|
متى تحملين ؟
ااااه يابنات والله ضايق صدري ودي اشكي لكم تحملو شكواي ماعندي الا الله ثم انتم*
ام زوجي كل ماجلست عندها جلست تناظر لبنات ولدها الثاني وتقول ياشين البيت الي مافيه اطفال تخيلو وتكررها عند زوجي كثير مره قالت لزوجي متى تحملون قال مو الحين متى ماكتب ربي وبعدين ماوراهم الا وجع الراس .. زوجي قال كذا علشان مايحسسني بالجرح ردت امه وقالت من زين بيتكم مافيه اطفال يازين وجع الراس الي منهم تخيلو دايماً كذا احس بضيقه ادري زوجي يبي اطفال بس يشوفني اعالج انا مابيدي شي والله يابنات تعبت اتعالج كل شي سليم عندي .. هذا قضاء وقدر ليش الناس تجرح كذا اكتب لكم ودموعي على خدي* كل من شافني متى تحملين كلمه احسها سكين بصدري مين اللي ماودها يكون عندها اطفال؟ كلنا نبغى اطفال نلعب معهم اقل شي ينادوني بأم فلان بس مابيدي شي احس بنقص لما اجي عندهم مامعي طفل حتى جيتي مايفرحون فيها اشوف ام زوجي تعزم كل حريم عيالها الا انا وتكلمهم جوال تعالو ضايق صدري الاطفال يونسون بالبيت وعلى هالحال ..* بنات معليش والله جالسه اكتب والضيقه فيني ماليه الكون كله بعيوني ..* متى تحملين ؟ كلمه اتعبتني دعواتكم احمل هالشهر دعواتكم يا خواتي .. |
رد: متى تحملين ؟
الله يرزق الحمل السليم المعافى حبيبتي
كلما حسيتي بضيق و دموعج نازله كثري من الاستغفار والقيام وربك يفرجها عسى الله يقبل منا وتحملي هالشهر |
رد: متى تحملين ؟
والله يا حبيبتي حالك من حالي الكل بسأل نفس السؤال ما عندهم الا هالسؤال
الله يرزقنا الذريه الصالحه المعافاه ان شا الله بنحمل وبنفرح فيهم وبعبولنا البيت ان شا الله يا رب |
رد: متى تحملين ؟
يسألوننا هذا السؤال و في اعتقادهم اننا الة نعمل بالازرار
و لا يعرفون ان الله هو القادر على ذلك فيا رب هب لنا من لدنك ذرية صالحة تفرح قلوبناhwaml15 |
رد: متى تحملين ؟
حبيباتي لا تيأسو
تعرفو ان كل شي يصير من حكمه رب العالمين سبحان الله يمكن ربنا كاتب لكم الخير فيه وان شاءالله يرزقنا واياكم اجمعين اكثرو من الاستغفار |
رد: متى تحملين ؟
وأهم شي ما عليكم من كلام أحد
خلهم يتكلمون والاجر لكم ان شاء الله |
رد: متى تحملين ؟
الله كريم ي قلبي اهم شي الصحه و العافيه و أكثري من الاستغفار جزاك الله خير كلام الناس لا يقدم و لا يأخر الله يرزقك الذريه الصالحه
|
رد: متى تحملين ؟
هونيها وًتهون اختي و ان شاء الله تحملين هالشهر و لا تضيقين خلقج .. خلي ثقتج بالله .. هالشي مو بيد احد قضاء و قدر .، ان مكتوب لج تحملين بتحملين
و خلج مفرفشة و واثقة من روحج .. و اتكلي على الله عليج انج تسعين لهالهدف و تحاولون .. ان مو احين الشهر الا بعده و الله ما يضيع احد .. و خلي عندج يقين ان كلشي بيد الله سبحانه و تعالى .. و يا جبل ما يهزك ريح اهم شي انتي و وزوجج راضين و مقتنعين و ماتخلون هاجس الحمل يسيطر عليكم .. انا طبعاً مالومج كل زوجين يتمنون هاللحظة من اول ما ينخطبون و يتعلقون ببعض يفكرون باللحظة الا يجي فيها ضناهم و اللي يملي حياتهم .. لكن هالشي كله بيد الله .. و خلج كووول و ماعليج من حد حتى لو كان الكلام يجرح .. انا شاقول؟؟؟ توي عروس من اول ماتزوجت من اول اسبوع يلحنون علي متى تحملين متى تحملين ؟؟؟ و انا و زوجي مخططنا اقلها كم شهر و بعدها نخطط للحمل و احين لنا شهرين نحاول و الله ما كتب .. و طبعاً ما ايسنا و تضايقت من كلام الا حولي ... اشغلي نفسج ان كنتي ما تشتغلين بأي شي .. و انسي كلام الناس اللي ما يودي و لا اييب .. و ما اييب غير الهم خلج مفرفشه و كووول و واثقه من روحج و خلي عندج يقين بالله سبحانه و تعالى .. و الله يرزقج الذرية الصالحة المعافاه يارب .. و الله ايسر امورج و ادعي ربج دوووم .. رب لا تذرني فرداً و انت خير الوراثين ... و الله يسهل امورج يارب .. |
رد: متى تحملين ؟
والله كلنا نعاني ونتمنى يكون لنا اطفال الله يرزقنا هذا الشهر يارب ويفرحنا جميعا امين رب لا تذرني فردا وانت خير الوارثين
|
رد: متى تحملين ؟
ماعليكم من احد ومن كلامهم طنشوهم واذا سألوكم متى بتحملون قولو ليهم اذا كتب ربي
واختي ماعليش من ام زوجك ترى امهات الزوج ما وراهم الا وجع الراس نفس ام زوجي كرهتها من تصرفاتها اختي اهم شي عندك زوجك يحبك ماعليكي من الناس انا الان قمت اطنش ولا اهتم الى احد |
| الساعة الآن 02:34 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .