|
امكانية الحمل مع الرضاعه الطبيعيه؟؟
الحليب عندي بدا يقل وولدي صار يصرخ وهو يرضع وما كنت ادري وش السالفه احسب عنده مغص ولما قريت بعض المواضيع اللي هنا فهمت ان هذا معناته ان الولد ما يحصل حليب كفايه او فيه بطء باندفاع الحليب والطفل يغضب ويسحب الحلمه ويصرخ.. نفس اللي صاير عندي!! قريت اني لازم ارضعه كل شوي واستخدم الشفاطه بعد عشان يرجع يكثر حليبي وبديت انفذ بس ماشفت نتيجة و ولدي بدا ينهار وهو يرضع وكل مالها تستفحل الحاله..
مع اني اشرب سوايل مرة كثير ثلاثه لتر مويه باليوم غير العصيرات والمشروبات الثانيه واكل فيتامينات رضاعه وكالسيوم.. من الاسباب اللي مرت علي لقلة الحليب هو الحمل وصراحه ارتعت :(( تو ولدي يكمل شهرين وانا والده بعمليه والوقت مب مناسب بس انا اول ما خلصت نفاسي غامرت مرة وحده بس!! وبعد كذا استعملنا مانع ومن يومها وانا خايفه من الحمل مع ان الرضاعه الطبيعيه تمنع الحمل بنسبة 98 بالميه وانا كنت ارضع طبيعي مية بالميه وكان اول يوم بعد النفاس وماتوقعت انه ممكن يكون حمل.. اليوم نزل مني افراز لزج جدا يعني لزج وناشف شوي اضطريت اسحبه عشان يطلع!! لونه بني فاتح وشفاف شوي بس طبيعته غريبه كنه قطعه مظاظ.. رجعت لي الوساوس لا اكون حامل!! عندي بالبيت اختبار الحمل بس توني مخلصه نفاسي من اسبوعين ونص متى اجربه؟؟ اخاف مايبين الحين.. |
رد: امكانية الحمل مع الرضاعه الطبيعيه؟؟
السلام حبيبتي
بالنسبة للرضاعة انا ماعندي علم انشاء الله البنات يفيدونك بس ان الرضاعة تمنع الحمل ترى هالكلام غلط غلط غلط الرضاعة ابدا مالها دخل في منع الحمل يابنات انا شفت برنامج اجنبي بالتلفزيون وقالو ان هالمعلومه خاطئة وممكن الوحده تحمل وهي ترضع ... وممكن تكونين حامل لأن صديقتي نفسك بالظبط ولدت وبعد ثلاث او اربع شهور حملت وكانت والدة بعمليه قيصريه .. الله يعينك حبيبتي |
رد: امكانية الحمل مع الرضاعه الطبيعيه؟؟
الحمدلله على سلامتك
حبيبتي شو المانع اللي تستخدميه ؟؟ لانه مرات في حبوب مانع للحمل تتعب الطفل وتخليه ينفر من الرضاعه .. وحتى مرات ادويه ومضادات او نوعية اكل تسبب ازعاج للطفل وهناك احتمال ثاني انه ممكن يكون عنده فطريات بفمه تضايقه .. لانها دايما تصير مع بنات اختي بفترة الرضاعه على العموم هذه كلها احتمالات ونصائح عامه مؤقته لكن الاساس زيارة دكتور اطفال هي الافضل لان صحتهم بالدنيا وبالنسبه لفحص الحمل انتظري فترة اسبوعين لانك لك اسبوعين مخلصه من نفاسك ويارب يريح باالك ويسرلك امورك ويطمن قلبك |
رد: امكانية الحمل مع الرضاعه الطبيعيه؟؟
ما اكلت حبوب استخدمنا العازل ولا قاعده استعمل اي ادوية.. احتمال الفطريات استبعده لانه اليوم حسيت ان فيني حليب احسن من امس وقبله ورضع على طول مسكين.. يعني ما صدق لقا حليب.. بس لما اشفط يبين لي بالشفط قد ايش حليبي نقص عن اول
انا اليوم بروح للدكتور حقه عشان التطعيمه ماعرف اذا له دخل بالرضاعه ولا مو تخصصه! واذا استمرت الحاله شكلي بكلم اخصائية الرضاعه اللي شفتها لما ولدت.. الف شكر على ردك ونبهتيني على نقطة الادوية والفطريات بحطها ببالي.. ولو استمرت الحاله رغم كل شي بحلل بعد اسبوعين باذن الله واشوف هل فيه حمل ولالا.. |
رد: امكانية الحمل مع الرضاعه الطبيعيه؟؟
اقتباس:
|
رد: امكانية الحمل مع الرضاعه الطبيعيه؟؟
الله يطمن بالك عزيزتي
|
رد: امكانية الحمل مع الرضاعه الطبيعيه؟؟
انا حملت وانا ارضع....وكان عمر ابني شهور ...احسسن شي تسوي تحليل دم وتتاكدي انا اللي خلاني اشك لن ابني كره صدري وحليبه بسبب زيادة هرمون الحمل
|
رد: امكانية الحمل مع الرضاعه الطبيعيه؟؟
اقتباس:
|
رد: امكانية الحمل مع الرضاعه الطبيعيه؟؟
حبيبتي احتمال بتيجي الدوره لانه صار نفسك تماما وقل حليبي قبل ماتنزل بكم يوم واحترت ليش وبعده نزلت ورجع زاد والشهر الماضي صار نفس الشي قبلها بكم يوم يصير حليبي خفيف وابني يصير يصيح وصرت اربطها بالدوره اجتني مرتين بعد النفاس ويصير حليبي خفيف
|
| الساعة الآن 07:47 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .