|
رجعتلكم وكلي شوق اليكم
السلام عليكم
اشتئتلكن كتير بتمنى ما تكونو نسيتوني غبت عنكم فترة طويلة بس اوضاع سوريا خلتني كون بعيدة عنكم سافرت لسوريا من سنه وكان الامل اني ارجع بعد 3 اشهر لزوجي عقطر بس ربي دخيل اسمه راد اني اجلس بسوريا طول هلفترة وكان ممكن ما ارجع بالمرة شفت الموت والعذاب ببلدي كنت احس الموت قريب مني كتير كل يوم قصـــف كل يوم في نازحين وناس مشردة من بيوتها كل يوم في شهداء صرت حس انو ممكن بيوم كون مع هالشهداء وتمنيت ربي يطعمني ياها تمنيت الموت والشهادة وكلي فدا لبلدي بس أمنيتي سوريا ترجع متل ما كانت كنت خاف كتير اني اسمع حد من اهلي واحبابي يصرلو شي ادعي ربي ياخد روحي قبل لا اشوف حدا يتألم منهم حياة كلها خوف ورعب فقدت الامل من هالحياة ويئست من اني ارجع اشوف زوجي من جديد وهو مافيو ينزل لسوريا بسبب هالاوضاع وبسبة انو مو خادم جيش وعمل المستحيل لارجع لعنده عقطر بس ما طلع بايده شي كانت مسكرة على السوريين من كل النواحي بسبب اني سوريــة ما كان يطلعلي لا زيارة ولا اقامه هاد هو ذنبي اني سوريـــة شفت الموت واحترمت من زوجي سنه كامله بسبب اني سوريه بس الحمد لله المتوكل على الله الا ما يجي يوم وتفرج عليه و املي بربي ما خاب توكلت عليه والحمد لله ما ردني خايبه رجعت لزوجي ورجعتلكم من جديد بس القلب رفض انو يجي معي أصر انو يضل بسوريا طلعت من بلدي بس قلبي وروحي تركتهم بداخلها قلبي معكي وعليكي يا سوريا يارب تحمي سوريا وتفرجها عليها وترجع متل ما كانت واحلى طولت عليكم بس الحكي الي بداخلي والي شفته بسوريا كتير بتمنى انكم ما تنسو سوريا من دعواتكم |
رد: رجعتلكم وكلي شوق اليكم
أسأل الله العظيم رب العرش العظيم يحفظ سوريا وأهلها ...
وينصرهم ويحررها وترجع مثل الاول وأحسن يارب العالمين اللهم أمن خوفهم واجمع شملهم وداوي مريضهم وشافي جريحهم وامن خائفهم ورد غائبهم وفك قيد اسيرهم واشبع جائعهم واستر عرض نسائهم وارحمهم برحمة منك ياارحم الراحمين وصلى الله على نبينا محمد وعلى اله وصحبه اجمعين...آمين حمدلله على سلامتك حبيبتي وربي يحفظ اهلك واحبابك وكل ناس سوريا الطيبين .. والله اني اعشق سوريا واهلها ... عشت بيها وشفت طيبة اهلها وكرمهم والله لمن تركتها ورجعت لبلدي بكيت عليها اكثر ما بكيت على بلدي والي ديصير بسوريا يمزق قلبي بس نسأل الله لها الفرج ولأهلها الاجر والثبات. ودي غاليتي. |
رد: رجعتلكم وكلي شوق اليكم
اهلا وسهلا فيكى
الله يرفع عن اهل سوريا وينصرهم أسأل الله العظيم رب العرش العظيم يحفظ سوريا وأهلها |
رد: رجعتلكم وكلي شوق اليكم
اهلا بك وبعودتك
يا بنت سوريا الحرة الابية دمت ودامت سوريا فوق في العالي اللهم احمي سوريا واحفظها يا ربي قلوبنا تبكي دما على سوريا الغالية ودموعنا تدمع على مشاهد الحرب الي نشاهدها وما بيدنا حيلة الا الدعاءلسوريا واهلها فهي غالية على قلوبنا مرحبا اقولها من اقصى الغرب من بلاد المغرب لتصلك اينما كنت في بلاد المشرق |
رد: رجعتلكم وكلي شوق اليكم
http://t3.gstatic.com/images?q=tbn:A...5RrAsTKMjz0jNw
http://www.islamonaa.com/vb/uploaded/New/hmd1.gif الحمدلله على سلامتك ياقلبي والله اشتقنا لك كثيييير وعني مانسيتك يالغاااليه والله قبل اسبوع وانا افكر فيك ومانسيتك من دعواتي كنت دااايم ادعيلك وماتدري وش كثر فرحت لما شفت موضوعك |
رد: رجعتلكم وكلي شوق اليكم
الحمدلله علي سلامتك حبيبتي
والله اشتقنالك كتييير ودايما كنا نذكرك بالخير الله ينصركم يااارب وينصر سائر بلاد المسلمين منوررررررره يالغاليه |
رد: رجعتلكم وكلي شوق اليكم
اهلا حبيبتي وردة سورية بعد زمان الحمد الله على سلامتك ورجعتك للمنتدى نورتي
وانا كمان سورية مقيمة بجدة الله يطمنك على اهلك بسوريا وترجعي تجتمعي معهن بالخير ونفرح بعمار بلادي من جديد الله لا يجعل هاليوم بعيد الي سنتين ماشفت بلادي ورح خلص السنة التالتة وقلبي ناطف لشم هواها وبوس ترابها وربي قادر يغير هالحال لاحسن حال يارب يارب |
رد: رجعتلكم وكلي شوق اليكم
وردة سورية واخيراا
ومين يناسك ياالغالية الله يفرج عليكم من حيث لاتحتسبون يارب كان الله فعونكم الوجع مايوجع غير صاحبه بدرجة الاولى قلوبنا ودعواتنا حواليكم والف الحمدلله ع السلامه نورتي مكانك عسانا مانفقدك يارب عبير ودي |
رد: رجعتلكم وكلي شوق اليكم
نورتي المنتدى الحمدلله على سلامتك
والله ينصركم عاجلا غير اجل ويحمي لك اهلك واحبابك ولايريكي فيهم اي مكروه اللهم امين |
رد: رجعتلكم وكلي شوق اليكم
الحمدلله على سلامتك
يارب تنصر سوريا على من عاداها |
| الساعة الآن 04:23 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .