ساعدوني بليييز مش عارفة مواعيد الاباضة
 

السلام عليكم ورحمة الله وبركاته
انا فلسطينية متزوجة من 3 اشهر تقريبا انا وزوجي حابين يكون عندنا طفل
انا دورتي كل 28 يوم
اجتني المره القبل الأخير ب3/3/2013 وآخر مره اجتني الدورة 31/3/2013‏‎ ‎
ونضفت منها بعد 5ايام يعني تحممت منها امس وانا احضر حالي للاباضه ومش عارفه احسب الها متى تكون ساعدوني يا اهل الخبرة
وحابه اعرف ما هي اكتر اوضاع الجماع المضمونه لحدوث حمل
وشكرا كتير الكم
وادعولي احمل لاني كتير حابه انا وزوجي ‏‎ ‎

رد: ساعدوني بليييز مش عارفة مواعيد الاباضة
 

http://forum.hwaml.com/t180077.html
جربي و أحسبي و دايما أرجعي ليه مشان تحسبي أيام إباضتك
و الله يرزقك و يرزقنا و كل محرومة يارب
أدعيلي حبيبتي

رد: ساعدوني بليييز مش عارفة مواعيد الاباضة
 

يوم الإباضة عندك هو 13 من هذا الشهر الموافق للسبت المقبل إن شاء الله

ولكن تتمتد فترة الخصوبة من 11 أبريل إلى 15 أبريل
حاولي يكون الجماع يوميا أو يوم بيوم حتى تحاصري البويضة

وربي يرزقك الحمل

رد: ساعدوني بليييز مش عارفة مواعيد الاباضة
 

الله يرزقك حبيبتي بالطفل السليم والمعافى
والله اعلم فترة الخصوبه عندك مابين 9الى 16 _4
والله اعلم فترة الحمل بولد هي مابين 13الى 16
وفترة الحمل ببنت ما بين 9 الى 12
يوم الاباضه الله اعلم هو يوم 13
هلا فيكي طبعا تحددي من الافرازات والالم والحراره بس طبعا الافرازات اوضح شي بس تصير شفافه وتمط معك كتير يعني بصعوبه بتنقطع معناته انتي بوقت الاباضه
وعشان تتاكدي اكتر جيبي فحص الاباضه وضلك اختبري الخط بمجرد ما يصير خط حتى لو فاتح جامعي اازا ما بهمك جنس البيبي بس ازا بهمك لا تجامعي الا لما تشوفي الخط الغامق بعد ب12 ساعه
واكتر وضعيه مناسبه هي السجود وبعد ما يصير انزال بتنامي على جنبك مباشر وانتي ضامه رجليكي ونامي على هيك وضع ما تغسلي او تتحركي مباشره
وانشالله خير ولا تنسي صلاة الحاجه قبل كل لقاء والاستغفار ومن هلا بلشي بقراءة سورة البقره وسورة مريم
وبنستنى البشاره
طولت عليكي عسوله بس حبيت فيدك بكلشي بعرفه

رد: ساعدوني بليييز مش عارفة مواعيد الاباضة
 

شكرا لكم كثير أخواتي ان شاءالله آخر الشهر ببشركم بحملي
والله يرزق كل المشتهين يااااااارب

رد: ساعدوني بليييز مش عارفة مواعيد الاباضة
 

اختي من تاريخ 13 الى 18 لاتوقفي جماع والله يرزقك