|
محتاجه مساعده ...عندج سؤال ..ادخلي
السلام عليكم
بنات انا حبيت نجتمع مع بعض ..واللي عندها سؤال ..محتاجه مساعده بس تكتب واحنا نساعد او ندعيلها ..... شرايكم |
رد: محتاجه مساعده ...عندج سؤال ..ادخلي
جزاك الله الف خير
انا ياحبيبتي بالاسبوع 36وكم يوم تقريبا الحين ومشكلتي بكريه ولا اعرف اعراض الولاده عندي كم سوال اتمنى احد يفيدني الاول المغص اللي اسفل البطن وحركه الجنين بنفس المكان هل تدل على قرب الولاده؟ ثانيا هل ضروري نزول هذي اللي يسمونها السداده؟ ثالثا انا بنص الثامن كان الرحم مفتوح واحد سانتي ولما رحت بعدها بفتره وكشفت قالت ان الرحم مسكر ولا ادري ايش السبب ؟ رابعا واخيرا المغص والم اسفل الظهر لما يجيني ينزل مني افراز ابيض مثل المخاط وانتو بكرامه ولا اعرف هل ممكن تكون السداده وهل السداده تنزل بالتدريج والا لازم مرة وحده؟؟؟ والله يجزاها الف خير اللي بترد وتريحني وجعل ربي يحقق لها كل ما تتمناه |
رد: محتاجه مساعده ...عندج سؤال ..ادخلي
الله يطمن قلوبنا أجمعين وفكرة رووووعه أحلى مافي الدنيا انك تحسي انه في من يدعمك ولو بالدعاء..... مشكورة ياعسل
|
رد: محتاجه مساعده ...عندج سؤال ..ادخلي
اقتباس:
وبالنسبة للرحم اللي اتفتح واتسكر ايوة ممكن يسير وحدة من قريباتي في ولادتها فتح الين مادري كم سانتي يمكن 7 واتسكر من نفسه وولدوها قيصري بس انت غير يمكن في مصلحتك انه يتسكر وبالنسبة للسدادة ياقلبي انت في 37 يعني عادي لو نزلتلك وهيا مو شرط تولدي بعدها على طول في ناس يجلسوا اسبوووع واكثر بعدها بعدين يولدوا والمغص اللي أسفل البطن مع حركة الجنين قلت لك يمكن طلق كاذب أو بمى يسمى تقلصات برايكسون هيكس تهئ الرحم والجنين للولادة أهم شي تابعي دكتورتك عشان تشوف وضع الجنين ومويته ووزنه تمام وﻷ واسأليها عن سجل الولادة تبعك عشان تتفقي معاها على كل شي يعني مين تسمحي يولدك، وهل تبغي رجل يشرفعلى ولادتك، وتستخدمي ابرة ظهر وﻷ، وهل انت موافقة على الطلق الصناعي، والخياطة تحتاجي ولا ﻷ وتجميلي ولا عادي ،وفين راح تولدي يعني هل في غرفة خاصة لك للولادة وهل مسموح يدخل مرافق أو أكثر وغرفتك اللي تنامي فيها بعدين ودك تتأكدي منهاوتشوفيها وأتمنى اني افدتك وربي يكتب لك الساعه المباركة وسلامتك انت وجنينك يارب ادعي ﻷختك في ظهر الغيب |
رد: محتاجه مساعده ...عندج سؤال ..ادخلي
يعطيك العافيه وجزاك الله الف خير ان شاءالله راح اسالها عن كل اللي قلتيه وبالنسبه لسوالي الافراز اللي مثل المخاط ماقلتي لي شي عنه مع انه اكثر شي قالقني
وتوني ماكله تمر خلاص ابي اولد اشتقت لشوفته ومع هذا خايفه من الولاده |
رد: محتاجه مساعده ...عندج سؤال ..ادخلي
السوائل طبيعي تزيد بالتااسع
وعلامه قرب الولادة بس مو شرط ايام ممكن اكثر السدادة مو شرط تشوفينها هي تنزل قطعه وحده .. صفرا فيها شويه دم او بني ثخييينه امممم مثل المطاط !! واذا نزلت يعني الولادة خلال اسبوع ان شاء الله ادعيلي لاتنسين |
رد: محتاجه مساعده ...عندج سؤال ..ادخلي
مشكوووره ي قلبي على الموضوع والله يجزاك خير ياارب .
بغيت اسأل عن معلومه قالتهالي خالتي ام زوجي تقول : اذا كنتي منسدحه على جنب وتبغي تغيري وضعك على الجنب الثاني لازم تجلسي وتغيري وضعك وترجعي تنسدحي ماتنقلبين وانتي منسدحه مررره غلط . المهم انها فجعتني وصرت اوسوس وماعمري سمعت بهالمعلومه . قلت اسأل اذا احد عنده فكره ! |
رد: محتاجه مساعده ...عندج سؤال ..ادخلي
ميسز بنو صراحه اول مرا اسمع بهادي المعلومه
ان شاءالله الكروشات يفدوكي صراحه موضوع جميل ومفيد الله يجزاكي خير اختي انا عندي سؤالين 1) انا عندي ازمات ربو وباخد بخاخ فنتولين الازرق يمكن 6 مرات في اليوم هل هوا مضر ؟ 2)انا شلت المنطقه من تحت بكريم نير واحس يحرقني ليا يوم دحين هل لاسمح الله فيه ضرر؟ الله يرزقها الذريه الصاله ويسهل حملها و ولادتها الي ترد عليا لو بدعوه انو ربي يرزقني شوفه طفلي سليم معافا من كل مرض .. انا والجميع يارب |
رد: محتاجه مساعده ...عندج سؤال ..ادخلي
جزاك الله الف خير يا حياتو على الرد والله يحقق لك كل ماتتمنينه ويبعد عنك كل شر يارب
|
رد: محتاجه مساعده ...عندج سؤال ..ادخلي
جزاك الله خير على فكرة الموضوع
اني حابة اطلب منكم الدعاء لي بالحمل ومنو تعرف اي شي نصيحة علاج لحصول الحمل جزاكن الله خير اني بدأت بطريقة للاستغفار بنية حصول الحمل يارب يرزقني ويرزق الكل 1 التسبيح 70 مرة ((سبحان الله )) 2 الاستغفار10 مرات ((استغفر الله )) 3 التسبيح9 مرات والختم العاشرة بالاستغفار يوميا الصباح والمساء والله يرزق الجميع بالحمل السليم المعافى بحق محمد وال محمد |
| الساعة الآن 05:11 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .