منتديات حوامل النسائية - لا تفرح ان الوقت اسعدك واعطاك=لابد ما سود الليالي تبكيك.......

لا تفرح ان الوقت اسعدك واعطاك=لابد ما سود الليالي تبكيك* )"]لا تفرح إن الوقـت أسعدك واعطاك = لابــد مـا سودالليالي ]دنــــــيا تقـلـــب عـلــها مـــاتــولاك = تـقـبـل وتـقـفي بالـغـثا والـمهـالـيـك

إلى اقبلت تخفي عيوبك عن اعداك = وإلى ادبرت تظهـر عيوبك لاهاليـك

اغنم من صروف الدهر كانه امداك = قبل اللحد عن ظاهر الارض يخفيك

وترى التشكي للمخاليق يشـــــنـاك = يحـط من قـدرك ويفـرح امــعــاديـك
وكـثر التـشره يجعـل الناس تجفاك = ولا عــاد تلـقى بيـنهـم من يخـاويك

[

ولا تمادى في زعل من ترضــــاك = مادام جاء عاني على شان يرضيك

ولا تخــاوي من على ابوه بـــــداك = هذاك وان طال الزمان يغدر فـيـــك

والـجـاهل احـذر لاتجـادلـه يـبلاك = في كـلـمة بين الـمخاليـق تعـمـيــك

والهرجة العوجى لو أنه تنصــــاك = حـاول تجـاهـلهـا وخــله تـعـديـــك

ولاتخـيـب هـقـوت اللي تـهـقـــواك = مادام جاء بين المخاليق ناصيــــك. "]واحـذر تـهـزا يـافـتـى بخلق مولاك = تـشـوفـها باقـرب قـريـبٍ يوالـيـــك

ولاتفرح بزودٍ على الحق وان جاك = زودك ترى نقصٍ على حق ذوليـك

وخـل القـناعه ميزةٍ من مزايـــــــاك = مـع الـقـناعـه كــل شـيٍ يـكـفـيـــك

وان جت لك الدنيا على غير مشهاك = اصبر ترى بالصبر تدرك امانـيـك

ولا تامن الدنيـا تـرى الوقـت فتــاك = لجا القـدر كثـر الحـذر ما ينجيك