|
قصتي بين ايديكم
عشان ما اطول عليكم انا معي تكيس مبايض وارتفاع في هرمون الحليب وقبل الزواج نادرا ما كنت اشوف الدورة تقريبا كل 6 او 7 اشهر ازا مو اكتر ولما بعتني زوجي لأعمل سونار وجدو معي تكيس بس انا ما معي سمنة ولا شعرانية بالعكس تماما عشان هيك بعد الزواج بحوالي 4 اشهر لحتى فكرنا بهالموضوع وزوجي اعطاني الادوية اللازمة ومن حوالي شهر بديت اخد الكلوكوفاج بعد محاولات الحمل الفاشلة ههههههه
طبعا الدورة اليوم ولسا ما اجت ادعولي هاد الشهر اكتر شهر بنكون فيه جديين لانو انا صارلي سنة متزوجة طبعا تعليمات طبيبي"زوجي"انو اخد الادوية بالموعد تماما وما اقوم بعد الجماع مباشرة عشان هيك كان معظم الجماع من اول يوم الدورة لهلأ بالليل عشان اطول فترة اضل نايمة ع ضهري والجماع يوم بعد يوم حتى تكون الحيوانات المنوية قوية وسليمة وكمان من اول يوم خلصت دورة ابتعد عن التعب وحمل الاشياء الثقيلة بس قبل عيد زواجنا بيوم"15-12"نزلت افرازات مائلة للبني ويوم عيد الزواج بالضبت حسيت كأنو كتلة غاز عند المبيض الايسر مؤلمة وما احس فيها الا مع الحركة او صعود الدرج واو لما اجي اقعد وهاد طبعا الم تبويض وطبعا بعدنا عن العنف في الجماع ولكن لاحظت انو الافرازات تقريبا معدومة على غير العادة وايضا في كبر وثقل بالصدر"مع انو صدري كتير صغير ههه" وتعب عام بس انشالله خير وبحكيلكم انو البتفكير بهالموضوع كتير بيأخر الدورة ع الفاضي وبخليكم تتأملو بدون نتيجة عشان هيك ريحو تفكيركم بعد مو بأيدينا الموضوع بس بنحاول وانشالله ببشركم وبتبشروني كل هالحكي وبأختصار شديد هههههه |
رد: قصتي بين ايديكم
ولعلمكم يا بنات زوجي يدور على تخصص وايضا موظف بس بدون تثبيت ومن حوالي اسبوعين مرة خال زوجي حلمت انها في بيت اهل زوجي وكانت حماتي بالمطبخ تقسم كنافة وتوزع ع الناس فسألتها شو المناسبة قالت انو ابني اجتلو منحة ومرتو حامل وبغرفة الضيوف كان عمي ابو زوجي يوزع الغدا على ناس فسألتو كمان ايش المناسبة حكالها ابني توظف ومرتو حامل
والغريب تاني يوم الحلمة تثبت زوجي بشغلو وبعد اسبوع انعرض عليه منحة للتخصص وانشالله تتحقق الحلمة كلها |
رد: قصتي بين ايديكم
انشاء الله ربي يفرحك بالحمل
|
رد: قصتي بين ايديكم
الله يسعدك حبيبتي
و يعطيك الي بخاطرك وتبشرينه عن قريب |
رد: قصتي بين ايديكم
يارب يرزقك الحمل وتتحقق الرويه يارب
|
رد: قصتي بين ايديكم
شكرا لكل من عطرت موضوعي بمرورها الكريم انشالله الله يعطيني وكل وحدة مشتهية يا رب
|
رد: قصتي بين ايديكم
إن الله على كل شيء قدير
والصبر جميلhwaml10 وإن مع العسر يسرى وان شاء الله ربي بيكرمكم لأنه الكريم |
رد: قصتي بين ايديكم
انشالله حبيبتي الله كريم شكرا الك كتير
|
رد: قصتي بين ايديكم
الله يرزقج ويرزق كل محروم يارب
|
رد: قصتي بين ايديكم
الله يرزقك ويرزقنا. ان شاء الله
|
| الساعة الآن 08:44 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .