبيب مرة عادلي الأشعة مرتين لأني رحت لطبيبة مهملة وسوتها لي ولسه كان فيه بقايا دورة وأعطتني قرأات خطأ وقال الدكتور أعيدها وعطاني علاج عشان تنزل وقالي لاتاخذي اي شي طبيعي تخيلي سويتها الحمدلله لما نزلت كلها واعطتني قرآه ثانية مختلفة تماماً عن الاولى فالافضل تقولي للطبيبة وتشوفي ردها اما بالنسبة للصيام مو ضروري يعطوكي بنج ليه؟ لأنو أشعة الصبغة تجرى بدون بنج خمس دقايق بس لكن هي ماتبيك تتعرضي للاثار الجانبية من اشعة الصبغة راح تتعبين لو ماصمتي وراح يجيك الله يعزك أٍسهال وإستفراغ الله يعزك فالافضل تكوني صايمة موفقة عيني |
| الساعة الآن 09:49 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .