|
تكفون ابي فزعتكم .. بخصوص مستشفى اليمامه
السلام عليكم ورحمة الله
خواتي تكفون ابي مساعدتكم انا كثير شايله هم .. انا حامل بالشهر السابع وبكريه .. من اهل الخرج بس حابه اولد بمستشفى اليمامه بالريااض لانه ارحم من مستشفى الخالديه بالخرج .. ولاني مابي اولد بخاص اخاف يولدوني قيصري عشان الفلوس .. رحت لمستشفى اليمامه الاسبوع اللي طاف وقالو جيبي تحويل من مركز الصحي تبع حيكم .. والمركز يقول مايحولوني الا لمستشفي الخالديه .. سوالي اللحين انا مايهمني المتابعه عندهم ابي بس وقت الولاده يستقبلوني وبيكون معي ملف المتابعه من بدايه حملي .. فهل بستقبلوني لو اجيهم طوارئ وقت الولاده ولا لا .. وربي تعبت من التفكيييير بالمستشفي اللي بولد فيه :( |
رد: تكفون ابي فزعتكم ..
اكييد يستقبلون اي احد بالطوارئ
بس الافضل ان يكون عندهم ملفك فيه تحاليلك وكل شي |
رد: تكفون ابي فزعتكم ..
شوفي جربي اذا تقدرين تروحين تاخذين تحويل من اي مركز صحي بالرياض وقولي انك زائرة بما انك ماعندك ملف
او اي موظف تعرفينه كلموه |
رد: تكفون ابي فزعتكم ..
ربي يوفقكم ي الغووالي..
طيب احد يعرف اقرب مركز صحي لمستشفى اليمامه |
رد: تكفون ابي فزعتكم ..
الله يتمملك على خير ويسهل امرك ويرزقك ساعه ميسره وانتي استخيري واتوكلي على الله والله يسهل امورك وانا الي اعرف في جميع مناطق المملكه اي طواري يستقبلونك قوليلهم انا جايه زياره وجاتني الولاده
|
رد: تكفون ابي فزعتكم .. بخصوص مستشفى اليمامه
سوي ملفك بمستشفى خاص وخلاص
ووقت الولادة تعطينهم اختي سوت كذا وهي من الطايف وولدت باليمامة وقبلوا الملف حتى مو ملف ورقة واشعه الجنين وكرت العايلة بس |
رد: تكفون ابي فزعتكم .. بخصوص مستشفى اليمامه
اليمامه يستقبلونك وقت الولاده عادي مو مشكله عندهم بس انصحك لاتروحين له لانه مجزره
|
رد: تكفون ابي فزعتكم .. بخصوص مستشفى اليمامه
طيب بما انك بالسابع روحي لمدينة الملك فهد الطبية انا رحت لهم بالتاسع قالو نستقبلك لو كنتي متابعه معنا قبل الولاده بثلاث شهور او يفتحون لك ملف ب 200 ريال والولاده تكون مجانيه
والله يسهل عليك |
رد: تكفون ابي فزعتكم ..
اقتباس:
يسعدكك ربي ي الغلااا .. ومالي الا اسوي كذا وربي يسهل ... |
رد: تكفون ابي فزعتكم .. بخصوص مستشفى اليمامه
اقتباس:
خيتي بشري وش راي اختكك بالولاده باليمامه ... شكرا لكك ي الغلاا |
| الساعة الآن 09:05 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .