|
سويت اليوم اشعة الصبغة والنتيجة هي ..
السلام عليكم
كيفكم اليوم سويت اشعة الصبغة الحمدلله حسيت بألم لكن الحمدلله الحين انا احسن والانابيب طلعت كويسه بس الانبوب الايمن فيه مشكله وهو اتساع وقالي دكتور الاشعة انه مايقدر يحرك البويضات بس تابعي تبويض ويتم الحمل بالانبوب الثاني وقال ان الاتساع جاء نتيجة التهابات يابنات في احد كان عنده اتساع وتشافى ويابنات انصحك ابعدوا عن التحاميل الي يعطونكم هي الممرخات انا رحت لممرخه في مكه اسمها ام شاهر واعطتني تحاميل سبب لي فطريات وهذا الكلام من شهرين والدكتور قالي هذي التهابات قريب جتك الله لايوفقها ولا يبارك في رزقها الله يخليكم ردوا علي مين كان عندها اتساع وتشافت منه |
رد: سويت اليوم اشعة الصبغة والنتيجة هي ..
الحمدلله علي سلامتك
انا سويتها يوم الخميس وقالت الدكتوره عندي انسداد في الانبوب بس ماادري اي واحد |
رد: سويت اليوم اشعة الصبغة والنتيجة هي ..
حبيبتي الله يشفيك ويرزقك من واسع فضلة
لكن يالغالية لاتدعين على الممرخة لانها مجرد ظن مافية شيئ قطعي يأكد انها هي السبب |
رد: سويت اليوم اشعة الصبغة والنتيجة هي ..
ياقلبي انا اتعالج من شهر 8 وماعندي التهابات
وانا رحت للممرخه في شهر 12 هجري واستخدمت تحاميلها وكان عندي حكه مو طبيعيه ومجرد ماخلصت التحاميل طلعت عندي افرازات بيضا كريميه ثقيله الله يكرمكم لدرجة ماقدرت البس ملابسي الداخلية رحت المستشفى سوت لي مسحه الدكتورة اقسم بالله اخذت انبوب مثل الابره كامل واعطتني تحاميل وعلاج والحمدلله من بعدها تشافيت |
رد: سويت اليوم اشعة الصبغة والنتيجة هي ..
الحمدلله على سلامتك يارب يرزقك توم
|
رد: سويت اليوم اشعة الصبغة والنتيجة هي ..
سلامتك حبيبتي
بس ايش هي اشعه الصبغه ؟؟ يمكن الصورة الملونه لما يدخلو ابرة كبرة في الرحم ويحطوا سائل ؟؟ |
رد: سويت اليوم اشعة الصبغة والنتيجة هي ..
ياااعمري عسى ربي يحقق ماتمنين
|
رد: سويت اليوم اشعة الصبغة والنتيجة هي ..
ياحبيبتي لاتقلقي الله يشفيك يااااارب ولكل البنات احذروووووووووووووا
استعمال تحاميل المعمولة من أشياء غريبة ولا تعرفوا أضرارها ،تحاميل الرحم هذه تسبب التهابات والتصاقات لان البعض منها يصنع من اعشاب ضارة وسامة ، |
رد: سويت اليوم اشعة الصبغة والنتيجة هي ..
انا سويتها وطلع عندي الانبوب الايسر مسدود بسبب التهاب وقرر لي الطبيب منظار حتىى يعالجلي الانبوب بس انا احس طبيبك ماعنده سالفة !
قولي ليش؟! لانه اولاً لازم يعطيك اجراء ثاني بعد اشعة الصبغة سواءً علاج والا منظار لانه لازم تكون كل الانابيب سليمة حتى تحملي ! ثانياً اب امشي معك على كلامة يصير حمل في الانبوب الثاني: طيب افرضي صار فيه بويضات وحجمها كويس بس مو المبيض اللي ناحية الانبوب السليم لا المبيض اللي ناحية الانبوب التعبان , كيف توصل الحيوانات المنوية عبر الانبوب التعبان وتتلقح مع البويضة ! انا السبب انه ماصار حمل عندي انه طول الفترة اخذ منشطات وكان المبيض الايسر هو النشط بس للاسف الانبوب الايسر مسدود فعشان كذا ! انتي الشهر هذا خذي راحة لو صار حمل ان شاء الله فالحمدلله واذا مافي حمل يصير ارجعي للطبيب مرة ثانية على الاقل تعرفي ايش فيك ! وبالنسبة لي انا كنت اخذ تحاميل شعبية واحس نفس الشي هي اللي سببتللي السدد ! |
رد: سويت اليوم اشعة الصبغة والنتيجة هي ..
حبيبتي هو كل شهر ينزل بويضه من الابمن والي بعده من الايسر وهكذا
التبويض الحمدلله عندي تمام وكلام اادكتور هذا مو دكتوري الخاص دكتور الاشعه وهة بالعكس قال الامر هين بس ماوضح موعدي الاسبوع الجاي عند دكتوري واوافيكم بالاخبار |
| الساعة الآن 08:35 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .