|
تعبت مع ولدي محتاجه نصايحكم
صباح الخير بنات
نفسيتي حيل تعبانه ابغى افضفض مشكلتي ولدي الي قلب نفسيتي فوق تحت عمره سنتين والله يهديه متعبني مايشوف باب الشارع مفتوح الى طلع انا في بيتي مستحيل اخلي الباب مفتوح خصوصا بعد موقف صار له شاف الباب مفتوح وطلع بس الحمدالله شافه ابوه من لما طلع وجابه بس المشكله اذ جيت عند احد عيالهم كل دقيقه طالعين نازلين مع الباب مايخلونه مقفول وانا بس اطارد ورى ولدي اذ جيت امسكه عندي يصايح مايبغى يجلس لما اكره الجلسه وامشي عشانه البيت وامس كنا معزومين عند ناس وكنت متطمنه عليه لان كل الاطفال عنده في حوش البيت يلعبون قعدت شوي وجيت بطل عليه ماحصلته كل الاطفال موجودين الى هو وشفت باب الشارع مفتوح وعرفت انه طلع لبست عباتي انا وامي ورحنا ندوره وماحصلناه انا ماقدر اوصف لكم شعوري وقتها انهارت اعصابي واحس رجولي تجمدت من الخوف بعدين حصلناه عند الجيران شافوه في الشارع وجابوه عندهم ماقدرت اكمل العزيمه مشيت بيتي وانا كارهه كل شي ودي اعتزل العالم لما يكبر ولدي لاني اصلا مااستفيد شي من الجلسه عند الناس بس طالعه نازله وبالي مشغوول تصدقون حتى سوالف معاد اعرف اسولف hwaml85 |
رد: تعبت مع ولدي محتاجه نصايحكم
ياعممممممممممري ..
طيب حبيبتي أذا سوه كذا عقبيه عقاب بسيطط .. اول شي هدديه بعدين ابدي بالعقاب .. ربي يعيبنكك ..ان شاء الله الله يهديه و يعقل من تصرفه .. |
رد: تعبت مع ولدي محتاجه نصايحكم
امييييين يارب
بس هو صغير مايعرف التهديدhwaml80 |
رد: تعبت مع ولدي محتاجه نصايحكم
حبيبتي هذآ يدل على إن آبنك مآ يطلع كثير ،
فـ أول مآ يشوف الفرصهه قدآمه يستغلهآ ويطلع ، وأكبر دليل إن رفض يلعب مع الأطفآل وطلع ..! صعب إنك تكرهينه في الشآرع .! أو إنك تشغلينه بشي معين ، ولنفترض إنك قدرتي تشغلينه ، سآعة سآعتين بالكثير وبيطفش .! فـ الحل هو إنك تطلعينه فـ أي فرصهه تشوفينهآ منآسبهه أبوه فآضي جآلس في البيت ممكن يطلعه ، ومو يحمله ويدور فيه بالشوآرع .! لآ يخليه يمشي وهو يمشي ورآه ، كذآ بتشبعون رغبته .! مو ضروري أبوه أحد أخوآنك أو أعمآمه لمآ تزورين بيت أهل زوجكك خليه يطلعه شوي ، كذآ ممكن يقل شوي حبه للشآرع وتطمنين أكثر إنتي عليه ، أمآ غير كذآ مآ أتوقع إنك تقدرين تكرهينه في الشآرع وتقيدين حركته ، والله يهديه ويصلحه ويخليه لكك يَ رب .. موفقــهه حبيبتي .. |
رد: تعبت مع ولدي محتاجه نصايحكم
مشكووره حبيبتي والله افدتني كثير
وصحيح كلامك احنا مانطلع كثير نتمشى بس يوميا اطلعه من البيت نروح عند اهلي لانهم قريبنا وعند الجيران |
رد: تعبت مع ولدي محتاجه نصايحكم
حبيبتي أنآ أفهمك تطلعينه وتروحين تدخلين بيت أهلك ، وين المتعة في الموضوع ؟
بعض الأطفآل يحبون يكتشفون بنفسهم ، أذكر أبوي كآن يآخذنآ نتمشى مثلاً ، يجي أخوي الصغير يروح بعيد عننآ ، أمي تقول روحوآ جيبوه ، يقول لآ ، ويقولي قومي آتبعيه ولآ تكلمينه ! والله أصير أمشي ورآه وإطفش والكل يستغرب من الوضع وأنآ كمآن ، بس الآن لمآ كبرت فهمت وعقلت وعرفت ليش ! وآصبحت أفهم تصرفآت أبوي ! ألآحظ عيآل أخوآلي كذآ أول مآيشوفون أحد طآلع يتعلقون فيه ويهربون ، على عكس أخوآني ، صدقيني تربية الطفل مو سهلة مثل مآ نتوقع ، يبغى لهآ صبر وبآل طويل .. الله يكون بعونك حبيبتي .. |
رد: تعبت مع ولدي محتاجه نصايحكم
أنا رأيي من رأي الأخت فوني
ما شاءالله ما قصرت والله يعينك على تربيته |
رد: تعبت مع ولدي محتاجه نصايحكم
بنات اليله خالي مسوي عزومه في استراحه وشايله همها 😔
اوف مادي كيف اسيطر على ولدي عشان مايطلع الشارع انا من بعد ذاك اليوم الي طلع فيه وانا بنادر اطلع عن احد لو مو خالي الي مومسوي العزومه كان مارحت قسم تعبت نفسيتي موعارفه وش اسوي قلت بخلي ابوه يطلعه كثير وشفت حاله زاد مايجي البيت الى قعد يصارخ يبغى يطلع😭 كيف اخليه يجلس عندي اليله لو شوي بس يريحني من المطارد وراه مانجي في مكان الى انطلق يمشي مايقعد دقيقه وحده حتى الرضاعه مايجلس لها ياخذه بيده ويمشي وهو يرضعها ماعنده وقت 😁 |
رد: تعبت مع ولدي محتاجه نصايحكم
وربي تحزنين .. الله يحفظه ويخليه لك ..
ياغاليه حركات ولدك طبيعيه جدآ .. وهذي غريزه بالطفل سبحان الله خصوصآ الذكور يشوفون الشارع وكذا ..واكيد يشوف اخوانه او اشخاص اكبر منه يطلعون ويصير عنده فضول ... خلي عينك عليه وبس .. وتصرفاته مررره طبيعيه .. خالتي كانت مثلك والله مسكينه جابت عيالها ورى بعض والله كانت تدووخ مسكينه من الفجعه .. الله يعينكم يالله وهم صغار يتعبونكم واذا كبرو تذكرونهم ههههههههههههههههههههههههههههههههه ويريحونكم وتقرون عيونكم فيهم يارب .. |
| الساعة الآن 06:05 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .