|
مشكلتي :(
السلام عليكم
عندي مشكله يمكن وايد ناس تشوفها عاديه بس انا مضايقتني اولا الحمد لله على النعمه الي اعطاني اياها ربي الي هي زوجي احمد ربي و اشكره في كل صلاه هو طيب ومتفهم وصريح معاي مشكلتي ان عندي اخت اكبر مني وواايد متعلقه فيني وتبي تعرف كل شي عني وبتفصيل مثلا وين رحت وشسويت وووو انا بحكم اني بعيده عن هلي وماشفتهم شهور لما اكلمها اسولف وافضفض بقصد اني اتكلم مع حد ولما اقولها شي بحسن نيه هي تفسره بطريقه غير يعني طول فتره السفر تقول لي صيري زعلانه وتضايقي بمعنى نكدي عليه عشان يرجعك الديرة....مستحيل اسويها وانا عارفه ظروف سفرنا يعني مستحيل اتكلم واقول ابي ارجع واضايقه... بس احط في خاطري لما اسمع هلكلام منها هي اكبر مني وافهم المفروض تعرف ان موحلوة في حقي اضايق زوجي عشان بس ارجع واشوف هلي. هلي على عيني وراسي بس مايصير اخرب بيني وبين زوجي واوقات لما تكلمني مع الكلام اقولها والله بنروح هلمكان تقول تروحين المكان الفلاني واهلج ماتبين ترجعين لهم ((يعني هاي تفكير بالله عليها )) كل شي اقوله تفسره غلط وتقصييييييييير مني يعني في كل الحالات تطلعني مقصره عند هلي وتقول للكل اني مابي ارجع وهشي بيدي وانا مابي وثانيا زوجي مايبييها تدري بأي شي يعني طلعات روحات جيات..انا القصد من كلامي وياها ان ماعندي احد اتكلم وياه ف اسولف واقول الي بقلبي بدون ماتقيد ان هشي بيرجع علي عكسي منها.... ولما اروح او اسوي شي وماقول تنقلب الدنيا تبكي وليه ماتقولين ان رحتي وبتسكرين جهازج وووو وتقول للاهل كلمهم اني غلطت واني ماهتم ابي حل شلون اتعامل معاها بدون ماكون مقصرة وبدون ماتضايق..مع اني كل الي اقوله يطلع كذا ولما تسالني ارد وماعرف اخش شي انا اعتبره عادي مجرد روحات وجيات وزوجي يعتبره شي كبير ومحد المفروض يتدخل فيه سوووري على الاطاله واتمنى فهمتوني حاولت اوصل الفكرة بكثر ماقدر لاني ماعرف اشكي بلكتابه .اعرف اشكي بلكلام ف السموحه.واتمنى احد عنده حل |
رد: مشكلتي :(
انتي غلطتي من البدايه المفروض مااقلتي لها شي..
ومن تسئلك حاولي تغيري السالفه بس بدون ماتحس.. لإنه هي اذا شافتك مستانسه بتقول اي شلون تفرحين وحنا مو جنبك.. يعني تبغيك تبكين عشان فراقهم.. خبريها هالشي الكل واقع فيها وكثير مغتربين وهذ1 اللي كاتبه لهم.. وانتي قولي لها انا استانس وافرح بس قلبي معاكم.. بس نصيحه لاتطلعي شي بينك وبين زوجك لإهلك واهل زوجك مدام زوجك اوكي فلاتخربيه بيدك.. وربي يكون بعونك |
رد: مشكلتي :(
حبيبتى جوزك عنده حق مفيش داعى انك تعرفى حد خطواتكو يعنى رايحيين فين وجايين منيين وكمان مش كل حاجه تحصلك تروحى تحكى ليا انتى حاولى لما تكونى فى مشوار ماتقوليش انتى فين ولو سالتك تحججى باى شىء المهم كلامك معاها يكون فى دايرة السلامات واخبارها هى ايه وعامله ايه ويكون اجوبتك مختصره
تقبلى مرورى |
رد: مشكلتي :(
حبيبتي اولا انتي من حقك انك تنبسطي مع زوجك ومن حق زوجك تبقى اسرار البيت بينك وبينه
انتي ريحي ضميرك انو اذا حكيتيلا بتغضبي ربك هي مو منحقها تدخل فيكم نصيحتي لك انك تجدين صديقات لك اذا بدك هون من المنتدى عندك بنااات كتير محترمات ودينات ورفقتهم حلوة اتعرفي عليهم وفضفضي معهم بالقصص والسواليف واختك بس تحاكيك احكيلها شغلات معاكسة يعني متل ماهي بتحب اليوم طلعتي انتي وزوجك قوليلها طلعنا غصب عني ومانبسطت وقلتلو لو رحت لاهلي افضل مثلا جابلك فستان حلو قوليلها انك انتي اشترتيه لاتقولي من زوجك لانه اختك بتغاااار منك الصراحة وربي يكون بعونك |
رد: مشكلتي :(
انتي غلطتي من البدايه المفروض مااقلتي لها شي..(( انا قبل وياها 24 ساعه واهيه للحين متعوده على هشي ولما احاول اني اخبي تعرف وتزعل وتقول للكل واصير انا الشينه في نظرهم))
ومن تسئلك حاولي تغيري السالفه بس بدون ماتحس.. لإنه هي اذا شافتك مستانسه بتقول اي شلون تفرحين وحنا مو جنبك..((المشكله اني لو اغير السالفه ترجع تسال لما تعرف لانها يوميا تتصل انا اتكلم بقصد اني بروحي وان مافي شي كبير او خاص يتخبئ بس مثل ماقلتي احاول اغير السالفه احسن وان شاء الله ينفع)) يعني تبغيك تبكين عشان فراقهم.. خبريها هالشي الكل واقع فيها وكثير مغتربين وهذ1 اللي كاتبه لهم.. وانتي قولي لها انا استانس وافرح بس قلبي معاكم.. بس نصيحه لاتطلعي شي بينك وبين زوجك لإهلك واهل زوجك مدام زوجك اوكي فلاتخربيه بيدك.. وربي يكون بعونك(( مشكوووورة اختي ع الرد وتسلمين وربي يحفظج)) |
رد: مشكلتي :(
حبيبتى جوزك عنده حق مفيش داعى انك تعرفى حد خطواتكو يعنى رايحيين فين وجايين منيين وكمان مش كل حاجه تحصلك تروحى تحكى ليا انتى حاولى لما تكونى فى مشوار ماتقوليش انتى فين ولو سالتك تحججى باى شىء المهم كلامك معاها يكون فى دايرة السلامات واخبارها هى ايه وعامله ايه ويكون اجوبتك مختصره
تقبلى مرورى(( مشكوووورة اختي واحاول مثل ماقلتو اني اغير السالفه او اتحجج باي شي وان شاء الله يفيد وارتاح وتسلمين وربي يحفظج)) |
رد: مشكلتي :(
حبيبتي اولا انتي من حقك انك تنبسطي مع زوجك ومن حق زوجك تبقى اسرار البيت بينك وبينه
انتي ريحي ضميرك انو اذا حكيتيلا بتغضبي ربك هي مو منحقها تدخل فيكم نصيحتي لك انك تجدين صديقات لك اذا بدك هون من المنتدى عندك بنااات كتير محترمات ودينات ورفقتهم حلوة اتعرفي عليهم وفضفضي معهم بالقصص والسواليف واختك بس تحاكيك احكيلها شغلات معاكسة يعني متل ماهي بتحب اليوم طلعتي انتي وزوجك قوليلها طلعنا غصب عني ومانبسطت وقلتلو لو رحت لاهلي افضل مثلا جابلك فستان حلو قوليلها انك انتي اشترتيه لاتقولي من زوجك لانه اختك بتغاااار منك الصراحة ((زوجي قال هشي بس قلت له ماعتقد هي وايد تحبني ومستحيل تغار مني بس مشكلتها تبي تعرف كل شي عن الكل مو بس عني وفي اوقات تتكلم وتتصرف بطريقه تستفز الغير اوقات اتضايق واوقات التمس العذر حتى لو كان الغير غلطان او او ...الله يهديها والله يخلي لي زوجي ومشكوووووره اختي على الرد وربي يحفظج ماقصرتووو خواتي)) وربي يكون بعونك |
رد: مشكلتي :(
حبيبتي راح اقولك رأيي بكل صراحه
انت عودتي اختك بهالشي والله اعلم كنت مبسوطه ومرتاحه على هذا الشي لانه اي انسان يرتاح اذا احد سمعله بس بعد ضغوط زوجك وممكن بعض التصرفات الي اعتقد انها عفويه من اختك بدليل تقولي هي مع كل الناس هذا اسلوبهااا بدأت تملي وتتضايقي حبيبتي مافي انسان بهالدنيا يعوض عن الاهل وعن الاخت مهماااا صاار بينهم من اختلاف او زعل لانها رابطه قويه مستحيل نستغني عنهااا او يملى فراغهااا اي انسان يا قلبي اختك لازم تفتحي قلبك لهااا وتصارحيهااا بالي مضايقك وتقوي علاقتك فيهاااا لانه فيه ناس يهمونااا ماينفع نراوغ او نخبي مشاعرنااا تجاههم لاتخلي هالامرر يسوي شرخ بينك وبين اختك في الاخير ما لكم الا بعض انت ممكن تحاولي تتهربي وممكن ماتردي عليهااا لاكن اش حتكون النتيجه خسرتي اهم انسان حبيبتي سامحني اذا كان في كلامي قسسساوه عليك انا لا اعرفك ولا تعرفيني بس هذا الي اشوفه والله يسعدك وما يحرمكم من بعض |
رد: مشكلتي :(
اختك ليش هيك عمتعمل حبيبتي اسفة على التعبير اختك مدام عمتعمل هيك مع الكل معناتا
وحدة من التنتين يا اما متزوجة وما متهنية مع زوجها فبتغار او اسفة اسفة اسفة لانها ما متزوجة بتغار او عندا مرض نفسي الله يعينك ويعين الكل عليها لا تزعلي على التعبير |
رد: مشكلتي :(
اسمعني حبيبتي اختك تحبك لانك محل اهتمامها ونفس الوقت مشتاقه لك ودها اتشوفك لكن حبيبتي اسمحيلي انتي غلطانه كان من اول ماتعطينها اسرارك من الاساس ونصيحه مني مهما صار لا تخرجين اسرار بيتك لا لختك ولا حتى لاامك كمان زي ماقلتلك الاخت تؤام كوكو عندك المنتدي طلعي الى فقلبك ورتاحي واختك فهيمها انك عايشه حياتك الجديده وانتي مقتنعتبها ومبسوطه وفهيمها ان الجيه وروحه عندهم على حسب ضروف زوجك اذقدر يوديك عندهم اولا ولما اتكلميها بيني لها انك مشتاقه لهم بس الضروف ماتساعدكي واتمني ياختي انك اتحلي مشاكلك واتطمنينا عنك
|
| الساعة الآن 10:50 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .