|
الحمل خارج الرحم بتمنى تفيدوني بخبراتكن يا اخواتي وما تبخلوا
انا حملت حمل خارج الرحم
وبهاد الحمل ما كان عندي وحام ابدا وكان كل يومين ينزل علي مسحات بنية وعملت التحليل النزلي اكتر من مرة اعطاني سالب ورحت عند الدكتورة وكان ظهري يوجعني وجع فظيع وكانت الدورة متاخرة 10 ايام وعملتلي تحليل بول ونسائي باليد الله يكرمكوا وقالتلي مش حامل ويومين وبتيجي الدورة نطرت يومين ثلاثة وبقيت على نفس الحالة واخذت موعد عند دكتورة ثانية وعملتلي تحليل دم وعرفت اني حامل ولما وصلت للاسبوع التاسع وما بين الجنين بالصورة شكت بالامر عملتلي تحليل دم لهرمون الحمل طلع 10000 ساعتها تاكدت انه خارج الرحم المهم دخلت المستشفى وبصعوبة لبين بالصورة انه بالانبوب اليسار عملت عملية والدكتور طلع شاطر وحافظلي عالانبوب بس استأصل الجنين المهم صارت الدكتورة كل اسبوع تراقبلي الهرمون صار ينزل شوي شوي وبقيت الدورة لليوم الاربعين لاجتني وقالولي لازم ارتاح ثلاث شهور ما احمل وممكن يتكرر هاد الحمل سؤالي بتمنى من كل وحدة مرت بتجربتي او بتعرف نفس الحالة تكتبلي هي بالتفصيل متل ما انا سردت القصة وتضفلي عليها اذا حملت وراها وهل اتكرر هاد النوع من الحمل ولما نوت عالحمل بسرعة حملت والا اتاخرت وضلت تجرب محاولات بتمنى ما تبخلوا علي لانه في افادة الي ولغيري والله لا يوقع حدا من الاخوات فيه والله يعافينا ويرزقنا الحمل السليم المعافى. واسفة عالاطالة |
رد: الحمل خارج الرحم بتمنى تفيدوني بخبراتكن يا اخواتي وما تبخلوا
السلام عليكم
أختي انا السنه الماضيه متل هالايام اعملت تلقيح صناعي وربي راد انو يصير حمل اعرفت اني حامل صابني وجع ومغص بالبطن وبالمستشفى عرفوا اني حامل وقالولي يمكن الوجع من الحمل بعديها بقيت شهر اوجاع في بطني وظهري وتعب مش طبيعي وكل ما اروح الدكتور ما قي كيس حمل بس الهرمون بالدم بزيد في يوم من الايام صحيت الصبح بدي اصلي الفجر بعيد عن السامعين لقيت نازل علي دم وخفت كتير واخذني زوجي على المستشفى وبالمستشفى عملولي تلفزيون لهي الممرضه يهوديه بنت حرام بتقلي مين اقلك انك انت حامل ما في حمل عندك فحصتني بعدها الدكتوره لانو كان هرمون حامل وقالتلي انو الحمل مش مزبوط لانو خارج الرحم ورحمة من رب العالمين الجنين نزل لحالوا وهرمون الحمل ضل ينزل شوي شوي بعدها اجتني الدوره عادي . والحمدلله رب العالمين انا هلاء حامل بالشهر الثاني من غير أي علاج ورحت على الدكتور وشفت كيس الحمل الله يثبت حملي ويطمني عليه ويرزق الذرية الصالحه للجميع |
رد: الحمل خارج الرحم بتمنى تفيدوني بخبراتكن يا اخواتي وما تبخلوا
اقتباس:
|
رد: الحمل خارج الرحم بتمنى تفيدوني بخبراتكن يا اخواتي وما تبخلوا
وين تفاعلكن يا أخوات والله زعلتوني
|
رد: الحمل خارج الرحم بتمنى تفيدوني بخبراتكن يا اخواتي وما تبخلوا
مرحبا
انا حملت خارج الرحم قبل 9 شهور بس انا ماعملت عمليه عطوني ابره كيماوي تنزل الجنين والحمدلله نزل بس قال لي الدكتور ماتحملي الا بعد 6 شهور عشان ينظف الدم من الكيماوي وبعدها صرت اخذ حبوب منع الحمل وسببت لي قرحه وصرت اعالج فيها لحد ما انتهت وبعدها حملت ولله الحمد انا الان حامل بتوأم بشهري الثالث |
رد: الحمل خارج الرحم بتمنى تفيدوني بخبراتكن يا اخواتي وما تبخلوا
اقتباس:
|
رد: الحمل خارج الرحم بتمنى تفيدوني بخبراتكن يا اخواتي وما تبخلوا
كنت متوقعة تفيدوني اكتر وين الباقي عنجد زعلتوني
|
رد: الحمل خارج الرحم بتمنى تفيدوني بخبراتكن يا اخواتي وما تبخلوا
شكلي راح ازعل كنت مراهنة الاقي منكوا ردود كثيرة والله زعلتوني عنجد اخواتي انا بحاجة لكل معلومة بتقدموها لاني خايفة من تجربة الحمل الجديدة ولازم تعطوني معلومات اكتر وحتى لو كانت بتضايقني المهم اجمع معلومات
|
رد: الحمل خارج الرحم بتمنى تفيدوني بخبراتكن يا اخواتي وما تبخلوا
حبيبتي لا تزعلي .. عدم الرد بيكون لعدم الدراية بالموضوع
شوفي أنا لي صديقة حصل معها حمل خارج الرحم وكانت تجيها آلم فظيعة وكل ما تروح المستشفى يقولوا مافي شيي لا حمل ولا غيره المهم لما زاد الأمر سوء والآلم اشتدت مع نزول دم ، وبعد الكشف والسونار اكتشفوا ان الحمل خارج الرحم وسوت عملية وللأسف استأصلوا المبيض .. وقالولها بالمستشفى انها ما راح تحمل تاني وسبحان الخالق حملت بعد العملية بشهرين وجابت ولد وبعده حملت تاني وجابت بنت ، الله يباركلها فيهم ويحفظهم ان شاء الله الله يكتبلك الحمل ويرزقك بالذرية الصالحة |
رد: الحمل خارج الرحم بتمنى تفيدوني بخبراتكن يا اخواتي وما تبخلوا
اقتباس:
|
| الساعة الآن 02:43 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .