منتديات حوامل النسائية - سؤال عن التحاميل المهبلية

منتديات حوامل النسائية (https://naqatube.com/index.php)

- منتدى علاج العقم و تأخر الحمل (https://naqatube.com/forumdisplay.php?f=18)

- - سؤال عن التحاميل المهبلية (https://naqatube.com/showthread.php?t=232668)

سؤال عن التحاميل المهبلية

مرحبا ياخواتي كيف حالكمhwaml7
تعو احكيلكم شو صار معي
رحت مبارحة لعند الدكتور بعد عمليتي تنظير بطن اللي عطوني ورقة تخرج مكتوب فيها الابواق نافذة والوضع جيد وتم تخثير بؤر البطانة المهاجرةhwaml5
ولما شفتو قالي عملت تثقيب للمبيض الايمن لانه شفت تكيسات قالي صغيرة بس يلا شلناهم 5 ثقوب وتفاجئت لما قالي انه معك التهاب مزمن بقناة فالوب واحتقان نتيجة البطانة المهاجرة اللي تم تخثيرها وكيها وانا عالجتلك الانابيب ياه انه حطيت مادة زرقاء وغسلتهم خف الاحتقان... hwaml8 ياربي كل مرة بحكولي شي انا شفت بالسي دي العملية انه غسلهم بمحلول بس مو ازرق مابعرف تفاجئت ..hwaml9. المهم عطاني كورس ادوية التهاب وقالي اتركي كل الادوية اللي وصفتن قبل هو وصفلي ادوية التهابات بعد العملية وهرمون البرولاكتين مع انه تحليل الدم طبيعي هلا قالي اتركيه بعد ماشرتريتو واخدت منو كم حبة .. كتبلي
ادوية مينوسيليكين 100 ملغ كل 12 ساعة ودوا اموكسيسيللين 875 ملغ وحمض كلافولانيك 125 ملغ حبة كل 12 ساعة
هلا عاساس كل هالسنوات انا سليمة ومافيني شي وعملت الصورة الظليلة وكل شي تمام وكشف نسائي 4 مرات انه بشان الالتهابات النسائية وقالو مافي شي واكدولي الاطباء اباضتي ممتازة وتحاليلي طبيعية ودورتي منتظمة طلع كل المشاكل والقصص فيني اهئ اهئ اهئhwaml15

الحمدلله على كل حال وانا متفائلة ان شاء الله اتعالج واطيب واحمل طبيعي hwaml10بس مستغربة والله كتير كل هالمشاكل فيني hwaml21ولادكتور خلال 4 سنوات قالي هالشي والتهاب مزمن يعني من زمان وقديم . وتكييس وصبغة بالصدر والتهابات ورحمي خلفي عدلو بالعملية وكملت بقناة فالوب والالتهاب المزمن .وهلا عطاني موعد لحتى يشوف الاباضة ان شاء الله تكون جيدة مو تخذلني هيا كمان ماضل شي الاوطلع فينيhwaml49
عفكرة التكيسس سببه الكلوميد اللي كنت اخده مع استشارة الاطباء وبدونهم يعني اخر وقت صرت اشتري لحالي وابلع بدون راي دكتور فسببلي تكيس انتبهو لاحدا يغلط غلطتي ...
hwaml79
سؤالي لكم الدكتور وصفلي تحاميل مهبلية لمدة اسبوعين مع كورس حبوب الالتهاب اللي كتبته فوق طيب انا ب 26 يوم من الدورة ودوتي منتظمة 28 او 29 بس هلا بعد هالادوية والعملية مابعرف ازا رح تجي ولا رح تتاخر المهم اخد التحاميل وبس تجي الدورة اتركها وارجع اكملها يعني بتضل مفعولها ولا لا لازم يكون اسبوعين متواصلات ومااخدهم لتجيني الدورة وتخلص وابدا فيهم...ونا خايفة تلخبط هالشهر دورتي بسبب العملية . وانا بديت باخذ الحبوب الالتهاب لازم التحاميل معها ولا عادي لو اجلتها لبعد الدورة ولا مايأثر لو اخدتا وقطعتا وكملتا بعدين ... انا خجلت اسال دكتوري هالسؤال بلييز اللي عندها اي جواب تسعفني فيه .. الله يرزقكم بالذرية الصالحة ... ادعولي