منتديات حوامل النسائية - يارب لك الحمد كما ينبغي لجلالك وعظيم سلطانك .. قصة ولادتي لنونتي

بسم الله الرحمن الرحيم

كيفكم كروشات؟ ان شاء الله بخير وعافيه؟
راخ ادخل في الموضوع دوغري دوغري
انا من كروشات شهر صفر، وقدر الله علي اني اولد في ربيع الاول
بعد مانظفت التجمع وبخرته وقفلته مثل ماوعدت باقي الكروشات hwaml16

كان موعد ولادتي بحساب الدورة 9يناير وبحساب السونار 14 ينايرجا 9 يناير وانا ماولدت
لكن من يومها وانا جايتني اعراض ولاده
افرازات غريبه جدا ،والرحم فاتح 2 سم،مغص متكرر لكن مو قوي ولا منتظم
زادت علي الالم يوم الجمعه .. رحت الطوارئ وسووا لي تخطيط طلق
وكان يجيني طلق منتظم يوصل لل50
و عطوني عصر بارد ،، بعدها وقف الطلق hwaml15صار صفر في التخطيط hwaml13
رجعت البيت وانا لازلت احس بتحجرات ومغصات يزداد المها تدريجيا
يوم الاحد الصباح صحيت من النوم وكان التحجر زايد والالم بالكاد اتحمله
ورحت افطر و على طول استفرغت :(
كلمني زوجي وقال لي تبين تروحين مستشفى
قلت له لاء مو ضروري ما اتوقع فيني ولاده
رجع من العمل ومعاه الغدا ع الساعه 4:30
تغديت ع الخفيف وصليت العصر
بعدين رحت انام لان جسمي متكسر
واذا جاني مغص اتألم واصير اتنفس من فمي علشان يخف الألم
زوجي قام وجاب لي عبايتي واخذ شنطة الولاده للسياره وقال مشينا المستشفى
ما امداني ازين شعري ولا انظف المنطقه hwaml

ركبنا السياره متجهين للمستشفى
ٍوكعاذة مدينتنا الجميله كان في زحمه شنيعه في الطريق
علقنا فيهاساعتين
وكل ماجتني طلقه الاقي نفسي تمسكت في المقعد ورفعت جسمي
مرررره ما اقدر اجلس
وماوصلت المستشفى الا والفرق بين الطلقات 7 دقايق
كشفت علي الدكتوره وقالت 4سم ،الى غرفة الولادة
ودوني وزوجي راح يخلص اوراقي
وجلست ابكي :( شي تعيس انو يتركونك تطلقين لحالك
اخر شي لما جا زوجي قلت له يستعجلهم في الابيدورال
مره ماكنت قادره اتحمل، ولا كنت ابي اصرخ
مره ما احب كذا
ومرت الدقائق وكأنها ساعات على ما جا اخصائي التخدير
وجلس يقرق على راسي عن الاعراض الجانبيه وكيف مفعول الابره
وزوجي يسأله ويستفسر وانا مرررررره خالصه ابيهم يسكتون ويعطيني الابرهhwaml15

واخذت الابيدورال hwaml5
ورااااح الالمhwaml03 بس كنت احس بالتحجر وضغط البيبي على عظام القفص الصدري

جت الساعه 12 وقالوا فتح 10 سم ادفعي علشان ينزل البيبي
دفعت دفعتين وقالوا نزل وودوني لغرفة الولاده
وربطوا رجليني وشغلوا اللمبات حقت العمليات
وصاروا الممرضات وحده تتحسس بطني والثانيه عينها ع التخطيط
واذا جتني الطلق قالوا لي بوش
وانا ابوووووووووووووش
وهم يشجعوني هههههه مباراة كرة قدم
وزوجي اذا سمع صوتي وانا ابوش يدخل وانا اطرده hwaml9
ما ابي يشوف
المهم وقفوا الجهاز الللي يودي المخدر للقسطره الللي بظهري
ويقولون لي بووووش
انقطع نفسي وجلست ابكي خلاص مافيني تعبت
جت الدكتوره وسوت شق عجاني و بالجفت طلعت نونتي للدنيا ❤❤
كانت متبرزه ياعمري عليها :(
وحطوها على صدري
ودخل زوجي وجلس يتفرج وهم ينظفونها واذن في اذنها قدامي
بعد ماطلعت المشيمه جلست الكتوره تخيط
وانا احس بألم الابره
ماخلصت خياطه الا وانا ابكي من الالم علشان مفعول الابره بداء يروح
وعطوني مسكن وجلست في غرفة الملاحظه ساعه بعدين جت طبيبه وفكت القسطره اللي بظهري
ورحت لجناحي و جابوا لي فطور

بعد كم ساعه جت ممرضه ومسكتني توديني الحمام تقول لاااازم تروحين
لما وقفت انكب الدم ع رجولي وامتلى الشبشب والارض وحسيت بدوخه
رجعتني ع السرير ونادت ممرضه ثانيه ودكتوره
وعطوني ابره
اخذوا مني عينه دم

قالوا لي بعدين انو جاني نزيف
دمي كان 13 صار 6
وانو خطر على الكلى والمخ ولازم اوقع علشان ينقلون لي دم
نقلوا لي وحدتين دم
وصاروا يعطوني حديد في السيروم
كنت جدا تعبانه ما اروح الحمام الا ومعاي ممرضتين

بعدين بدوا الزوار يجون ع يوم الثلاثاء
وانا حتى لبس المستشفى مو قادره اغيره
كنت انام واغفي والزوار عندي !
وماما تكلم الناس تقول لهم اني تعبانه وما اقدر استقبل ضيوف
وللاسف مو كل الناس تقدر ظروفك !!

توني هاليومين بديت اتعافى شوي
وصار فيني حيل ارضع بنتي
وعلى طول جيت ابشركم بولادتيhwaml7

نصيحتي لكم ياكروشات
الحديييييييييد ثم الحدييييييييييد لا تهملونه حى لو كان دمك كويس
انا دمي كان كويس ومع النزيف نزللللل
وكل وحده بتولد تكون معرضه للنزيف، علشان كذا انتبهي لنفسك وخذي الحديد واحرصي عليه
علشان ما تتاثرين بفقدان الدم ويصير لك صل ما صار لي
والله يبعد عني وعنكم وحبايبنا كل شر ❤