|
افضل دكتورة او دكتور بمستشفى الطب الدولي بجدة
السلام عليكم ورحمة الله وبركاته كيف حالكم ياغاليات عساكم بخير يارب بحكيلكم اللي صار معاي انا كنت متابعه عند الدكتورة صباح الحداد من بدآية حملي وتعاملها كويس والدكتورة الكل يمدحها لكن مواعيدها زي الزفت والزحمه عليها مو طبيعيه واحيانا لمن تكوني ماخذه موعد معاها يدقوا عليكي المستشفى ويقولوا الدكتورة اخذت اجازة او مهي موجوده اليوم يعني مررره مافي انتظام ابدا المهم ماعلينا من هذا الشي ذحين لمن دقيت احجز عندها على اساس قالت لي ابغى اشوفك بعد اسبوعين ضروري لاني بالشهر الثامن لقيت ماعندها مواعيد بس فيه انتظار يعني ياعالم تدخلي او لا وبعد هالاسبوعين بتاخذ اجازة وماتجي الا بنص رمضان يعني بكون خلصت التاسع وولدت سامحوني طولت عليكم بالكلام بس من القهر اللي فيني وربي والحين ابغى احول على مستشفى الطب الدولي لكن مااعرف مين احسن دكتورة او دكتور على التأمين وتعاملهم واخلاقهم ممتازه وبالهم طويل وخياطتهم كويسه بالنسبه للطبيعي والقيصري دلوني مين ولدت هناك او تعرف احد ولد هناك الله يسعدكم لانه مالي الا الله ثم انتم تساعدوني وماراح انساكم من الدعاء وقت الولاده بإذن الله انتظر ردكم حبيباتي |
رد: افضل دكتورة او دكتور بمستشفى الطب الدولي بجدة
شوفي حبيبتي انا كثير مدحولي الدكتور خالد خداوردي بس خساره ماقبل التامين يبون يستفيدوون كااااش
وبعدين قلت خليني اشووف غيره كثير مدحووولي دكتوره هناء بدران ممتازه بمعني الكلمه بس مواعيدهم لازم من يوم تخرجين من الدكتوره تروحين قسم المواعيد وتاخذين موعد هذا افضل شئ انا بحملي السابق رحت للدكتور ايهاااب ممتاز بس انه بطئ جدا وكمان لو تنومتي مايجيك يرسل دكاتره غيره بس لو حس وراك رجال بيخاف ههههههههههههه باجهاضي ولدت ولاده طبيعيه عند دكتوره يسرى سعوديه بس رااااااااااائعه ولادتها بدون الم وكمان راحت تصلي وتدعيلي لانه المشيمه مانزلت بسرعه وصبرت علي والله هذا اللي اقدر افيدك فيه وطبعا المستشفى فندق خمس نجوووم |
رد: افضل دكتورة او دكتور بمستشفى الطب الدولي بجدة
ياقلبي الله يتمم حملك شوفي الرابط تبع تجمع بنات جدة ادخلي وشاركيهم وانشالله يخدموك بعيونهم مايقصروا
http://forum.hwaml.com/t16749.html |
رد: افضل دكتورة او دكتور بمستشفى الطب الدولي بجدة
والله ياقلبي انا كنت زيك مااعرف احد بس مدحولي الدكتوره هناء بدران ورحت عندها مره وارتحتلها بس هيه في اجازه الشهر هذا وحجزت موعد عند وحده اسمها سلمى وان شاءالله تكون كويسه بس حتابع عند هناء باذن الله والله ييسرلك الخير يارب .
|
رد: افضل دكتورة او دكتور بمستشفى الطب الدولي بجدة
الله يعطيكم العافيه يارب حبيباتي ماقصرتوا تعبتكم معاي والله
بس الدكتورة هناء بدران ماعندها مواعيد الا بعد رمضان والله يختار الطيب يارب |
رد: افضل دكتورة او دكتور بمستشفى الطب الدولي بجدة
بنات وينكم انتظر ردودكم
|
رد: افضل دكتورة او دكتور بمستشفى الطب الدولي بجدة
وعليكم السلام ورحمة الله وبركاته
ما اعرف واضح الدكتور سمعته حلوه بس ما أعرف أحس مررررره صعبه أكشف على دكتور ,, مرره كسفه كيف ما أدري على العموم أفضل دائما طبيبة والحمد لله عندنا دكتورات أستشاريات مممتازات عندنا فدائما أفضل الكشف لدى دكتورة مثل عندك د/ حنان الشمراني دكتورة ممتازة وسمعتها طيبة وهي استشارية كبيرة معروفه بعملها واخلاصها وشطارتها وكل مريضاتها يمدحوا بها وبأخلاقها . |
رد: افضل دكتورة او دكتور بمستشفى الطب الدولي بجدة
انت بالشهر التامن ولا التاني ؟؟؟
مافهمت عليكي ..الشريط حقك صح ..؟؟ ايش دخل رمضان ؟؟ |
رد: افضل دكتورة او دكتور بمستشفى الطب الدولي بجدة
انا يااختي حامل في الشهر التاسع والحمد لله من بدايه حملي وانا متابعه مع دكتوره ماشاء الله ممتازه وحكيمه وجدا بالها طويل وبشوشه المهم وحده تفتح نفسك على الاسئله اسمها د.سلمى بغدادي صراحه اول ماشفتها خفت لانو دايما في بالي انو الدكاتره يجوكي عجايز بس هيا صغيره لكنها فاهمه شغلها كويس وهيا مع التأمين تعاملها جدا رائع حتى قبل ماتحط الجل حق الانترساون تقولك انا اسفه راح يكون بارد وماتخليكي تخرجي من عندها الاوانت مرتاحه ومطمنه عن نفسي زوجي وانا طفشناها اسئله وفوق كدا تجاوب وهي مبتسمه صراحه انا انصحك بيها ولا تنسيني من الدعاء.
|
| الساعة الآن 07:57 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .