|
اتمني من كل قلبي تساعدوني
السلام عليكم
انا توني مسجله في هذا المنتدي واتمني من كل قلبي تساعدووني انا بنوته عمري 23 وتوني متزوجه من كم شهرر مشكلتي هي انا ماحفظ الاسرار يعني اي شي اطلعه حتى لو اقول مارح اقول حق احد عن هذا شي على طول اقوله وبعدين اقول في نفسي لي انا قلت واطلع الاسراري اكثر شي عند زوجات حماوي بقول لكم كم مثل يصير لي اذا شريت مثل الملابس جاتني مرت حماي اجلس اقول لها ان شريت كذا وكذا وانا ماحب هذا الطريقه ابي امنع نفسي مو اي شي اشتري او يصير لي اقول حق احد لان هي مو كل شي تشتريه تقول لي وطبعا مرت حماي سكانها جنبي في نفس العماره ونفس الدورر ومثل ثاني اقول حق زوجي مارح اروي احد كتاب الطبخ ماحد يعلمني طبخاات لي ارويهم ويوم جات مرت حماي جلس تسولف انه تبي تشتري كتاب الطبخ على طول قالت لها عندي اكتاب طبخ hwaml4 احسس اني غبيه انا ماعندي مشكله اقول لهم بس مشكلتي يابنات ابي اقلل من اني عندي او لا ابي احفظ على اسراري حتى في طلعه بعض الحيين اجلس اقول انا بروح هذا المكان وماحد يقول لي من مرت حماي ابي اتعلم اني احفظ شي ولا اطلعه مو كل مرره شريت بجلس اقول حق احد انا شريت كذا و كذا ولاني ماشوف احد يجلس يقول لي كل مرره ودي تنصحووني لاني بجد ماحتاجه احد ينصحنننننني hwaml15hwaml15hwaml15 امي متوفيه ولاعندي احد اقول له ولو قلت حق احد قريب يمكن يقول لي عادي بس انا ودي احفظ على اسرار بيتي توني جديده ابي اتعلم من الحيين احفظ على اسرار بيتي وانتضرركم صبااياا hwaml14 |
رد: اتمني من كل قلبي تساعدوني
حبيبتي مشكلتك حلها بيدكـ...
امسكي لسانك ... وتعودي على قلة الكلام... لاتصيرين كتاب مفتــوح لغيركــ حاولي تخففي من كلامك ..يعني كيفكم اخباركم ولو فيه موضوع عام تكلمي فيه امورك الخاصة ابتعدي عنها ...خليك مستمعة اكثر من انك تتكلمي ..... |
رد: اتمني من كل قلبي تساعدوني
هلا أختي
فكري قبل لا تتكلمين فالكلام اللي بتقوللينه وحاولي تمسكين نفسج وحاولي ما تقولين أي شئ لأي حد لان في بعضهم يحسدون تذكري قبل لا تتكلمين أن مؤ أي شئ ينقال وحاولي تمسكين نفسج وفكري أن الكلام اللي بتقوللينه هذا شئ خاص وغيرك ما قاله لج |
رد: اتمني من كل قلبي تساعدوني
يعطيكم العافية ع رد أنا اسولف كثير شوي لان ما عندي احد اسولف معه وزوجي مشكلته يشتغل شفتان وغير كذا ينام هناك فأطفش وأقول حق مرت حماي تجئ تسولف معي وبعض الحين أروح لها من كثر ماقول عن مواضيع تخصني صارت أقلل زيارتي لها بس مابي التعود على كذا أنا ودي أمسك لساني وياليت بنات الي مثلي تفيدني بات جربته
|
رد: اتمني من كل قلبي تساعدوني
بنات ياليت تعطوني النصائح كثيره تفيدني
|
رد: اتمني من كل قلبي تساعدوني
ذى .. بس انا مع الناس الي ما اعرفهم
ياعني مثلا عالنت تلاقيني كتاب مفتوح .. اقول لنفسي دول ما يعرفوني .. أحب افضفض واقول علي كل شيئ حتى امورى الخاصة .. وهذا شيئ غلط والله لحد ما بقيت أتعلم شوية بشوية انى امسك نفسي في الكلام وداه من مصلحتى .. الله يعين |
رد: اتمني من كل قلبي تساعدوني
شووفي حبيبتي اذا البنت طيبه وكويسه معك ونفس اخت معها مافي مشكه سولفي عادي اماااا انتبهي اسرارك انتي وزوجك ابد لتطلعينه حتى لو مشكله بسيط او صغير ابتعدي احسن لك ولبيتك وانتي فكري قبل تتكلمي مليون مره
|
رد: اتمني من كل قلبي تساعدوني
والله حسيت بيج ياعزفة الامنيات اني كنت مثلج وهم احس بنفسي غبية ليش كلشي احجي وبعدني اعاني بس قللت موكلشي احجي شفت الحجي بكلشي يسببلج مشاكل ومثل ماكلتي اكول بيني وبين نفسي ليش اني احجي كلشي والناس متحجي اي شي عن حياتهة بديت اعالج هي المشكلة يعني مثلا مرات تلكيني اريد ابدا بالسالفة من انتبه هذا المفروض مااحجي بي اغير الموضوع وبس يعني انتبهي على كلامج قبل متحجين وفكري شوية بي وبعدين احجي واكيد بالبداية راح تصير عندج هفوات وتحجين بس شوية شوية تتعودين على اسلوب التفكير قبل الكلام ................ بالتوفيق
|
رد: اتمني من كل قلبي تساعدوني
السسسلام عليكم
اول شي حبيبي الله يرحم الوالده ويسسكنها فسسيح جنانه ،، انا مثلك احب اتكلم واقول بسس عودت نفسي مااتكلم الا مع زوجي اقوله ككل شي يصير معي حتى لو كانت اشياء تافهه لين تعود يسمعني واقوله احب اتكلم معاك لان مالي غيرك وهو الله يخليه لي يتحمس ويسمع مع انه مو دايم يكون متجاوب معي بس هذا طبع الرجال يعني خليه هو صديقتك واختك وسولفي معه ،، وتجنبي تقولين للكل كل شي يصير لك مو كل وحده بتذكر الله لاشافتك مستانسه ومرتاحه ولا كل وحده شافت شي عندك تتمناه بتذكر الله حافظي على بيتك وعلى زوجك ولاتقولين مقدر امسك نفسي تقدرين عودي نفسك تفكرين في الكلمه قبل تقولينها ومره على مره راح تعرفين ايش اللي ينقال وايش اللي ماااينقال |
رد: اتمني من كل قلبي تساعدوني
السلام عليكم
عمرك ماله دخل بطبعك .. في بنات اصغر منك راعيات بيت و كتومات على خصوصياتهم .. مسألة أنك أشتريتي و و خذتي مو حلوه تتكلمي فيها لان ممكن اللي قاعده تتكلمين عندهم ناس على قدهم و ميزانيتهم ما تسمح زوجك يجيبلك كم يعطيك هذا الموضوع يخصك .. ((لان هي مو كل شي تشتريه تقول لي )) لانها هي ما تحس ان هلامر ما يخصك و لا يهمك طيب اشتريتي طقم ذهب او ملابس هي شنو بتستفيد الا اذا تبين حد يحسدك و تراء العين حق .. انتي مو غبيه لو ساعدتي حد بلعكس هذا يدل على طيبك لكن معليش تفيكرك غبي من هذي الناحيه و ل يعني ايش ماراح اوري حد الكتاب اللي اشتريه .. بلعكس وريها و اذا اسالتك ساعديها و عيريها الكتب حقينك .. ترى ابليس ساكن بوسطكم و يزيد ما بينكم .. عادي تسولفين ايش شفتي بلسوق كتاب قريتيه و استفدتي منه ... لكن احفظي الكلام اللي بينك و بين زوجك .. رحتو مطعم جاب لك هدية جاب لك اي شي يخصكم .. لا تفتحين العين عليكم تراء العين حق طول ما انتي قاعده تذكري الاستغفار حتى لو قاعده معاهم ... ذكر الله راح يلهيك عن اي شي ثاني .. صيري رزينه .. كوني خدومه .. راعية واجب لا احتاجو شي منك و تقدرين تعطينهم عطيهم لا احتاجو مساعده اعرضيها عليهم .. لكن اهم شي لا تتمننين عليهم انا عطيتهم و سويت لهم و ساعدتهم هذا كله تااخذين الاجر عليه من رب العالمين .. اذا تكلمتي فيهم ضاع الاجر و الثواب .. مردك تحتاجينهم .. |
| الساعة الآن 06:12 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .