|
الحـــــريم الاوليات...شنو كانو يسون...
بنات فكروا ويااي شوي ليش الحريم الاوليات ماعندهم مشاكلنا ماشاء الله الوحده تلقين عندها سته سبعهوالي ماعندها يجون ثلاثه....
ام زوجي تقولي عن شغله وانا بحاول اطبقها بدورتي الجايه,,, تقولي احنا قبل حريصين جدا بالدوره يعني شكثر ممنوعات وشكثؤ شغلات يسونها وكلها 6 ايام الدوره يعني مو عجزانين... الجوع بالدوره ممنوع والبرد وكل شي بارد ولازم اكلج يكون فيه الدويات مثل الحلبه الرشاد الحبه السوداء والتمم مهههههههههههم ايه والفلفل الاسووود حده مهههههههههم واتركوا الفاست فووود ..................................... بيني وبينكم كلامها منطقي....وانا اشوف بنات شكثر محافظات وماشاءالله مايعرفون لاكلوميد ولاحسبوا لايام تبويض,,,,,,,, خلنا نتفاعل مع بعض ونسوي لنا برنامج لدوره,,,,,,,,,, ؛؛؛؛؛؛؛؛؛؛؛؛استغفـــــــــــــــر الله ؛؛؛؛؛؛؛؛؛؛؛؛ |
رد: الحـــــريم الاوليات...شنو كانو يسون...
صادقة يالغلا
فكرتك حلوووة والله يرزقنا الحمل بالذرية الطيبة من عنده خلونا نستفيد يالغوالي |
رد: الحـــــريم الاوليات...شنو كانو يسون...
حبيبتي مين يلي قالك انه جدادتنا ماكان عندن مشاكل
ياما ناس مارزقو بالاطفال وياما رجال كان عندهم مشاكل العقم والدوالي وغيرها بس كان الطب غير متطور وكانو يلجئو للخلطات الشعبية وبعدين هلأ مع انفتاح العالم صرنا نعرف عن هذه المشاكل اما ايام زمان ماكان في انتشار للمعلومة فقط وبالنسبة لكلامك ممكن يكون صح وممكن يكون غلط لانه كل جسم عندو خاصية خاصة يستقبل او لا مو كل النساء واحد ولاكل الرجال واحدر وشكرا لك على فتح الموضوع المهم |
رد: الحـــــريم الاوليات...شنو كانو يسون...
هلا ..طيف ..وحياج,,
تؤام كوكو,,, بمكن عندهم مشاكل لاكن مو بكميه مشاكلنا,,,,,,,,, ويالله نستفيد.... |
رد: الحـــــريم الاوليات...شنو كانو يسون...
موضوع حلو
يسلمووو |
رد: الحـــــريم الاوليات...شنو كانو يسون...
انا معااج اختي ..
صحيح عندهم مشاكل بس مو كثرنا ابداا... والاخت اللي عندها اعتراض حبيت اقول لها الان مع تقدم العلم انتشرت مواضيع طبية تؤيد كلام جداتنا من العناية الخاصة ايام الحيض سواءا بالممنوع او المرغوب ...واقرب مثال انه اكتشفوا العلماء ان الاستحمام ايام الدورة مضر.. حقول حاجة عن تجربتي الشخصية ... بالوضع الطبيعي ان كلنا نستحم ايام الحيض ..كل يوم ..ويمكن اكثر من مرة في اليوم .. طبعا انا لما يقرب موعد الدورة ابقى 3 او 5 ايام تنزل من اوساخ وهي افرازات بنية ... في الفترة الاخيرة سمعت من اختي انه في لقاء او موضوع طارحة باحثة امريكية تقول فيه ممنوع الاستحمام ايام الدورة لانه مضر ..طبعا هذا المختصر .. انا قررت مااستحم الا باليوم الرابع...صحيح الموضوع صعب والحر شديد...ولكن الاذى اللي عندي بالدورة اصعب واتعب لي نفسيا وجسديا .. الان وبعدة عدة اشهر لاحظت شيء ممكن يكون له علاقة بالاستحمام اثناء الدورة ... خفت الافرازات البنية اللي تجيني قبل الدورة وتعوزني والله خفت كثير وبدون علاج اخر ..وهي كانت عندي من سنوات طويلة ..طبعا بدت تقل وتجيني يوم واحد وبعدين قاامت تختفي تدريجيا وتجيني الدورة طوالي.. والله يعطيكم الصحة والعافية وماتحتاجون اي علاج ..غير الاتكال على الله. |
رد: الحـــــريم الاوليات...شنو كانو يسون...
يالله ببدا ,,,,,,,انا.واللي عندها اضافه تزيدها,,,,,,,,,
اول يوم الدوره..اقعدي مبجير؛بدري؛لاتقولين بتعب لا اجي على نفسج شوي وقول كلها ست ايام وارتاح تخيلي انج داشه تحدي,,,ةعلى فكره العنايه بيوم الدوره مو بس عشان الحمل وبس لا للصحتج العامه كلها وربي يابنات,,, المهم,,,, الصبح,,, 7تمرات+شوي زيت زيتون+فلفل اسود+رشاد+حبه سودا..طبعا مو كثير شوي حطيهم مع بعض وسخنيهم عالنار شوي ليما يصير دافي وحاولي تاكلينهم قبل لايبرد,,, هذي فضيعه تنظفج صح,,, وبعدين سويلج خبز مو تشترين من برا لا انتي سويه عندج بالبيت خبز مسح او صاج او خبز بالفرن ..انزين.. وحليب مفيوح بحلبه,,الحلبه بس الثلاث ايام الاولى,, الغداء ,,,غداج العادي قطعي لج دجاج وسويلج احلى كبسه مع اضافة الحلبه والحبه السوداء,,,,انزين... العصر,,,سوي قهوه....وتقهوي عااادي بس حطي في فنجالج عنزوت,,, يقولون مقوي للمبايض,, العشا ماادري ,,,,بس اي شي تسوينه ضيفي وياه شوربه,,,,وانتي تشربينها ضيفي لها فلفل اسود,,,, الممنوعاااات,,, اي حامض ممنوع ,,,لان الحامض يوقف الدم وهذا اللي مانبيه نبي نظف نهائي,, الرقي ؛الجح؛ المانجو الباميا الموز اي شي بارد ماراح تموتين ,, ولاتقربين للبروده حاولي ادفين نفسج ومايحتاج جونا هالايام مومقصر ورجولج ,,,لاتمشين حافيه والبسي دلاغات؛؛شرابات؛؛اهم شي لاتنسين هذا اللي في بالي وبس اذكر شي باضيفه,,,واللي عندها اضافه لاتقصر,, ؛؛؛؛؛استغفــــــــــر الله؛؛؛ |
رد: الحـــــريم الاوليات...شنو كانو يسون...
شكرا اللو لو على الموضوع الرائع وانشالله نطبق عاد ياقلبي صحيح اهلنا قبل ماكان عندهم الاكل المحشي هرمونات وكيماوي الاكل الصحي هو سرهم والفاست فود يلعب بنا لعب وكمان حابة اقول اول يومين القرفة مع حليب مرة حلوووة والفلفل الابيض رروعة
|
رد: الحـــــريم الاوليات...شنو كانو يسون...
ياربي تروقني بطفل اضمه,,,
ياهلا وشكرا عالاضافه ,,,وياربي اشوف لج موضوع تبشرينا انج حامل,,, |
رد: الحـــــريم الاوليات...شنو كانو يسون...
تسلمين ياقلبي يالولو
الله يسعدك على هذا الموضوع الحلو والقيم الله يرزقنا قبل شهر رمضان ياارحم الراحمين ياارحم الراحمين يارب ارجووك لاتردنا وحنا ندعووك يارب ,,, |
| الساعة الآن 11:04 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .