حماتي رح تموتني
 

سلام بنات ، كيف الجميع...
انا باول حملي و حماتي و بنت حماي زايرين عندنا اسبوع ... من يومين المسا هم و زوجي كانو جالسين يدختو بالمطبخ حتى ما يزعجوني على اساس بالدخان... و ضلو بحدود ساعه و انا جالسه بروحي بالصالون .... رن الهاتف و صوته قوي ينسمع بكل البيت... اخدت سماعه اللاسلكي لزوجي... فتح الخط قال الو الو ما احد رد.... و بعدها ما رن ابدا... مبارح كان عندي فحص عند الطبيب وقت رجعنا البيت حسيت حماتي و بنت حمايي وجههم مقلوب... بعد ربع ساعه حماتي تقول قدام الكل "مبارح كلنا كنا قاعدين بالمطبخ ما في غيرك بالصالون و بنتي من فرنسا اتصلت 3 مرات و انتي ما رديتي عليها فهي خافت كتير علينا" انا انصدمت بكلامها قلتلها خاله الهاتف رن مره وحده و اخدتلكم السماعه... زوجي رد عليها لو عن جد قلقت كان اتصلت على الموبايلات... سكرنا الموضوع... اليوم من الصبح رن منبه موبايلي تقلي هيدا الهاتف سكرتيه قلتلها لا منبه موبايلي ... صار عده مواقف تلمح اني انا ما ارد على بنتها... فقلتلها خاله انا مبارح زعلت منك معقول ببيتي و تكذبيني....بالبداي هي نكرت انها قالت هذا الكلام بعدين قالت اني انا حساسه زياده و اني متقصده افتعلها مشكله... قلتلها خاله لو اي انسان تقليله انت كنت لوحدك بالغرفه و رن الهاتف و ما رديت شو معناها...المهم انتهى النقاش باني حساسه و هيي ما تقصد... بس يا بنات هالموقف زعجني جدا معقول ببيتي وعينك عينك يتهموني بهالاسلوب... كانهم يريدون يعملو مشاكل بيني و بين زوجي ... رايكم صح تصرفي معاها اوقات الوم حالي اني لازم رديت بطريقه اقسى.... شو رايكم؟؟؟

رد: حماتي رح تموتني
 

اشوف موقفك معقول وبمحل تماما يعني ما فيه مبالغة وفنفس الوقت اخدتي منهم موقف اوريتيهم انك مو سهل بس بطريقة كثير محترمة

رد: حماتي رح تموتني
 

تسلميلي يا مريم .. لكن مزعوجه جدا بعدني ... على الاقل يحترمو انهن ببيتي ...

رد: حماتي رح تموتني
 

حبيبتي حماتك زي امك تقبلي منها واللي قولتيه صح كويس بس بدون زيادة عشان اذا زودتي بتصير مشكلة واذا ده طبعها انتي كبري راسك وما اعتقد ابدا انها تود التفرقة بينك وبين زوجك اكيد مثلا لشئ تاني بس صراحة ما اعرفه بس انتي ما تزودي معاها في الكلام وردي على قد السؤال

رد: حماتي رح تموتني
 

و الله يا مرهفة أنا بالعادة ما ارد عليها لو حكت شو ما بدها... لكن انها توصل تتهمني بالكذب ببيتي .... هم عندهم سوابق هي و بنتها الللي بفرنسا انهم يعملولي مشاكل و يألفو قصص من عندهم و يحرضو زوجي علي لكن هذه اوضح مره و هم ببيتي و بضيافتي ... شكر لردك

رد: حماتي رح تموتني
 

ههههههههههههه ضحكتيني يا سلمى العمر الله يسعدك
يعني يلي بدو يألف عليك ويكذب ما بتفرق إذا ببيتك أو بيتو* الكذاب والمألفاتي وين ما كان وممكن فعلا تكون حابة تتصيد فرصة أو موقف ليصير ضدك فانتبهي وخليكي حريصة بعدين إذا أنت شايفتيه بيتك وكبران راسك من القصة هنن شايفنو بيت ابنهم يعني بيتهم
والشي التاني اللي ضحكني انو لازم تردي عليها بطريقة أقسى لا طبعا شو أقسى من هيك؟ هيك كفيتي ووفيتي هي حماتك بتوضحيلها الأمور بأدب متل ما بتوضحي لأمك من غير تطاول وقساوة
همسة في أذنك... رح تتعبي كثير بالبداية حماتك من النوع اللي بتدقق أو يمكن بناتها اللي بأثروا عليها عليك بالصبر والتحمل والاحتواء عامليها متل أمك تمامااااا ودلليلها هاد الشي الصحيح وفكري بمشاعر زوجك بكل تصرف بتساويه وإياك تحطيه بموقف مقارنة بينك وبين أمو
والله يهنيكم يارب

رد: حماتي رح تموتني
 

كم مررره كررررتي بيتي بيتي بيتي بيتي

حبيبيتي بيتها حتى هيااا

وهي ست كبيره وسيريهاا بكلام ..

الله يهديك ..

رد: حماتي رح تموتني
 

تسلمي يا أم فروحة... يمكن متل ما قلتي معتبرين نفسهم انا الغريبه بينهم... مع ان عمليا هم بضيافتي ابنهم ما يشوفوه الا المسا. و انا بثاني شهر حملي مستقبلتهم و اطبخ و اسايرهم و استمع لاحاديثهم كل الوقت و تاركه دراستي ... على الاقل يحترمو اني حامل و اني تاركه كلشي حتى قوم بضيافتهم... بيعين الله لكن الي يقهر اني انا اللي اسايرهم و احترمهم و يهاجموني و ما اسمع كلمه مديح منهم و سلفتي كتير سيئه معاهم و تكبر بالكلام معاهم يمدحونها كل الوقت و ما يجيبون سيرتها ابدا

رد: حماتي رح تموتني
 

هلا ما عليك فيه هى الحرمه كذا لا اكبرت فى السن تدقق ع كل شي
لا ويمكن يجيك اكثر من كذا اصبرى

لم الله ياخذذ عمره

رد: حماتي رح تموتني
 

ي طفلتي ردك غير لطيف . يا رب يا رب تنحطي بنفس الموقف و حماتك تتهمك بالكذب و هي بضيافتك و وقتها خبرينا شو تحسي

جروح الحب تسلمي حبيبتي على ردك، حماتي مش كبيره كتير بالعمر. اعرف ان البلا مش منها لكن من بنتها المسافره.. عم ظلو ببيتي اسبوع كل يوم تتصل و تحكي مع كل البيت الا انا ما تسال عني. فالظاهر حتى تبرر تصرفها قدام اخوها اخترعو هذي القصه على اساس انا ما ارد على هواتفها. لكن الحمد الله ان هو شاف بعينه و يعرف اني ما تصرفت بهذي الطريقة. ربي يجازي كل واحد على قدر نيته