دورتي أتعبتني محتاجه مساعدتكم...
 

السلام عليكم ورحمه الله...

كيف الحال ان شاء الله تمام...

هذي أول مشاركه لي في هذا المنتدى واتمنى منكم تساعدوووووني وتاخذون بيدي...

انا بنت من بلغت ودورتي معتفسه ابدا مو منتظمه ع فكره بلغت وعمري 12 سنه ومحد علمني كيف اهتم بنفسي يعني ايش اشرب

وايش اتجنب يعني تغيب الدوره شهرين او ثلاث بعدين تجي...

واذا جت تذبحني من الالم في رجولي وبطني واسفل ظهري شي لا يحتمل حتى وجهي يصير احمر ما اعرف ايش اسوي وتظل معي 6 ايام

اشرب حليب ساخن او اتسبح بمويه دافيه وارجع فراشي وابكي واحيانا اعض ب اسناني ع اي شي من الالم ما احب استخدم حبوب لانها

ما تنفع معي وانامن النوع الخجول استحي اقول لاحد ان دورتي مو منتظمه او توجعني حتى اغراضي الخاصه استحي اطلبها من احد من

اهلي يعني ان جت كان بها وان ما جت ما اطلب ادبر نفسي ...

الان انا عمري 23 وخلصت الجامعه هذي السنه عانيت كثير من الدوره صارت تجي كل شهر بس تقعد 17 يوم وكلها افرازات بنيه بدون الم...

بعد عيد الاضحى قلت لازم اهتم بنفسي صرت العب رياضه المشي عشان انشط الدوره الدمويه وجت الدورة شهر 1 وظلت 8 ايام وكانت غزيره وما كانت توجعني وبالعافيه خلصت...

الان هي فيني وتوجعني اكثثثثثثثر من كل مره شي ما اقدر اتحمله حتى ما اقدر اتنفس واحس الدم كثير من امس ما اكلت شي ....

هذي مشكلتي مع الدورة ومحتاجه مساعدتكم ادري اللي اسويه غلط بس غصب عني والله ما كتبت الا لان هالمشكله ارقتني وضاق

صدري من كثر ما انا حابسه هالمشكله بنفسي الله يسعدكم ادري طولت عليكم وادري بتساعدوني بس لا تخوفوني لاني لوحدي اعاني

ولا تقولون روحي مستشفى اخاف من المستشفيات احسها تخرب اكثر من انها تصلح ...

وربي يعطيكم الصحه والعافيه وكل ما تتمنون...

وربي يسعدكم ويعطيكم الصحه والعافيه...

رد: دورتي أتعبتني محتاجه مساعدتكم...
 

30مشاهده ولا رد واحد <<احبطتوني -_-

رد: دورتي أتعبتني محتاجه مساعدتكم...
 

هلا حبيبتي ماعليك شر ان شاء الله
انتي باين ان الافرازات البنية دليل على انك كل مرة تجيك الدورة
ماتتنضفي عدل يعني ماينزل كل الدم الجامد في الرحم
انصحك من اول يوم بالدورة تستخدمين هالمشروب عن تجربة مني والله
كوب ماء + ملعقه صغيره قرفة مطحونة +رشة فلفل اسود مطحون + زنجبيل طازج مبشور حجم وسط + 3 تمرات منزوعة النوى
تحطينهم ع النار عشر دقايق وتصفينهم وتشربينهم كل يوم من الدورة
واخر يوم الدورة
تاخذين 7 تمرات مع ملعقة كبيرة رشاد مع ملعقة زيت زيتون او شوية زبدة
تحطينهم ع النار شوي وتاكلينهم وتشربي بعدهم ذا المشروب اللي عطيتك او ماي او حليب

وماعليك شر بتحسي بالفرق دورتي من 7 ايام صارت 5 ايام والان صارت 4 ايام ^ ^ ماشاء الله

ولتنظيم الدورة شي وحده بوحده البردقوش موجود عند العطار
تاخذينة وتقلينة في ماي وتشربينه كل يوم من اول يوم للدورة الى 15 يوم تمين علية وشوفي الفوائد
راح ينظم كل هرمونات جسمك وحتى الدورة
ادعي لي ان اكون الشهر القادم حامل
موفقه حبيبتي
وانصحك وقت الدورة تستخدمين فوط سوفيا مع مناديل كيرفري ^ ^ مافي احلي منهم