|
ندمانه وموبيدي اغير نفسي
السلام عليكم ورحمة الله وبركاته
الغاليات الفاضلات بصراحه احسني مررره تعبت بس والله غصب عني مو بيدي الموضوع باختصار اني عندي بنت عمرها ثلاث سنوات وثمان شهور هي مرره شقيه وانا صايره مرره عصبيه ومااتحمل منها شي من تصحا الظهر وانا وياها بحرب اذا عصبت منها اصارخ عليها واضربها كثير امس تقولي ماما انا مسكينه لاتضربيني احس بندم وألم بس ورب البيت اذا نامت ابكي من الي اسويه فيها احس ماعندي صبر عليها من عصبيتي صار بمعدتي نااار شابه تغلي واستفراغ شديد انا رحت لشيخ وقالي انتي ممسوسه اشغلتني الكوابيس مره افاعي وحيات ومره عقارب ومره صراصير وامس حلمت بذيب هجم علي وانا ابكي وحسيت بضربته على صدري انا تعبت من هالحياة احس ماني مرتاحه بشي ابي اعيش بنتي بحنان ورحمه مدري وش اسوي الهموم حاصرتني ومعاناتي من كل جهه وصوب حسبي الله على من حسدي حي يكفيني الله يحرمه العافيه والسعادة بالدنيا والاخرى كاني كل يوم نفسيتي وجسمي بتعب حسبي الله وكفى به حسيب ارشدوني ياذوات القلوب الرحيمه مالعمل ؟؟؟كيف السواه |
رد: ندمانه وموبيدي اغير نفسي
الله يعينك ويشفيك
عليك بالرقيه فيه رقيه للشيخ السدحان منتشره بالجوال اسمعيها دايماً وان شاء الله ماتشوفين الا كل خير وبالنسبه لبنتك لازم تمسكين نفسك وتتحملينها واذا شفتي نفسك بتضربينها او تصرخين عليها استغفري بكثره واذكري الله |
رد: ندمانه وموبيدي اغير نفسي
الرقية ثم الرقية ثم الرقية لاتاجلين روحي لشيخ مرتين بالاسبوع وخذي خلطة الرومي من العطار واستخدميها اسبوع باذن الله بترتاحين ودقي سبع حبات سدر اخضر واشرب ثلاث شربات واغتسلي بالباقي انتي بس الحي على نفسك اسبوع وبتشوفين انشالله الي يسرك ويطمنك ياقلبي والله يشفيك شفا لايغادر سقما يارب وكل محتاج
|
رد: ندمانه وموبيدي اغير نفسي
حالتج مع بنتي مثل بنتي
احس انها تفهم بس تستعبط ماعندي حل الا اضربها وترجع ولا كانها انضربت عاي تعودي عليها وخليها اما بالنسبه للاحلام تعوذي من لشيطان هاذي احلام من الشيطان قومي صلي واستغفري ومافيج الاالعافيه اما التعب هاذي هي الحياة ياعمري لازم تصبرين وحاولي تقرين قرااان بوقت ماتكوني فاضيه وانتي ريحي جسمج من الشغل وحاولي تهتمين بنفسج ياعمري |
رد: ندمانه وموبيدي اغير نفسي
الله يوفقكم ويحقق امانيكم ويحفظكم من كل سوء
|
رد: ندمانه وموبيدي اغير نفسي
الحمدلله يااااربي.....أنااااا عمري ماضربت بنتي.....عودتهااااا ع أسلووووب النظره.....بس من تشووووفني أطالعهااااا وماااانزل عيني تخاااف وتتأدب.....خلي أسلوووب الضرب أأأأأأأأخر شي تستعملينه.....ولااااا عقب بتتعبين في تربيتهااااااا.....
عليج بسورة البقره.....والرقيه الشرعيه.....حرااام ماااالهااااا حد إلاااااا أنتي.....أذاااا أنتي ماااحنيتي عليهاااا من بيحن عليهااااا....البنت أحساااسهااااا بأن محد يريدهاااااا الكل يضربني....حتى الشغااااله يوووم تشوووفج تضربينهاااااا بتستخدم معااااهااااا نفس الأسلووووب..... رااااجعي نفسج وحني عليهاااا وأصلحي مااابينج وبين ربج وعليج بقياااااااام الليل الله يسعدج يالغلااااااااااااااا......ويعاااااااااااااااافيج.. ........ |
رد: ندمانه وموبيدي اغير نفسي
حبيبتى ربى يوفقك بلاش الضرب وخصوصا انها طله عمرها 3 سنوات
حرااااام الصلاة ما تفوتيها ابدا ولا الفجر صليه حاضر وقبل ماتنامى نامى على الجنب اليمين واقرأى دعاء قبل النوم وسورة الكرسى والمعوذتين والاخلاصى واتشاهدي وان شاء الله تخلصى من كوابيس الشيطانوحاولى تاخدى بنتك فى حضنك كتير حسسيها بحبك لها لحسن البنت ممكن تكرهك وتتعقد من الضرب الله يكرمك كله الا الضرب وربى يكرمك فيها ويحنن قلبك عليها ويبعد عنك الشيطان |
رد: ندمانه وموبيدي اغير نفسي
أختييييي العزيزة طاااااال العنا بنتك حااااولي بقدر الامكان أنك لا تضربيها بسسسس يمكن العصبية هذي من الحمل بسسس عليك بالرقيه الشرعيه وقرآه القرآن (الا بذكر الله تطمئن القلوب) وحاولي قبل النوم أنك تقرآ المعوذات علشان ما تجيك كوابيس.
ولا تفكري وااايد وتعصبي هذا يضرك أنت والبيبي. بسسس بنتك حاااولي أنك ماتضربيهااا ضربك هذا بيب ليها حالات نفسية ويمكن يولد عندها احساس بالكره اتجاهك لازم تسيطري على نفسك . هذي صغيرة والأطفااال كلهم أشقياء بسس لازم نتحملهم علشششان هم مايفهمون بعدنهم صغار في قصه صايره في ريال كل مرة يضرب ولده وهذا كله من الام كل شوي تقول لريلها تعال شوف ولدك شو سوى ولدك مايسمع الكلام ويوم واحد الريال راجع للبيت معصب من الدوام وزوجته قاعده تقول ليه تعال ولدك طالع برى الريال من العصبيه شاف لوح طايح شله وضرب فيه ولده والولد يصارخ والدمان تطلع منه وأبوه مانتبه للوح الا يضرب فيه الولد لانه فيه مسامير وراح بسرعة يودي ولده المستشفى لانه ينزف بسسس المصيبة هي ان الدكتور قال ليهم لازم نبتر ذراع الولد لانه المسامير فيها تسمم ونتشر التسمم بالدم علشان كذا لازم نبتر زراعه وقصوه والاب ولأم نادميييين لفعلتهم بسسس شو ينفع الندم بعد ماشاف الاب ولده وهو مبتور زراعه قال الولد لابوه بابا خلاص انا بسمع الكلام بسسس ردولي زراعي بكى أبوه بحسسسره وامه الي كل يوم تشتكي منه الابوه ندمانه أشد الندم. العصبية يام سوت مصايب بسس الواحد يذكر الله ويتعوذ من الشيطان. ~أطفالنا أكبادنا مواسم الصفاء كالزهري في حقولنا والخير والعطاء تراعاهموا عيوننا تفديهموا أرواحنا لأنهم هديه من خالق السماء~ |
رد: ندمانه وموبيدي اغير نفسي
قسم بالله ان القصه خوفتني
ياويلي لو يصير لبنتي شي والله احبها بس غصب عني لان ماتتصورون لما اعصب منها احس بحراره بالمعده والقولون واحس ودي اصارخ بصوت عالي احس ببركان بينفجر مني ملامحي تتغير ووجهه بينفجر واشرب ماء كثير كاني بجهنم والهث بشكل فضيع واحيان على اشياء ماتسوى اعصب منها مره عصبت وسكرت على نفسي عشان مااضرها ومن بكره الفجر صرت استفرغ دم ويطلع مع البراز دم عموما حفظكم الله ورعاكم من شياطين الانس والجن ادعولي |
رد: ندمانه وموبيدي اغير نفسي
حبيبتي أنت فيييييك حاله نفسسسسيه لازم تتعالجي منهاااا والقولون هذا يتعبك من العصبية.
الله يبعد عنك الهم والغم ويجعل حياتك كلها فرح وسرور. روحي المستشفى للحالات النفسية لا تهملي نفسك. |
| الساعة الآن 02:39 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .