|
تتوقعون مضخة الحليب هي الحل؟ وشنو احسن مضخة؟ افيدونا بخبراتكم
السلام عليكم،
انا ولدي ع طول يبكي ما يسكت حتى وقت الصلاة والسباحة والنوم اضطرينا نعطيه حليب صناعي لانه ينام دقيقة دقيقتين ويقعد ما صار ينام اكثر من ساعة متواصل الا عقب ما عطيناه الصناعي! :( وصرت اعطيه من صدري+الصناعي لكنه صار ما يبي من صدري احيانا يجنني اتم وياه مدة طويلة بانصاص الليالي وما يحصل لنا ننام ما يبي من صدري رغم ان اعطيه قبلها صناعي بس احيانا يفرغه ويرجع يصيح او ما يكفيه.. وبالنهار بعد احيانا ما يبي من عندي.. اخذت مضخة بس ما عجبتني لانها صغيرة وتسرب مو عملية.. الحين ابي اخذ مضخة غيرها "يمكن اذا عطيته طبيعي بالمرضعة يتقبله".. من خلال تجاربكم اي احسن المضخة الكهربائية أو اليدوية؟ وشنو احسن ماركة؟ وكم سعرها؟ وياليت تحطون صورتها جزاكم الله خير |
رد: تتوقعون مضخة الحليب هي الحل؟ وشنو احسن مضخة؟ افيدونا بخبراتكم
سلام عليكم
انا عندي مضخه ميديلا الكهربائيه swing ومرتاحه عليها اشفط منها وانا ارضع بنتي من الصدر الثاني اشفط لبنتي واخليه بالثلاجه ووقت مااسبح او اصلي اعطيها اهلي والرضاعه موجوده الطفل مو كل مابكى يبي يرضع اذا شبع مفروض تحاولي ماتعطيه الابعد ساعتين حتة تنتظم رضاعته لما تعطيه مايرفض المص خصوصا اذا يبغي ينام لانها غريزة عند الطفل بس حاولي تنوميه بالهز او تدوري به او تعطينه لهايه اذا شبعان لان كثرة الحليب عن حاجته تخلي الطفل يرجع :) |
رد: تتوقعون مضخة الحليب هي الحل؟ وشنو احسن مضخة؟ افيدونا بخبراتكم
للاسف المضخات الكويسة غاليه.. انا اشتريت كم نوع ورميتها لانها بالبدايه تكون كويسة بعدين فترة بسيطة وتبدا تضعف وماتطلع حليب.. واليدوية متعببببه.. بعدين قريبتي رشحت لي فليبس سعرها 1200 ريال تقول ممتازة وماتخرب وتشفط لك كميات كويسة اذا صدرك فيه حليب بس لسا ما اشتريتها.. برضه سمعت عن المديلا عندهم موديل ب 800 ريال على ما اعتقد برضه مدحوها لي..
بس لازم تفهمين نقطه المص هو اللي يحفز الصدر على انتاج الحليب اذا ولدك ما ياخذ صدرك ابد وبتعتمدين فقط على الشفط يمكن حليبك يقل ويمكن مايقل بس مارح يزيد وحاجه طفلك كل مالها وتزيد.. لكن لو يمص فصدرك رح يزيد حسب مص طفلك يعني يوفر له حاجته سبحان الله.. اذا مصره على الطبيغي ومستعده تتحملين اقطعي الصناعي مرة وخليه يموت من الجوع وما يلقا الا صدرك واذا رضع شوي اتركيه بعدها ساعه حتى لو صاح بعد دقيقتين.. بعدين زودي المدة بين الرضعتين بالتدريج لين يتعود على نظامك وبيصير كل مرة يرضع اكثر.. لا تضعفين عند صياحه انتي عوديه على نظامك.. بتتعبين مرة بالبدايه بس بعدين خلاص بيمشي على نظامك لانه ماله غيرك.. لكن تعطينه صناعي بعدين صدرك اكيد مارح ياخذه لانه شبعان.. |
رد: تتوقعون مضخة الحليب هي الحل؟ وشنو احسن مضخة؟ افيدونا بخبراتكم
ميديلا الكهربائيه ميني اليكتريك
وسعرها في سنتر بوينت 423 |
رد: تتوقعون مضخة الحليب هي الحل؟ وشنو احسن مضخة؟ افيدونا بخبراتكم
افنت من سنتر بوينت سعرها 750
|
رد: تتوقعون مضخة الحليب هي الحل؟ وشنو احسن مضخة؟ افيدونا بخبراتكم
شكرا لكم على الردود والافادة..
اختي ريحانة كلامج جدا مهم وجزاج الله خير على التنبيه اختي يارحيم الفكرة اللي قلتيها حلوة بس حاولت اطبقها لكن ما ضبط وياه لان ولدي عصبي شكرا للجميع.. |
| الساعة الآن 10:33 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .