|
انا وخوات زوجي
السلام عليكم ورحمة الله وبركاته مشكلتي مع أهل زوجي من قبل زواجنا لأنهم اصلا مافكرو فيني زوجه لولدهم طبعا احنا أقارب يعنى من البدايه مو مهضومه هذا مايعني انى شريره او كارهين لسانى الطويل بالعكس انا انسانه فى حالي ولا احب المشاكل المشاكل بدت وانا مالى الا شهرين يعني لسى عروس المفروض اسمع من اهله كلام حلو بس سمعت الكلام اللى يقهر كلمته بأنه وصلنى كلام من اهلك طبعا خواته بالتحديد والمفروض مايقولن هذا الكلام هو كلم خواته وواجهنى فيهن طبعا حطونى كذابه وانى ماحبهن ومن هالكلام جلسنا فتره وبعدها وصلنى كلام ثانى الصراحه انزعجت وكلمت الاخت الكبيره انصدمت كيف وصلنى الكلام قسم بالله انها قلبت السالفه علي وحطتنى الغلطانه وخلاني زوجي عند اهلى شهرين وهي السبب هاذى الكبيره الثانيه جلست اربع سنوات ماتسلم علي الحين رجعت تسلم بعد ماكثر عليها كلام الناس انه ليش ماتسلمين اساسا مابينى وبينها مشكله بس كذا الاخت الثالثه الحالها حكايه هاذي بس تشوفنى كأنها شايفه جني hwaml15 بسم الله الرحمن الرحيم ماتجلس فى المجلس اللى انا فيه لدرجة ان عيالى ماتسلم عليهم يقال بتقهرني او انى بأزعل ماتدري ان سلامها وعدمه واحد لو كان فيها عقل من الاساس مأحط عيال اخوي فى السالفه تكرهنى أنا يأمهم عادي بس تكره اطفال ولا تسلم عليهم الصراحه تخلف وهالحركه منها ماتحرك فينى شعره hwaml19 الاخت الصغيره عادى علاقتى فيها سطحيه او رسميه سلام بدون سوالف او ضحك يعنى ماشى الحال و الزوج يدري عن سوالف خواته بس عادي السؤال اللى محيرني هل هو مقهور من تصرفاتهن ومايبى يقول شى عشان امه ماتزعل والا عادى عنده خصوصا هاللى ماتسلم على عياله انا ساكته ماقلت له ليش هالتصرف من اخته انها ماتسلم على اطفال مالهم ذنب علشانها مثل ماقلت سلامها وعدمه واحد ماتهمني والمضحك المبكي انها ماتسلم على عيالى وتسلم علي طبعا مجامله قدام الناس مو لأنه السلام لله هاذى مشكلتي مع خوات زوجي هل من تعليق ؟ |
رد: انا وخوات زوجي
يمكن مظلومات وماقالو شيء
و وصلك الكلام من ناس واشيه تبي تفرق بينكم عشان كذا خذو منك موقف أجل جايتهم ماخذتي شهرين ؟ مقومه اخوهم عليهم !! معليش مالومهم لو هجروك حتى .. وبعدين وش تبين زوجك يسوي يذبح خواته ؟ يقول حبو زوجتي غصب وسلمو على عيالي .. انسان مطنش الوضع لانهم خواته وانتي زوجته وصعب يبدي احد على حساب احد ، ودام امه عايشه ف الله يرزقها بره واحسانه ، وانتي عيشي حياتك دامهم ساكتين ولا قالو شيء ولا استجد شيء السلام لله بتسلم على عيال اخوها خير وبركه ماتبي تسلم هي حره ومصيرهآ تندم بهالدنيا الفانيه , اهتمي بزوجك وعيالك واتركي الناس بحالها دامهم سكتو ولا عاد سببو مشاكل ، وش له تنبشين وتقولين ليه وما ليه واختك ماتسلم وامك ماتكلم ومن هالسوالف الي تكرهه فيك .. وترا لو زوجك ينشب لك في خواتك واخوانك وكل شوي يسبهم وينقص منهم بيحز بخاطرك ولا يمكن تعلمينهم وتسوين هوشه .. الله يستر عليك ويسخره لك ويرزقك بر ابنائك قادر ياكريم |
رد: انا وخوات زوجي
ي شوق الله يرضى عنك خفي شويه ع صاحبتنا
شوي شوي عليها الوحده بداية زواجها تكون في دوامه حياه جديده وناس جدد تعيش معاهم والعشره بطبعها تولد الاحتكاك لاتقولي اقاربها تعرفهم من اول ي قلبي لما تكون بعيده موزي لما تقرب منهم اكتر اختي صاحبة المشكله شوق اعطتك حل بس كانت شويه قاسيه عليكي معليش بالرغم من كدا فيه شئ من الصحه وان كان,,,,,, ي حياتي طبيعي الوحده يكون بينها وبين اخوات زوجها احتكاك يكون احتكاك لو نا ناس جدد ماتعرفيهم فمابالك ناس يقربولك وتعرفيهم من قبل يعني حيكون زياده يعني لاتشغلي نفسك بيهم بتاتا حاولي قدر المستطاع ماتحتكي فيهم بتاتا الا ف الواجب ام زوجك روحيلها لوحدها اتركي الحساسيه الزايده هم احرار يسلمو مايسلمو شئ بينهم وبين الله خليكي تقيل ف معاملتك ف كلامك ف زيارتك وزوجك صمته دليل ع انه انسان مايحب القيل والقال والشكاوي فلاتكدري خاطرك وخاطره اهم شئ زوجك كيف معاملته طيب حنون كريم ي شيخه بالدنيا كلها لاتجيبي سيرة اخواته وامه الا بالخير سمعتي حبيبي وعيشي لنفسك وبيتك وعيالك وبس الله يسعك يارب |
رد: انا وخوات زوجي
أختي مدام زوجك حياته معك ماشية وإنتي مبسوطة معاه وش عليك من خوات زوجك ؟!!! خلك رسمية وبعيده عن المشاكل ،، وخلي علاقتك بأم زوجك زينه وبما يرضي الله وعاملي خوات زوجك برسمية وبزيارات متباعده ولا تتشرهين عليهم كثيرر ،، ترا كل ماصارت العلاقات رسمية زانت النفوس وأنا أختك ،، إبعدي عن الإحتكاك فيهم قدر الإمكان ،، وإهتمي بزوجك وعيالك ،،،
بالتوفيق ،، |
رد: انا وخوات زوجي
قولي حسبي الله ونعم الوكيل وبعدين احكريهن ولامشيتي جنبهم سوي نفسك ماشفتيهن طنشيهن واهتمي بزوجك وامه
|
رد: انا وخوات زوجي
حبيبتي انا خوات زوجي قداااامه يقطون علي كلام
وانا اضحك ضحكه صفرا واناظره الاقي وجهه متغير يعني مو عاجبه اللي يصير لكن اكيد مارح يتمشكل مع خواته الاكبر منه علشاني وانا ما اجلس اتكلم في الموضوع ، هو شايف خواته وعارفهم ولو اناقشه اكيد بيدافع عنهم دفاع مميت بعد اهم شي انه معد صار يطالبني اروح لهم كثير واذا رحت لهم ما نطول كثير وهالوضع مريحني الحمدلله واللي يتكلم عليك بظهرك هذا نقص فيه مو فيك ، انتي قريبتهم و زوجة ولدهم والمفروض يسترون عيوبك مو يفضحون ويحكون تلاقين الناس ناقده عليهم اذا هم فعلا متكلمين فما يحتاج تسوين سالفه وتتمشكلين معاهم لانهم يضرون انفسهم |
رد: انا وخوات زوجي
اختي ليش شايله هم خواته ؟؟؟
انا من اول ما ارتبطت بزوجي مالي علاقه في اخته الوحيده حدي سلام و عليكم السلام و احين لي من انخطبت سنتين و من تزوجت و سكنت معاهم فبيت واحد ست شهور .. طول هالفترة اطلاقا ما احتك فيها و لا اعور راسي .. لان اول ما ارتبطت عطاني قاعده و نبذه عن وضع عيشتهم محد له خص بالثاني .. و هذاني يا دوبي بالمناسبات ان اشوفها و مجرد سلام و عليكم السلام عن لا امشكل روحي و افتح لي باب خلج دامج مرتاحه مع زوجج لا تفكرين بطبيعه هله خلج بعيده عن المشاكل و الا ليش زوجي ما يدافع او او ،.، او ليش ان تقط نغزات علي و مايدافع طبيعي اختي هالشي .. هذي اخته شيسوي وياها ؟؟؟ يتذابح وياها وووو الخ .. خلج كووووول ع طوووول و ديري بالج ع زوجج و عيالج هم حياتج و الشي الا تعيشين له محد بيفيدج من خواته .. سمعي مني و قطي مني و لا تغثين روحج |
رد: انا وخوات زوجي
يابنت الحلال لازم تصير هالمشاكل اهم شي انتي زوجك وانتبهي تقولين له كل شوين خواتك وخواتك تري الرجال مهما صار راح يوقف بصف خواته علشان امه..فانتي طنشيه واتركيه ..ماسلموا على عيالك كيفهم بطقاق بس اهم شي مابضربوهم ولاشي...
|
رد: انا وخوات زوجي
تدرين وش سبب المشكله النميمه والفتنه حسبي الله على اللي نقل لك لكلام على فكره خوفي من هاللي نقل لك الكلام لو فيه خير ماخرب لك بيتك وانت بس تسمعين تروحين تواجهين على اي اساس صدقتي وحتى لو حكو فيك صدق وش لك بوجع الراس والمواجهات والبربره عند زوجك واي احد يجيب لك حكي وقفيه عند حده قولي ترا ثلثي عذاب القبر الغيبه والنميمه والرسول عليه الصلاة والسلام قال الفتنه أشد من القتل, تبين تواجهين قدامي اهلا وسهلا بس تحرقين قلبي وانا اللي اواجهه واخرب بيتي معليش اسمحيلي ولعد تنقلين حكي لي
|
| الساعة الآن 02:36 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .