مسحت الطاولة بشماغ زوجي
 

لو سمحتو بدون تريقة
ما أدري وش صار فيني .. لقيت شماغ زوجي وكان يبغاله غسيل وكانت الطاولة جنبي ومغبرة
ومن زود الدلاخة أخذت الشماغ ومسحت به الطاولة
صحيح غلط .... بس موهنا المشكلة ....
المشكلة دخل علي زوجي وانا امسح بها الطاولة !!!!!!!!!!!!!!!!!!!
طبعا لا تسألو ايش اللي حصل المهم انها تفسرت اني ما احبه ما اعمله اعتبار مستهتره فيه مستهينه فيه الى آخره
اللحين نصيحتكم ولو كانت قاسية المهم بلا تريقة

رد: مسحت الطاولة بشماغ زوجي
 

الله يهديك يعمري عاد مالقيتي الا شماغ زوجك والله فضيحه بيقول على وسخه الله يقطع بليسك الله يهدي النفوس ويعينك

رد: مسحت الطاولة بشماغ زوجي
 

اشتريله شماغ ماركه وكشخه تعبيرا لاسفك
والله مالومه لو زعل ورما كلام .. يعني شماغه معليش كيف تمسحين فيه حتى لو يبي غسيل ؟
عاده شماغ الرجال نظيف مايبيله ذاك الغسيل ..
عموما الله يهدي سرك وقوليله انك وقتها مانتبهتي على بالك ممسحه او اي شي وعوضيه بشماغ بداله

رد: مسحت الطاولة بشماغ زوجي
 

طيب ابغى افهم ايش دخل المحبة في الموضوع . . . .
ما اقدر اكمل الله يعين بس

رد: مسحت الطاولة بشماغ زوجي
 

يعني ما لقيتي الا شماغ زوجك يا حبيبتي لازم تنتبهي منيح لان الرجال تراهم ما يسامحونا بسهولة بيطل يدور على مثل هالاشياء عشان يبهدلونا اعترف له انك غلطت و مراح تعيديها ابدا و ربي يعينك

رد: مسحت الطاولة بشماغ زوجي
 

حبيبتيى لاتزعلين من كلامي اذا كان قاسي بس صدقيني انه غلط

رد: مسحت الطاولة بشماغ زوجي
 

جزاك الله خير استاهل اكثر
هو طيب وبيرضى اكيد المشكلة انه راح يشيلها للعوزة ويابختي

رد: مسحت الطاولة بشماغ زوجي
 

صحيح انج غلطتي وانتي في قرارتج عارفة و تعترفين ايضا بلسانج وهذا طيب ..
ولكن.. الصدق مع الزوج افصل حل.... قوليله سبب مسحج للطاولة الا وهو بلهجتنا (الهيازة)...
وما اشوفها مشكلة تستحق من زوجج انه يفسرها بعم اهتمام وقلة الحب ..
نعم يعاتبج على التصرف او الكسل ما الومه لكن يتهمج بعدم الحب او قلته ... ما يصير ما يعلم بالقلوب الا رب القلوب ..

رد: مسحت الطاولة بشماغ زوجي
 

اشري شماغ جديد وعطيه...وان شاء الله يرضى هو قال هالكلام لانه تفجاء بتصرفك...
ههههههههههههههههههههههههههه قسم بالله ضحكتيني صدق احيانا نتصرف تصرفات غبيه ما ادري ليش

رد: مسحت الطاولة بشماغ زوجي
 

ههههههههههههههه بصراحة موقف مضحك وأكيد كل وحدة فينا سوت شيئ من هذا القبيل من باب السرعة يعني غبرة وش بتضر الشماغ
بس المشكلة بزوجك لما دخل والرجال يفكرون غير تفكير الحريم
المهم فهميه وجهة نظرك وقولي له شماغ مغبر مسحت فيه طاولة مغبرة من العجلة اللي انا فيها وأكيد هالشي ما بضره ولو ان الحركة بايخة ومعك حق تزعل وروحي جيبي طرحتك ( الوسخة يعني اللي يبيلها غسيل) وقولي له امسح غبرة الطاولة وبكذا تكون وحدة بوحدة وأعبرلك عن حسن نيتي وان الموضوع صار بسرعة ومو القصد منه شي
وانتبهي حبيبتي مرة ثاني مثل هالامور نجدها سخيفة غيرنا يراها كبيره
الله يهدي سركم يارب ويوفقكم