|
ابغى استشارتكم
السلام عليكم ورحمة الله وبركاته
انا سجلت بالمنتدى عشان هذا الموضوع صراحه مره محيرني انا حامل والان بالشهر الرابع وهذا اول حمل لي وانا مع زوجي بكندا وصراحة محتاره وين واولد عند اهلي بالسعودية ولا بكندا الافكار توديني تجيبني والموضوع مره متعبني نفسية ايش تنصحوني اولد بكندا ولا انزل السعوديه على ان السفر مره متعب يوم كامل باخذه بالطياره وكمان اذا ولدت بالسعوديه راح تكون الولاده على حساب ابويا الله يخليه لان زوجي طالب دكتوره واذا باولد بكندا راح يكون على التامين وهذي شغله كمان متعبتني ان ماودي زوجي يتسلف وشغله ولا اولد ع حساب اهلي وكمان وقت ولادتي راح تكون بداية ترم دراسي يعني لو نزلت السعودية زوجي ماراح يكون عندي وماراح ارجع كندا الا بعد 4 شهور لمى تكون عنده اجازه يجي ياخذني كمان احس هذا الشي صعب انه مايشوف طفله الاول الا بعد فتره ااااه بس الله يكون بالعون hwaml93hwaml78 ابغى استشارتكم مره محتاره وتعبانه بسبة هذا الموضوع موقادره اخذ قرار |
رد: ابغى استشارتكم
هلااا ياااقلبي
الشي الي محتاره فيه انا مريت فيه وولدت قبل 3 شهور تقريبا الحمدلله كنت حامل وكنت في استراليا مع زوجي واهلي في السعوديه وانا حامل في الشهر الرابع نزلت للسعوديه لوحدي اجازه وصلني زوجي ورجع كان عنده دراسه اول شهر كان حلوووو وماقدر زوجي يرجع ياخدني وجلست الشهر الثاني صراااااااحه تعبت نفسيتي وكنت ابكي كل يوم لغايه مارجعت عنده وكنت في السادس وولدت وهو جنبي الحمدلله تساهيل من رب العالمين حلو لمن زوجك يكون جنبك ويشوف اول مولود له اوكي راحه عند اهلك بس برضه مو زي الزوج تري وعن نفسي انا ماني ندمانه الحمدلله ولدت جنب زوجي وكان معايا في كل شي وحااس بتعبي اللهم لك الحمد والشكر وعلي حكايه المصاريف لو زوجك مبتعث تتحمله الملحقيه الله يسهلك ولادتك ويكتبلك الخير واستخيري افضل ياقلبي تحياني |
رد: ابغى استشارتكم
اقتباس:
اي والله انا احس لو انزل السعوديه وزوجي مو معي راح اتعب نفسينا زياده واذا نزلت السعوديه اجازه شهر وارجع راح يمسكوني اهلي وانا ودي اروح لهم زياره اقل شي يمكن ارتاح الله يعين |
رد: ابغى استشارتكم
حبيبتي انا مجرة الغربة ومرها انا ولدت بناتي وما حد وقف معي في الولادة وشعرت بتعب شديد لكن دول الغرب يهتمون في الام كثير وانصحك تولدي جنب زوجك ويشوف طفله الاول عشان الزوج يكون مبسوط كتير وصدقيني لما ييجي موعد ولادتك زوجك ما راح يسيبك حتى لو كان مو مهتم فيك الان شوفي بعد الولادة كيف يتغير لو كانت كل مشاغل الدنيا عليه حيقعد لطفله وانت الك نصيب ان شاء الله تقومي بالسلامة يارب وتفرحي فيه |
رد: ابغى استشارتكم
خليك مع زوجك
ماخد بيقوم فيك كثر زوجك يا حبيبتي و مميزات الولاده هناك تمام يعطونك ابرة الظهر بسهالات و تولدي بس عليك انت تدفعي البيبي و يصير جنسيه كنديه لولدك يصير تدخليه اي مدرسه تبغي في السعوديه ثاني شي التطعيمات تكون مرتبه و تروحي مع زوجك بس اذا ولدت في السعوديه بياخذ تطعيمات 4 شهور و بيتخربط اذا راح كندا عشان تطعيماتهم نظام غير و في تطعيمات ماتنوخذ في السعوديه تنوخذ هناك انصحك اجلسي ما زوجك و خلي وحده من اهلك تجي تنفسك و تجيب معها اغراض النفاس حتا لو تجلس معك اسبوعين. تنفسك و تساعدك و ترتاحي |
رد: ابغى استشارتكم
استخيري
وانا من رأيي انك تجلسي عند زوجك والنفاس ترا مايبغاله ثقفي نفسك فيه واطلبي من اهلك الاعشاب شحن واذا أمك تقدر تجيك حلو واذا ماتقدر عادي وكلي امرك لله وسهالة يارب احس الولادة هناك أفضل لك والقرار يرجع لك في النهاية الله يتمم لك على خير ويسلمك ويسلم جنينك |
| الساعة الآن 07:09 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .