منتديات حوامل النسائية

منتديات حوامل النسائية (https://naqatube.com/index.php)
-   منتدى أعراض الحمل والوحام (https://naqatube.com/forumdisplay.php?f=8)
-   -   التغذيه السليمه لكي ولجنينك (https://naqatube.com/showthread.php?t=233633)

ام رودي ولوجي 01-20-2013 07:28 PM

التغذيه السليمه لكي ولجنينك
 
السلام عليكم

اى حامل جدد بتبقى حيرانه تاكل ايه واه الاكلات المفده والمغذيه ليها ولطفلها
وعلشان اوفر عليكم الحيره دى جبتلكم وجبات مفيده للحوامل hwaml5



ومن المعروف جدا ان السلطه مفيده دايما اثناء الحمل او حتى لغير الحامل

واول وجبه هى

ساندويتش اللحمة بالسلطة الخضراء

خذي بالك إنك وإنتِ حامل بتحتاجي نسبة حديد أكبر من اللي بتحتاجيها في الوقت العادي مرة ونصف، وعلشان تحصلي على نسبة الحديد دي ممكن تعملي ساندويتش لحمة (بقري أو ضأن) بالسلطة الخضراء اللي تراعي إنك تحطي فيها كل أنواع الخضار الموجودة في السوق زي الخيار والطماطم والخس والفلفل والبنجر والجزر والبقدونس والبصل والجرجير؛ لأن الأكلة دي هتديكِ كمية الحديد المناسبة ليكِ وأنتِ حامل، وكمان هتوفّر لك نسبة مناسبة من عنصر الزنك.hwaml13

وكمان عنصر الحديد مهم جداً في آخر 3 شهور من الحمل؛ وده لأن مخازن الحديد في جسم طفلك بتبدأ تتبني

ساندويتش البيض بالعيش الأسمر
لو كنتِ يوم تعبانة ومرهقة ومش قادرة تطبخي عوضى جسمك بالعناصر الأساسية والمغذية في أكلك بمجرد إنك تاكلي بيض سواء كان مسلوق أو مقلي أو حتى أومليت وده لأن البيض بيوفّر لكِ نسبة جيدة جداً من البروتين والحديد واليود،ومن المهم إنك تاكلي البيض بالعيش الأسمر علشان يوفّر لك الألياف المهمة جداً ليكِ وللجنين، ويا سلام لو كان معاه شرائح الطماطم علشان تزيد من نسبة امتصاص الحديد في الجسم.

ساندويتش السردين بالعيش الأسمر
من المهم فى فتره الحمل انك تاكلى اسماك ولو قدرتى تاكلى أكلتين أو ثلاث أكلات بحرية في الأسبوع يبقى إنتِ كده وفرتِ لنفسك ولحملك مكوّنات غذائية وفيتامينات مهمة جداً زي الحديد والزنك والدهون الأساسية واليود، ومن الأكلات السهلة واللذيذة اللي ممكن تعمليها وتاكليها هو ساندويتش السردين أو السالمون، بس تحطيه في عيش أسمر أو بلدي، وتحطّي عليه شرائح الطماطم الطازجة علشان تبقى أكلة متكاملة متهيالى مافيش اسهل من كدا

كلى البرتقال مع وجبه الفطار
بيحتوي البرتقال على حامض الفوليك والكالسيوم، ومليئ كمان بفيتامين "سي" اللي بيبقى مهم جداً، ليكِ وإنتِ حامل وكمان مهم لطفلك
فايدة البرتقال بتزيد لو أكلتيه أو شربتيه مع وجبة الفطار المتكاملة، واللي لازم تراعي إن يكون فيها بروتين (موجود في البيض والفول)، والحديد (موجود في حبوب الكورن فليكس والجرجير)، والكالسيوم (موجود في الجبنة).

عصير الفواكه باللبن والزبادي
الكالسيوم من العناصر الغذائية المهمة اللي بيحتاجها جسمك لأنه بيساعد في بناء عظام وأسنان وعضلات طفلك بشكل سليم وكمان جهازه العصبي
وأخطر حاجة إنك لو ما حصلتيش على وجبات غنية بالكالسيوم ولو ما قدرتيش توفّري الكالسيوم لطفلك فهيضطر يمتصه من عظمك إنتِ
وعلشان كده ممكن تعملي العصير ده، واللي بيتكوّن من خليط من اللبن والزبادي وأي فاكهة إنتِ تختاريها وتضربيهم مع بعض في الخلاط، والعصير ده هيوفّر لك نسبة جيدة من الكالسيوم اللي إنتِ محتاجاه.

مشروب الزنجبيل الساخن
اول مره اعرف ان الجنزبيل بتاخد فى الحمل كنت دايما اسمع ان الجنزبيل خطر على الحامل لاكن هى دى المعلومه الجديده ان الجنزبيل مفيد للحامل طيب تعالوا نعرف هو مفيد فى ايه ولو حد عندو معلومه عن الموضوع دا ياريت يفيدنا
من المعروف إن الستات في أول الحمل بتمر بنوبات من الدوخة والغثيان؛ علشان كده خبراء التغذية بينصحوكِ بأهمية شرب الزنجبيل الساخن، وخصوصاً أول لما تصحي الصبح، وكمان بين الوجبات بمعدل 9 أكواب متوسّطة يومياً؛ علشان يقلل عندك الإحساس ده، وكمان يمد جسمك بالسوائل المهمة خلال فترة الحمل.
"""""""""""""""""""""""""""""""""""""""""""""" "
طيب بعد ما عرفنا الاكلات المفيده تاعلوا نعرف ايه الحجات اللى ماينفعش للحامل تاكلها
لازم في الفترة دي تركّزي على إنك تاكلي الأكل المفيد، وتبعدي عن كل أنواع الأكل الضار أو غير المفيد؛ زي المشروبات الغازية والشاي والقهوة، وتحاولي إنك ما تكتريش من أكل الحوادق والمخللات، ده غير طبعاً بُعدك التام عن التدخين أو أي مصدر تدخين، يعني لو كان زوجك بيدخن أو أي فرد في عيلتك يبقى لازم تبعدي عنه تماماً؛ لأن ده هيضر حملك بشكل كبير.

وكمان اسمع ان الكبده ما ينفعش تاكليها فى الحمل سمعت الدكتور قال كدا فى التىلفزيون بس مش عارفه الصراحه رغم انها مصدر غنى بالحديد وانا عن نفسى باكلها حد عندو معلومه عن موضوع الكبده دا

وبينى وبينكم انا مقدرش اقاوم كل الحجات اللى موجوده فوق دى دى المشروبات الغازيه والشاى والقهوه والحوادق والمخللات

الصراحه انا باكل منها بس ما اكترش هسسسسسسسسسسسسسسسسس حد سمع حاجه

يارب يكون الموضوع مفيد
وكلوا واتغذوا كوس وربنا قومنا جميعا بالسلامهhwaml23


منقوووووووووووول

حبيبت عمر 01-20-2013 09:15 PM

رد: التغذيه السليمه لكي ولجنينك
 
مشاااااااءالله موضووووووع رووووعه ومفيييد مشكوووووره حبيبتيي استمتعت واناا بقرأ فيه بوركتي قلبي

ام رودي ولوجي 01-20-2013 11:29 PM

رد: التغذيه السليمه لكي ولجنينك
 
اقتباس:

المشاركة الأصلية كتبت بواسطة حبيبت عمر (المشاركة 2916615)
مشاااااااءالله موضووووووع رووووعه ومفيييد مشكوووووره حبيبتيي استمتعت واناا بقرأ فيه بوركتي قلبي

بارك الله فيكي الموضوع عجبني وفيه استفاده كبيره
ان شاء الله نكون من حوامل هذا الشهر ونطبق اكلام ده عملي اللهم آميييييييين

نبض قلب عزوز 01-21-2013 12:09 AM

رد: التغذيه السليمه لكي ولجنينك
 
يعطيكي العافيه يارب

جد استفدت منه كثيييير

سمسمة 139 01-21-2013 06:50 AM

رد: التغذيه السليمه لكي ولجنينك
 
معلومات مفيدة وحلوة بس مش كتيير اوووي 9 اكواب من الزنجبيل الساخن


الساعة الآن 03:40 AM.

Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .