|
محتاره طلبتكم حلو مشكلتي
السلام عليكم ورحمة الله وبركاته
كيفكم حبابيبي hwaml7 بنات ..اخوات .. صحبات ابي تساعدونيhwaml13 اولا انا توي صغنونه دوبني دخلت ال20 وعندي بنوتها عمرها 4 5شهور زوجي عمره 27 هو شخص جدا طيب وحياتنا جدا جميله مريحني وطلباتي اوامر ومتحمل اشياء مني يعني بختصار هوا يحبني وانا كمان ومتفاهمين جدا بس اعاني من مشكله وحده بل مشكلتين الاولى:: اني طالبه جامعيه وزوجي عمله عسكري فنظامه يداوم يوم ويومين لا فالبيت والمشكله هنا انو يصحى يوصلني ويرجع للبيت ويقعد لوحده وانا اخاف عليه من الفراغ لاني اكتشفته قبل 3اسابيع محمل برنامج دردشه وكان يدردشhwaml15 وهوا على طول حلها لانو مسكت الجوال وفجاه جاء رساله الا من وحده اسمها ملاك كاتبه اعطني رقمك ونتفاهم انا انصدددددددمت لانو قبل كم شهر عرفت انو يراسل وكمان اعتذر وواعدني انا مستحيل يعيدها ويحلف انو مافيه فحياته غيري وان هذا ولد عموما الرجال مايتصدون 00كذبهم كثير ارجع لموضوع اللي هوه شفت الرساله قلت اش هذا يعني مو كفايه انا تعبت ولا صار عندك بنت متى تخاف ربك قال وش والله مدري وش السالفه وهذا هو مسحته وفعلا قدامي مسحه وقبل 3ايام اكتشفته محمل برنامج تعارف وحاط صورته الحبيب وعنده صداقه بس ماقدرت اعرف بنت او ولد ولما فتحت الايميل التابع للبرنامج ا عرفت انها بنت وهزاته وقلت خلاص ماعاد ابيك اهو استغرب لان مابينت السبب وطلع وارسلت له صورته فالبرنامج موقعه طلع الدوام ويوم كامل ماشفناه ورجع تهاوش معاي لانه لقاني لامه عفشي قال كذا تروحين ليه انا وش عندك اول مره يعصب علي كذا قلت انت خاين وماقدر استمر معاك طلع وجاب لنا اكل ورجع قال تكلمي قولي اشفيك قلت له كل اللي بقلبي وهو يحلف انه مايعرف احد ااااه بموت عيني عينك يكذب انا افهم ترى وقمت للغرفه وعلى سريري ميته بكى جاء مسكني قال حطي عينك بعين واول ماحيتها فعلا حسيت اني ابكي مثل الاطفال ونفسي ينقطع مسكني وضمني قال وش تبين اقولك انا ماحب الا انتي ولا اعرف الا انتي الحين خلاص خلينا نروح للصاله وكان عنده مباراه لان الاخ رياضي درجة اولى وهذا كله يحسب انه راضاني قلت له شوف انا مستحيل اسامحك بس مابي احرمك من بنتك ولا ابيها تنحرم منك ضحك قال من جدك ناويه تتركيني قلت ايه وبس ابكي دق صاحبه قبل يبرد قلبي ةيعتذر مثل الخلق قلت له اليوم ترى بروح لامي اغير جو بالرياض وطبعا الحجوزات فل قال مافيه حجز زحمه قلت انتظار قال انا ابي نروح مع بعض مكه نعتمر وننزل جده نتمشى قلت فجده بتجلس مع اخوانك وانا منطقه مع الحريم جوا وفعلا لارحنا جده يادوب نطلع مره ولا الكل يروح معنا قلت شوف ان رحت معك جده تطلعني وتمشيني انا ابي اغير جو والحين محتاره متاكده لارحنا جده طلعاتنا بتكون قليله ابي تعطوني حل اني ابرد قلبي لارحت واخليه جد يمشيني تمشيه تنسيني جرحه وثانيا ابي اعرف كيف اتعامل معاه بعد خياناته لي المتكرره علما بانه بس رساىل .... مشكلتي الثانيه انا وهو انو مانقدر نسال بعض فالعلاقه الحميمه يعني اتمنى اساله هل ترتاح تغيرت بعد الولاده يعجبك او لا وهو ماعمري سمعت منه حبيبتي قلبي روحي وانا بعد استحي اقولها نادر تطلع مني يمكن توي قبل اسبوع قلتها وجرحني بعدها تكفوون ساعدوووني ابي مايفكر فغيري انا حاسه اني مقصره من ناحية الكلام يعني قلبي روحي وهو كذالك ابيع يسمعني هالكلامhwaml59hwaml59 |
رد: محتاره طلبتكم حلو مشكلتي
صحيح انك اكتشفيته بالخرابيط حقته..بس،هو شاريك..
ابدأي صفحة جديدة معاه..اذا ماكان عشانك ..عشان بنتك... ولاتخلين بنات الدردشة يخربون بيتك... بدلعك وغنجك خليه يمشيك احلى تمشية حتى لو تسافرون برا .. بس انتبهي لاتحسسيه انك شايله بقلبك عليه... ومو شرط اذا انجرحت تطلعين اللي بنفسك... اعطيه كلام حلووو...ليش تنتظري منه انو هو اللي يبادر الرجل طفل مهما كبر وطلعت منه بلاوي..اعطيه كلام حلووو ترى هذا حلالك...تمتعي فيه.... بالتوفيق اختي...... |
رد: محتاره طلبتكم حلو مشكلتي
اختي صحيح هو غلطان بس لاتزعلين انتي هم عليج حق لان دكولين مااسمعة كلام حلو نصيحتي الج انسي كل اللي فات والحمد لله ان علاقاتة مجرد كلام بس لاتخليها تتطور الخاطر بنتج حسسي بحبج الة ودلعي واتمسكي بي واملي كل وقتة حتى لوعندج دوام حاولي بوقت وجودة تستغلين الفرصة بسوالف حب ودلع ومن تكونين بالدوام كل شوي رسليلة مسجات حب واشواق بساعتها ميصير عندة وقت للدرشة وبناتها اجذبي زوجك الج ويااارب يهدي بالج ويسعد حياتج
|
رد: محتاره طلبتكم حلو مشكلتي
زوجك مو جاد بها الغلط الي سواه وانتي تقولين يمكن من الفراغ
حاولي تسوين الي تقدرين عليه من الكلام يعني سمعيه الي ناقص علشان مايسمعه من غيرك حاولي تسامحينه وتعطينه فرصه .. وباقي الامور مقدور عليها وان شاء الله يطلعك ويمشيك وربي يوفقكم وييسر اموركم |
رد: محتاره طلبتكم حلو مشكلتي
ليش ماتقولين له هالكلام !!
الرجال عمره مراح يقوله لك إذا شافك ماتقولينه لانه بيفهم انك جاهله او مو رومنسيه وبعدين لاعيب ولاحرام هذا زوجك إذا ماقلتيهآ له تقولينهآ لمين !!!!!!! الحق كله عليك وشي طبيعي يخونك بصراحه انتبهي على تصرفاتك وطريقتك وحسسيه انك انثى !! |
رد: محتاره طلبتكم حلو مشكلتي
ياقلبي ارسلي له رسايل
بالكلام الحلو وتغزلي فيه سدي الباب اللي يجيك منه مشاكل اكيد مارجع للدردشه الا انه يحس بنقص فحاولي تعوضيه بنفسك ارسلي له كل الاوقات صور عبارات وشوفي بعد كذا تغير او لا الله يسعدكم |
رد: محتاره طلبتكم حلو مشكلتي
والله انا مدلعته يادوب الكلام بس هوه اصحاب العمل اثروا عليه ماكان يحتك وصلحوا قروب فالواتس لدرجة صار فالعمل يشوف قنوات رقص مادري كيف ابعده عنهم اليوم قلت الله يخليك بعد عنهم سكت وجلست ادعي عليهم قدامه قلت انت تغيرت ابي ترجع مثل قبل والحين يتابع افلام مصريه وهوا ماكان كذا ابدا بموت قهركيف اسحبه من اصحابه كيف
|
رد: محتاره طلبتكم حلو مشكلتي
اممم ما اعرف وش اقولك بخصوص المشكله الاولى
المهم ما تطور بس حاولي تعاجيها دلعي زوجك انا زوجي اقوله احبك كثييير ودايم اذا بطلب منه شي اقول حبيبي او اذا معصب اقوله حبي يا قلبي لا تعصب روحك ومن هالكلام يعني عشان ما يسمعها من غيري فأنتي عودي نفسك على هيك دايم قولي له انا احبك حتى لو ما كان وضع رومنسي او حميمي في اي وقت ومع طلبك منه يعني مثلاً قولي له قلبي متى بنروح عند اهلي ترى هالكلام له قيمه كبيره كله ابتسمي في وجهه وعطيه بوسه طايره انا زوجي حتى وهو نايم ابوسه على خده واقوله انا احبك وهو هم اذا انا جالسه عالجوال وهو نايم اذا تقلب وفتح عينه يبوسني على ايدي او كتفي ويرجع يكمل نومه ترى هذي الشغلات الصغيره هي الا تحسس بالحب ناحية بعض لا تقولي ما تأثر تأثر كثيييير قولي له انت تحبني واذا قالك ايه قولي له ابي اسمها منك على طول لأني امووت فيك وهيييك كلام انا حتى في السياره امسك يديه وابوسها وقول احبك والله لا يحرمني منك وهو هم في البيت بوس يدي واذا بصحي من النوم احياناِ ابوس راسه او خده واقوله قوم يا روحي لا تتأخر وهذي الشغلات الا تحسس بالامان مع الزوج وعلى فكره لا تقولين استحي كل ما زادت الايام كل ما صارت الكلمات ثقيله حاولي من احين وهو ان شاء الله بقولك نفس الشي دامه يحبك |
رد: محتاره طلبتكم حلو مشكلتي
اسال الله العظيم ان يحبب قلب زوجك فيك و ترجع علاقاتكم افضل من اول يارب
اذا كنتي تشوفين الرسايل خيانة، فهذا بالنسبة لك خيانة حتى لو ما طلع مع اللي يقابلهم بالشات لان الخيانة تخلي المخون يفكر كثير، وش ذبي وليه يخوني، اسئلة كثيرة تخليه ينجن اعتجبتيني بطرح الاسئلة الاخيرة، ولكن لا تستحي من زوجك، صارحيه، قولي له كل اللي بخاطرك خصوصا الشيء اللي تستحين منه، لانه ما خان الا يبحث عن شيء اكثر في العلاقات خارج نطاق الزوجية فيه شيء حلو بزوجك انه يسمع، صحيح انه يكذب، لكن قولي له اني ابي اسمع منك كلمة اسف على اللي سويت فيني اسال الله ان يرشدك للقرار الصحيح اللي يديم عليك المحبة و الراحة يارب ما اجمل الوعي |
| الساعة الآن 10:45 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .