يارب تستفيدو من تجربتي في الحمل و تدعولي بثبات حملي اللهم الف حمد و شكر لك
 

يا بنات انا نذرت ان حصلي حمل اقولكم عملت ايه علشان افيدكم و استفيد من دعواتكم ان ربنا يثبتلي جنيني و يحفظهولي
اولا اخر ليريود شوبت كتير قرفه و ينسون و اخدت نوع منشط الدكتور كتبهولي يشبه الكلوميد من تالت يوم للبريود و بعد البريود اسبوع كامل باكول اناناس طازج و باشرب عصيره و منعت الدجاج تقريبا علشان سمعت ان فيها هرمونات و اهم حاجه عملتها و قلبي حاسس ان دي السبب بعد اراده ربنا كل يوم قبل النوم اشرب شوب عصير عنب طبيعي و بالمناسبه كان عندي انفلونزا و حمي طول الشهر انا و زوجي و كنت ماباكلش تقريبا غير باشرب عصير العنب و نزل وزني تلاته كيلو فاعتقد ان جسمي استفاد من العصاير دي و الخصوبه ارتفعت شويه
المهم انا باشوف حرارتي كل يوم و بعد التبويض نزلت تاني قولت خلاص مفيش امل طبعا لاني قريت من واحده ان الحمل بيخلي الحراره مستمره بعد التبويض بس لما سالت الدكتور بتاعي اللي اصلا هو بروفسور هنا في المانيا قالي انا اول مره اسمع كده هي الحراره بترتفع بسيط جدا في التبويض و دي الحاجه الوحيده المؤكده لكن الباقي ملوش قاعده
المهم وقت التبويض استمر مغص يمكن اربع ايام فظيع يروح و يجي و ماكنتش بنام الليل و بعدها افرازات شغافه و بيضه و صفرا كتير بدون اي ريحه و مالفتتش نظري لكنها اول مره تحصلي و شويه صداع و عطش و برضه مش في دماغي لغايه اما عزمت صحبات ليا ييجو يتغدو و اعملهم اكلات مصريه و قولت انظف البيت و اشيل الصوفه من مكانها و زوجي في الشغل و الحمدلله عندي كذه تست حمل في الدرج قولت اما اعمل تحليل علشان اشيل و انا متطمنه مليون في الميه و كل ده قبل ميعاد البريود ب تلاته ايام و استنيت تلات دقايق مفيش و كنت عادي بغني و قولت اتوضي و اصلي و بعد اما صليت افتكرت اخود التست ارميه و المهم لقيت خط خفيف استغربت و ماحطتش في بالي قولت اكيد الخط ده طلع بعد ربع او نص ساعه يلقي مش اكيد ولا قولت لجوزي ولا اي حاجه و نظفت البيت لس ماشلتش الصوفه من مكانها و نسيت و في دماغي لو اتاخرت البريود تلات ايام هاكرر التست و الحمدلله صحيت الساعه اربعه الفجر و عملته و جالي الخط التاني قبل اول تلات دقايق و بعد اسلوعين روحت للدكتور عملت سونار و الف حمد و شكر ليك ياربي بكيت من السعاده لما اتاكدت من الحمل و انا للوقت بادعي ربنا يرزق كل المشتاقات و يفرح قلوبكم و يرضيهم زايي
بالله عليكم يا بنات تدعولي دعوه بظهر الغيب ربنا يثبتهولي و يتمملي حملي عل خير
و نسيت اقولكم ان الوحم كله هجم فجاه من اول الاسبوع اللي فات و يارب يعدي الايام دي علي خير و حد يستفيد من تجربتي

رد: يارب تستفيدو من تجربتي في الحمل و تدعولي بثبات حملي اللهم الف حمد و شكر لك
 

الف مبروك

الله يتمم الك على خير

رد: يارب تستفيدو من تجربتي في الحمل و تدعولي بثبات حملي اللهم الف حمد و شكر لك
 

الله يبارك غيكي اختي دموع الليل و عقبال كل المشااقين و العايزين

رد: يارب تستفيدو من تجربتي في الحمل و تدعولي بثبات حملي اللهم الف حمد و شكر لك
 

الف مبروك وان شاء اله ربنا يثبت حملك ويرزقك الدريه الصالحه وعقبال الجميع ان شاء الله
امين يا رب

رد: يارب تستفيدو من تجربتي في الحمل و تدعولي بثبات حملي اللهم الف حمد و شكر لك
 

الف مبروك حبيبتي وان شاء الله بثبت حملك وبتقومي بسلامه ويرزقني ويرزق كل محرومه يا رب

رد: يارب تستفيدو من تجربتي في الحمل و تدعولي بثبات حملي اللهم الف حمد و شكر لك
 

الف الف مبروك والله يتبت حملك

رد: يارب تستفيدو من تجربتي في الحمل و تدعولي بثبات حملي اللهم الف حمد و شكر لك
 

الحمدلله رب العالمين لا تنسي صلاة الشكر لله

و التسبييح و ادعية الحفظ وتحصينات الجنين

الله يثبت حملك و حمل كل حامل

رد: يارب تستفيدو من تجربتي في الحمل و تدعولي بثبات حملي اللهم الف حمد و شكر لك
 

ألف ألف مبروك أختي والله يتممه على خير لك يارب و تشوفينه قدم عينك

رد: يارب تستفيدو من تجربتي في الحمل و تدعولي بثبات حملي اللهم الف حمد و شكر لك
 

يارب يا كريم يثبت حمللك يارب ويفرح قلبك والله افرحناللك كتير عقبالي وعقبال كل مشتاقه يارب. دعواتك يا الغلاااا . ﷽🌹 ﴿انَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَاأَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾

رد: يارب تستفيدو من تجربتي في الحمل و تدعولي بثبات حملي اللهم الف حمد و شكر لك
 

مبارك عليك حملك الله يثبته ويقر عينك بشوفته سليم معافى امين يارب