|
في شي يستاهل بالله ؟؟ ساعدوني
السلام عليكم ورحمة الله وبركاته اخواتي بدون مقدمات انا من امس زعلانه وزوجي كذالك السالفه ومافيها انا حامل بالشهر الأول وانااام نوم فضيع وزوجي له تقريبن شهور مايتغدى يقول ابي اسوي رجيم ياكل سلطات واشياء خفيفه الزبده كنت بسافر لأهلي بكره الأربعاء بس يوم عرفت ام اني لسى بالشهر الأول والمسافه مهي بسيطه الي بمشيها قالت اجلي جيتك عشان سلامتك والبيبي بعد وقلت له وخلاص انتهينا المهم امس كنت نايمه للعصر وربي نووم مو طبيعي وقمت ورحت للسوق ولا وداني الا قبل اذان المغرب بنص ساعه ولا كفى الوقت ويوم رجعت للبيت تروشت ولبست وحطيت ميك اب وتعطرت وجبت القهوه المهم له مده يلمح يبي الي بالي بالكم قلت فرصه وانا يشهد ربي انا مالي خلق بس عشان ارضيه ولا كانه شايف قدامه احد انا طبعن قلت مريحني مابي اساسن هالموضوع صليت العشاء قلت ابي االسوق بخلص باقي اشغالي قالي بنتظرك قلت بطول شوي قال بنتظرك حسيته يبي سالفه لأنه يكره اساسن الأنتظار قلت ماشي طولت شووي وربي بس شوي جلست احوس ويوم ركبت السياره مقفله معه قلت ماشي عادي يكره السوق وكان يقول يوم كنا نتقهوى المغرب قال بجيب لك اليوم عشا انتي مشتهيته من كم يوم قلت ماشي رجعنا البيت وجلس عالنت قلت يمكن عادي بيقرى كم جريده ويسكر وجلس للساعه 11 وجيته قلت وش تبي عشا على اساس بسوي عشا قال مابي شي انتي اكلي واملي بطنك ومالك شغل فيني انصدمت سلامات وش حاصل وش السالفه قلت طيب ليش تقول بتجيب عشا ولا جبت قال كيفي حرر ومافيه مراح اجيب قلت طيب خلاص انتي ليش معصب قال انتي مقصره معي ولا تقومين بواجباتي ومدري ايش قلت قلت انا تزينت لك المغرب وانت الي حتى ماعبرتني هذا بدال ماتحس فيني وتحن علي وترحمني وانا حامل قال زين زين خلاص قصري صوتك انا طبعن سكت وطلعت من المكان الي هو فيه ورحت للحديقه حقت البيت صحت وصحت ليييييييين طلعت الي براسي وارتحت وراح اليوم داوم ولا اتصل ولا جا يطمن علينا ولا هي عادته مستحيييل مايتصل ولا يجي وحتى لو ماجا يتصل ويتطمن علينا ووبس وش اسوي وربي قاهرني وش السالفه مافي اساسن سالفه سخاااافه مافي شي يستحق هالحوسه شورو علي صبايا وش اسوي |
رد: في شي يستاهل بالله ؟؟ ساعدوني
هلا حبيبتى لاتاخذين بخاطرك هما كذالرجال يزعلون مايبينون بس انتى ااهم شي قدامه لاتشكين بالحمل والتعب والنوم حاولي ترتبين وقتك وتتفرغين له اجلسي جنبه 24س ههههه
وسولفي في اي موضوع غيري موضوع الحمل يمكن انتى مبينه لها انك ماتقدرين على ؟؟؟؟ وانك تخافين من الشغله ؟؟؟ عادي ترى مامنه خطوره على البيبي خليك دايم مستعده له وفي اي وقت وتقريبي منه واطبخيله حتى لو يسوي رجيم ضبطي حلى حلو وقدميه لها والبسي وخليك على طول كشخه وانسي الحمل ((وفرصة الايام هذي كاس العالم اذيحب الرياضة جمعيله اخبار عن الاعبين والمنديال بشكل عام ))hwaml7 |
رد: في شي يستاهل بالله ؟؟ ساعدوني
هدي بالك حبيبتي
واستهدي بالله من ناحية أمك الغالية نصيحتها بمكانها هي خايفة عليك يالغلا والثلاث شهور الأولى من الحمل لازمك الراحه وعدم الإجهاد غاليتي فالسفر ممنوع عند البعض في الشهور الأولى طبعا كل على حسب الحالة وعلى زوجك الله يهديه ويصلحه ويسخره لك حبيبتي لاتتكدرين هم كذا الرجال تزعلين وهم ماعليهم طيب خلي المبادرة منك وأرسلي له مسج أو إتصلي عليه ولاكأن شئ صار حاولي تنسين اللي صار وشوفي ردة فعله والله تكبرين في نظره ويقدرك ويعزك حبيبتي واكظمي غيضك وشوفيه كيف يكون ردة فعله ؟؟؟؟؟؟؟؟ عامليه بحب عامليه بإهتمام عامليه بحنيه وربي معاك ولايفرق بينكم ويجمع شملكم على خير يارب.. وتقبلي فائق إحترامي وتقديري. |
رد: في شي يستاهل بالله ؟؟ ساعدوني
الله يسعدكم حبيباتي اي والله مافيه شي
يستاهل هالزعل والحوسه وبحاول الحين ارسله يمكن ينحرج ويحس ان زعله ماله داعي |
رد: في شي يستاهل بالله ؟؟ ساعدوني
الله ييسر امرك ويحنن قلبه عليك عادي حبيبتي ترا الرجال يزعلون ولو من سبب تافه بس يمكن يبغى يلفت انتباهك له حاولي تدلعيه وتهتمي فيه اكثر
الله يسعدك |
رد: في شي يستاهل بالله ؟؟ ساعدوني
الله يسلمك حبيبتي
اتصلت عليه وقلت عسى ماشر ماتصل اليوم ولا جيت فيك شي وبدت المعاتبات مع المناقشات مشكلت زوجي كل ماحصل سالفه ولا زعل يقول افكر بالمستقبل وافكر بعيالي ومستقبلهم قلت الله بيسهلها واذا تعتقد انه بهالطريقه راح تنحل المسئله ويجيك كنز فمستحيل اصبر ولا تضغط علي انت عارف اني بالوحم مره اتعب والحمد لله احنا ماعلينا ديون انتهت بس مابعد شرينا بيت ساكنين اجار وهو يفكر كثير بالبيت والأرض وهالأمور الله يوفقكم حبيباتي ويعين على هالدنيا بخير .. |
رد: في شي يستاهل بالله ؟؟ ساعدوني
البنات ماقصرو الله يسعدهم
وانت الله يعينك ويسعدك طولي بالك ياااعسسسسل واتنازلي شوي يمكن فيه حاجه شاغله باله ماتدرين عنهاااا تقربي منه وافهمي منه اش مضايقه ولااتتكلمين عن نفسك وتعبك عشان مايحس انك بعدتي عنه ترى بعض الرجال يغارون ويبغون يكونون دايمااا محل اهتمام |
رد: في شي يستاهل بالله ؟؟ ساعدوني
تسلمين حبيبتي الله لايهينك ع المرور العذب
ويعين على هالدنيا بخير .. |
رد: في شي يستاهل بالله ؟؟ ساعدوني
والله ياقلبي سالفتك زي سالفتي ....
والله صاير كانه طفل مايقدر تعبي والالم الي احس فيه ابددددددددد ... قبل ما احمل مخليني على راحتي في كلشي ...ووقت النوم ولا كانه وحده يمه ابددددددددددا والحين يبيني احطه على كتوفي وامشي به احسه كانه طفل غيوررررررررررر وحاس انا في واحد باخذ محله .... استغفر الله .... |
رد: في شي يستاهل بالله ؟؟ ساعدوني
يا حبيبتي والله ما مشكلة
أول شي زوجك حساس وانتي لازم تستوعبي تاني شي حبيبتي احمدي ربك إنو زوجك بيحمل هم العيشة والولاد والحياة غيرو ما حامل هم شي ولا فارقة معو بس انتي لازم يا قلبي تكوني معو على طول متسوعبتي واعطي وقت كبير وحاولو تلعبو مع بعض وتغيرو جو |
| الساعة الآن 04:53 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .