حجم الجنين
 

السلام عليكم


انا في الشهر الثالث الاسبوع العاشر ربي يتمم لي
المهم قبل اسبوعين رحت عملت سونار قالت لي الدكتوره ماشاءالله حجم الجنين اكبر من عمره بالنسبه لآخر دوره

مع العلم انا مامعي سكر الحمدلله ومتأكده من حساب الدوره وحساب التبويض

انا الحمدلله فرحت وحمدت ربي ان صحته جيده بس بنفس الوقت هذا الشي طبيعي يعني يكون اكبر من عمره او ان السونار يعطي عدد اكبر ؟

وغير كذا الحمدلله مااحس بوحام ماعدا صداغ خفيف ودوخات بسيطه تجيني فترات
وقريبتي صارت سمرا مررره غير كلف الحمل واخر شي طلع ولد
وانا صرت بيضا اكثر من قبل ومافيني كلف وحملي خفيف الحمدلله بالرغم اني بكر
تتوقعون اني حامل في بنوته بالنسبه لقلة الوحام !



اتمنى اللي صار لها كذا تفيدني
ودعواتكم اجيب بنوته تامة الخلقهه يارب

رد: حجم الجنين
 

حبيبتي ماشرط كلف يدل ع نوع الجنين

عادي في مرت اخي صارت سمرا مررره و جابت بنوته و انا سامعه الي وحامها خفيف فيها ولد و لي حملها خفيف فيها ولد والله اعلم


لأنه الناس تختلف ع كيفها وحده يقولولها ثقيله شكله معك بنت و حده يقولولها بطنك مرتفع فيك ولد حيرونا الصراحه



مالك الا تنتظري الي نهاية الثالث يقولوا اذا ولد تبان خصيته بسرعه بس اذا مافي خصيه يعني احتمال كبير بنت



و الله يرزقك من فضله و خيره و يتمم علينا حملنا يارب


هم راح اقولك بنت خالي وحامها مررره قوًي تتنوم في المستشفى و جابت ولد

يعني الله اعلم وش بألارحام ماحد يقدر يجزم


حتا الحسبه الصينيه مو ثقه مره تصيب مره تخيب

رد: حجم الجنين
 

بنسبة لحجم البيبي

اتوقع انه بويضتك نزلت بدري و تلقحت بدري ممكن بعد ماغسلتي من الدوره بكم يوم عشان كذا صار جنينك اكبر من عمره عادي يسمونه حمل مبكر


وفي بنات تحمل قبل الدوره بكم يوم و يصير حمل متأخر يالله يبان كيس الجنين و النبض يتأخر

رد: حجم الجنين
 

ياعمري انتي الله يتمم لك على خير ..ومو شرط ظهور الكلف يعني حامل بولد تري تفرق مو وحده لاثانيه ..امي تقول بحمله كله عمره ماشافت الكلف بحياته يعني شي حلووو..

رد: حجم الجنين
 

مشكورات ع الردود ماااقصرتوا

رد: حجم الجنين
 

ما شاء الله

رد: حجم الجنين
 

حبيبتي لاتنقلين هم عادي ، انا عارفه موعد التلقيح بالضبط .. وهو يوم واحد يعني زوجي كان فيه وكنت متابعه التبويض
يعني يوم الحمل ميه بالميه متاكده منه ، بس الصدمه ان عمر الجنين طلع اكببر من الحسبه ب اسبوع وطمنتني وقتها الدكتوره
ووقتها قالت هو يصير كذا لو البويضه نزلت بدري وتلقحت بدري ،
المهم الحمدلله جنيني الحين طيب ومافيه الا العافيه يارب لك الحمد
ولا ضره انه اكبر من عمره ولا شي ..
فلا تقلقي ولا شي عندك انا نفس حالتك واموري طيبه يارب لك الحمد ..
بالنسبه للوحم وجنس البيبي ابد ماله شغل ، ربي يقر عينك بجنينك ايش ماكان
ادعيله بالصحه والعافيه اهم شي

رد: حجم الجنين
 

امين حبيباتي ربي يتمم لي ويتمم لكم ع خيرر

رد: حجم الجنين
 

الله يثبت حملك ويتمم لك على خير

رد: حجم الجنين
 

دام الدكتورة طمنتك باذن الله مافيه خوف