بشروني الله يبشركم بالخير
 

السلام عليكم ورحمة الله وبركاته
كيفكم بنات
انا من متابعاتكم بالمنتدى بس من وراء الكواليس وقررت اخيرا اشترك معكم حتى تفيدوني hwaml13
طبعا انا متزوجه من تسع سنوات وربي ماكتبلي احمل لان زوجي عده ضعف وقله بالحيوانات المنويه وهالشي ماحد يعرفه لا اهله ولا اهلي وانا دورتي مخربطه ..وكانت لنا صولات وجولات بالمنشطات والانابيب والتلقيح ... الحمد لله على كل حال

دورتي متأخره من فتره يعني من كم شهر وهذي مو بأول مره رحت للمرخه الشهر اللي فات وقالت لي ان رحمي تمام ومعتدل ومااحتاج تمريخ بس قالت لي استخدم عشبة المدينه وكف مريم عشان تنشيط للمبايض وزوجي استخدم عسل جبلي مع شوية حلبه

المهم مدري وش طرا في راسي قلت له جيب تحليل حمل فيرست ستيب اللي غطاه كحلي hwaml23
حللت طلع لي خط غامق وخط باهت جدا جدا حتى شكيت اني اشوفه كأنه ظل حتى زوجي بالغصب شافه وقلت له جب اثنين برضو اتأكد اليوم الثاني حللت واحد بطلعت الروح يبان
وجلست فتره لين الصبح وحللت نفس الاول خط غامق والثاني كأنه خيال ..فرحت وخفت في نفس الوقت .. ابغى اروح احلل دم بس خايفه اسمع كلمة مافي حمل من كثر ماسمعتها ..الحمد لله بس
قلت له جب لي تحليل من ابو عشره اللي بقطاره hwaml83
حللت الصباح طلع خط واحد انصدمت وزعلت وراح جاب لي جهاز مثل الاول نتأكد وحللت صباح اليوم طلع برضو خط غامق والثاني باهت مثل الظل يالله تنشاف وكلها بالدقايق الاولى وهالكلام كله خلال هالاسبوع

اللحين مدري حامل والا لا حبيت تشاركوني من صار لها مثلي وليش يطلع باهت كذا يكون حمل ضعيف او باقي ماله اسابيع

اكيد بتقولون ليه ماحللتي دم وارتحتي ...والله خايفه ومتردده واحس حتى زوجي متردد زيي
بس أكيد باحلل بعد اسبوع hwaml85

طمنوني بنات من تجاربكم الله يجزاكم الجنه ويرزقني وياكم الذريه الصالحه يارب

رد: بشروني الله يبشركم بالخير
 

حللي دم حبيبتي حتى تتأكدي وان شاء الله حامل

رد: بشروني الله يبشركم بالخير
 

يارب يارب تكوني من حوامل هالسنه الله يعينج حياتي
انا بحملي الأول ظليت 4 سنوات بدون حمل وكنت بمووووت على بيبي صغير والكل يسأل ليش تأخرتي وليش وليش !!
وأنا قلبي مكسووور .. وربي فرجها سبحان الله وحملت بعد 4 سنوات بتوأم ربي يحفظهم .. الله يعينج بصراحه 9 سنوات الله يصبر قلوبكم يااارب
حبيبتي لاتفقدي االأمل ربي راح يرزقج ويعوض صبرج.. عليج بقيام الليل والصدقه بنيه اللهم لاتذرني فردا وانت خير الوارثين
ترى مفعولها اكبر من الأدويه سبحان الله .. ورددي طول الوقت استغفر الله العظيم ويارحيم .. وان شاء الله تبشرينا عما قريب
ألجأي لربك فهو الوحيد الذي سيعطيكي ان شاء الله

رد: بشروني الله يبشركم بالخير
 

الحمد لله على كل حال عندي أمل كبير بربي وعمري ماحسيت بيأس الحمد لله ودايما اذا حزنت احمد ربي كثير واشكره على حكمته

في مقطع قبل شهور شفته للشيخ المغامسي عن فضل تكرار ( ربي لا تذرني فردا وانت خير الوارثين ) اربعين مره في السجود للانجاب
وملازمين عليه من فتره لفتره انا وزوجي وعندي أمل فيها بعد الله عز وجل

رد: بشروني الله يبشركم بالخير
 

الله يرزقك حبيبتي
وتبشرينه بحملك
بنستنا تسوي تحليل الدم وتفرحينا فيك
يارب ياقدير

رد: بشروني الله يبشركم بالخير
 

ربي لاتذرني فردا وانت خير الوارثين

رد: بشروني الله يبشركم بالخير
 

الله يرزقك توكلي على الله وحللي دم ويارب تطلعي حامل
الله يرزقك ويفرح قلبك بذرية صالحة

رد: بشروني الله يبشركم بالخير
 

حللي وفرحينا حبيبتي ان شاءالله حامل

رد: بشروني الله يبشركم بالخير
 

روحي يا بنتي سوي تحليل وبشرينا ان شاء الله ربنا حيرزقك عاجل غير آجل يارب وتفرحينا انا مرت خالي قعدت عشر سنين ما حملت وزوجك زي خالي بالزبط مشكلتوا والحمد الله هيوا عندوا توأم وبنت زي العسل ربنا يطعمك متلهم يارب ما يحرمك وايانا يارب

رد: بشروني الله يبشركم بالخير
 

لا تحللين دم الان انتظري اسبوع عالاقل ويارب ياكريم ما يخيب رجاكم ويرزقكم الذرية الطيبة اللمباركة اللي تقر اعينكم