|
شوفو تحليل زوجي وشورو علي
السلام عليكم ورحمة الله وبركاته
انا متابعه من فتره لهذا المنتدى وسجلت اليوم عشان استشيركم اول شي انا عمري 21 وزوجي عمره 30 متزوجين من سنه وخمس شهور وما صار حمل .. زوجي عنده ضعف وهذه نتيجة تحليله .. [IMG]http://forum.hwaml.com/imgcache2/hwa...296215_982.png[/IMG] الدكتوره قالتلنا نسوي حقن صناعي .. تقول اسرع من اطفال الانابيب .. بس والله ما ادري اسوي ولا لا لاني قريت انه ما ينفع الحقن الصناعي الا اذا كان العدد فوق 5 مليون !! المهم زوجي له شهر ونص مستمر على خلظة العسل والمكسرات بس لسه ما سوا تحليل بعد الخلطه .. مع العلم زوجي ماعنده دوالي سوا اشعه ما طلع عنده دوالي .. الله يخليكم شورو علي ما ادري ايش اسوي وما ابغى اكلم احد عن الموضوع .. بلاش زوجي يزعل لانه حساس من هالموضوع :( وبنات ممكن وحده تحمل طبيعي وهذه نتيجة زوجها ؟؟ :( ادعووولي الله يخليكم بالذريه الصالحه عاجلا غير آجل انا وكل وحده متمنيه الحمل :( |
رد: شوفو تحليل زوجي وشورو علي
كل شيء بايد رب العالمين
ياما ناس كانت حالتهم صعبه واصعب من حالتكم .. والله قدر وشاء يجيبون عيال وناس ما شاء الله عليهم اثنينهم ما يشكون من شيء .. بس ربش ما كتب ليهم اللهم لا اعتراض .. حكمة رب العالمين ما يعرفها غيره وانتين توش 21 .. صغيرة ما شاء الله عليش .. صدق خذ ليكم فترة من اتزوجتوون مو قليلة .. بس اذا حاسة انه سالفة التلقيح الصناعي توها وقت عليها ومتخوفة منها .. وتقدرين تنطرين فانش تمشين براحتش وتجربين العلاجات ويا زوجش أفضل .. جربي سنه .. سنتين .. ما صار حمل ولا فيه نتايج .. ردي بعدين للحمل بمساعدة طبية .. وعيشو حياتكم مبسوطين جنكم توكم مخطوبين .. لا تخلين الموضوع هوس ببالش يدمر نفسيتش ونفسية زوجش .. واستغلي هالفترة بانكم تتقربون من بعض وتجربون اشيا ما تقدروون تجربونها بوجود أطفال ..تسافرون وتتهنوون واذا مستعجله على الاطفال .. جيكي عند دكتورين ثلاثة .. استشيريهم في الموضوع والتحاليل .. واذا تقدرين تطرشين لخارج دولتكم التقارير تستفسرون عن علاج برى .. وتشوفين انسب شي وتسووونه وسلامتشhwaml7 |
رد: شوفو تحليل زوجي وشورو علي
+
اضافة .. ماله داعي اي احد يدري بموضوعكم .. وويش سبب تأخر الانجاب واذا احد سالش .. قولي كتبة رب العالمين .. لين اراد بتشوفون بطني يكبر وبحضني طفل! موضوع جدا حساس .. وماله داعي اي احد يعرف ويش السبب! |
رد: شوفو تحليل زوجي وشورو علي
شوفي حبيبتي بالنسبه لتحليل زوجك فواضح عندو العدد قليل جدا واحد مليون والطبيعي يكون اقل شي 20 مليون او 25 مليون وكمان مش بس العدد وانما الحركه قليله والتشوهات كمان عشان كذا لازم يشوفه دكتور ويكتبله على علاج ولا تخافي بيصير حمل ان شاء الله وبالنسبه الك فانتي لسى صغيره يا عمري مافي داعي للحقن المجهري واطفال الانابيب لان حالتكم ما تستدعي هو مجرد علاج ومنشطات وبتخلص وتحملي وكمان انتي عندك فرصتك حتى لو تاخرتي 4 سنين لا قدر الله لان لسى صغيره وعليكي الدوره فمافي خوف ويارب تحملي بتوم بس لا تلعبي بنفسك وعلاجات وحقن وكذا
|
رد: شوفو تحليل زوجي وشورو علي
الله يرزقك حبيبتي خلي املك بالله كبير
انه رحيم بعباده |
رد: شوفو تحليل زوجي وشورو علي
حبيبتي انا راح اعطيك هاوصفة ان شاء الله يكون فيها شفاء لحالة زوجك انا اخدتها من وحدة كانت حطتها هنا و هي لقاح نخيل في كاس حليب ساخن محلى بعسل السدر و زيت الجينسج 4 قطرات في الصباح على الريق داءماا جربيها و شوفي و ان شاء الله يكتبلك الحمل بادن الله
|
رد: شوفو تحليل زوجي وشورو علي
اقتباس:
شكرا لردك أختي ويارب الله يرزقني ويرزقك قريبا :) |
رد: شوفو تحليل زوجي وشورو علي
اقتباس:
أكيد اختي وانا وعدت زوجي الموضوع ما احد يعرف فيه من الاهل او المعارف .. المهم انه احنا مبسوطين ومتفقين .. والحمدلله على كل حال :) |
رد: شوفو تحليل زوجي وشورو علي
اقتباس:
ردك رفعلي معنوياتي كثيييير .. الله يسعدك يارب ويرزقنا وياك الذريه الصالحه :) |
رد: شوفو تحليل زوجي وشورو علي
اقتباس:
|
| الساعة الآن 03:50 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .