|
سؤال محرج
مرحبا ياحلوات...
سؤالي محرج وخجلانة اساله بس تعبت ومالي عرفانة شو اعمل قلت يمكن تنصحوني انا عمليتي عملتا من شهر تقريبا ولهلا باخد ادوية الالتهاب ... وصفلي الدكتور مضادات حيوية وتحاميل مهبلية لمدة اسبوعين وانا مااخدت التحاميل قلت رح بلش فيها بعد الدورة لانه فكرت لازم متواصلة ام سببلي التهاب... سالت دكتوري وقالي بلشي بسرعة خدي التحاميل لان المضادات الحيوية بتقتل كل البكتيريا ... وفي بكتيريا نافعة هيا اللي بتهاجم البكتيريا الضارة قال حتى هي بتموت وبيخل التوازن وبصير جسمك معرض للالتهابات النسائية اكتر وانا وصفتلك التحاميل حتى يصلح هالتوازن... هلا بالبداية صار معي احتقان شديد ووحرق شديد وقت الجماع او التبول وبعدا صار حكة شديدة وبعدا التهابات نسائية اول مرة بشوفا المهم عملت بحث لقيت الالتهابات الكانديدا نفس اعراضي واجتني الدورة ... ماعرفت كيف اتعالج حكة واحتقان والتهابات وتسميط من الفوطة.. الله يكرمكم والعفو منكم.. المهم كلمت الدكتور وقالي بلشي بالتحاميل بسرعة واخدت كم وحدة وراحت الالتهابات والاحتقان والحكة بس صار الم شديد اثناء الاخراج ماعم اقدر اتحمل ابدا وصرت ابكي من وجعي كانه شفرات بتنزل ... هلكتو للدكتور من اسئلتي وشو بدي اقلو هالمرة ماعم اقدر شو خجلانة وتعبت مابعرف هي التهابات ولا من اثر عمليتي او شي خطا لانه من بعد العملية كانت صعبة بس كنت اقول طبيعي بعد عملية وبعد فترة بطيب بس صار الوضع اسوأ ... شو تنصحوني ... ورايكم هادا التهاب ولا من العملية وازا التهاب كيف بتعالج يعني انا لهلا عم استخدم التحاميل هي بتعالجو ولا مالها علاقة... |
رد: سؤال محرج
هلا حبيبتي هذا التهابات بسبب العملية
انا سويتها بس مو نفسك لكن تقريباً نفس الاعراض اللي حسيتي فيها بس الطبيب اعطاني مضاد حيوي فقط من بعد العملية اسمه ( زينات) حبتين في اليوم لمدة خمسشة ايام وهي بعد العملية على طووووووووووول والحمدلله خفت عني الاعراض بس هالاعراض كانت بعد العملية على طول يعني بنفس اليوم ! فما ادري انتي تقولي كنتي عادي قبل الدورة وبعدها ساءت حالتك ! مايمنع حبيبتي تكلمي الدكتور لانه هو اللي سوالك العملية لازم يكمل معاك لحد ماتطيبي ان شاء الله لانه لو استمرت معك هالاعراض راح تكرهي الجماع بعدين تتاخري بالحمل اكثر انا لو منك والله كل ماحسيت بالالم اروح له في العيادة ماكلمه والمفروض مايعطيك ادوية كذا بدون لاتيجي بالعيادة |
رد: سؤال محرج
أسأل الله العضيم رب العرش العضيم أن يشفيك
أسأل الله العضيم رب العرش العضيم أن يشفيك أسأل الله العضيم رب العرش العضيم أن يشفيك |
رد: سؤال محرج
الله يشفيك ويعافيك ياقادر ياكريم
يارب الناس اذهب البأس اشفى انت الشافى حسب معلوماتى الكانديدا لها علاج معين وتظهر على طول اذا لقيتى نفسك مو مرتاحة وتعببتى والتحاميل مو سوت فايدة روحى للدكتورة وقولى لها تعمل لك تزريع وهذا التزريع نتيجتة اكيدة إن شاء الله اذا التهابات بتبين نوع الالتهاب وتأخذين العلاج المناسب لك إن شاء الله وإن شاء الله مافيك الا العافية ولاتهملى حالك حبيبتى . |
رد: سؤال محرج
الله يشفيك عزيزتي
|
رد: سؤال محرج
حبيبتي شو هي عمليتك انا مو عارفة ... اما بالنسبة للالتهابات فانا ما خليت ولا علاج وبضلها ترجعلي والدكتورة حكتلي لازم جوزك يتعالج معاكي لانو بتكون العدوى انتقلت الو وبترد ترجع الك فاحسن اشي تروحي على دكتور مسالك وتعملي انتي وجوزك فحص وزراعة بول وتعالجي الموضوع من جذوره .... وسلامتك
|
رد: سؤال محرج
الله يشفيك اختي
|
رد: سؤال محرج
الله يعطيكم العافية ويجزاكن الخير ... انا الحمدلله الان راحت الالتهابات بس عملية الاخراج عموت واحيا وانا بالحمام واصرخ ... رح اسال دكتوري بس لسا موعدي معه يوم الاثتنين ان شاء الله وبصراحة انا مابحب اروح لعندو كتير لانه كل روحة بدي ادفع 1000 ليرة وماعندو مراجعة يعني كل مرة كل مرة ولو سؤال وموفاضي يعني منروح الساعة 12 الظهر مابجي دورنا للساعة 7 العشا والله تعبنا من الانتظار لذلك انا عم اسال هون بركي بلاقي حل لي انا خايفة تكون عملية تنظير بطن اثرت عليي لانه لما عملتها نيموني بالمشفى وماطالعوني لتاكدو اني ذهبت للحمام يعني سالوني هالسؤال خرجتي او نفستي هيك بالمشرمحي وانا قلت ايه لطالعوني ... كانت في وجع بسيط بس الوضع اسوا الان...
|
رد: سؤال محرج
ماتشوفين شر حبيبتي
ادفعي ياحبيبتي هذي صحتك طيب حبيبتي شكله من نوع الاكل اللي تاكليه تاكلي تفاح انتي ؟! ترى التفاح يتعب وربي والبرتقال كمان عشان كذا الاطباء ينصحو باكلها على معدة فارغة اعتمدي ذا اليومين على حميه غذائية وشوربات واشياء دافيه وشوفي ايش يصير معك بس ليه تدفعي فلوس على واحد يلطعكم كل هالوقت يعني المفروض اللي يدفع يدخل على موعده بالضبط وكثير صراحة يتاخر عليك الله يكون بعونك |
رد: سؤال محرج
شكرا اوركيد والله انك مابتقصري معنا ... هو كل المشفى لدكتوري يعني بيعمل كل العمليات بالمشفى وبنفس المشفى عيادتو يعني نحنا منستنى واوقات بتجيه ولادة قيصرية او عمليات فبترك العيادة وبروح عالمشفى وبيطووووووول فبيتاخر دورنا ليخلص وهيك عكل حال انا وزجي زاد قلقنا ويمكن نروح لعندو بكرا لانه الله يعزكم رحت عالحمام شفت دم بنزل مني من ورا.... ماعملت شي لسا وخفت بزيادة... ادعولي بالشفاء والله يجزيكن الخير
|
| الساعة الآن 10:54 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .