|
تطعيم الرضيع
السلام عليكم و رحمة الله و بركاته
كيف حالكم بنات انا ولدي بعد كم يوم يكمل شهرين بسويله التطعيم شو تنصحوني اسوي عشان ما ينتفخ لانه ولد اختي انتفخ و كان يصيح يومين. كان احمرر .. و الفيكس متى أحط له و في اليوم كم مرة و مشكورين حبيباتي |
رد: تطعيم الرضيع
الله يقر عينك اختي
هذة هي الارشادات كاملة إرشادات للتغلب على الآثار الجانبية للتطعيمات تجنبي إطعام الطفل نصف ساعة بعد إعطاءه لشلل الأطفال . غالبا ما يصاحب تطعيم الثلاثي حرارة ترتفع حتى (39 درجة) لمدة يوم أو يومين: استخدمي دواء خافض للحرارة وزيدي كمية السوائل وخففي الملابس وبردي الغرفة . قد يصاحب الثلاثي والثنائي والبنمو ألم بالساق شديد يمنع الطفل من المشي يوم أو يومين : لا تقلقي ، ضعي كمادة باردة على موضع التطعيم . أحيانا يصاحب تطعيم الحصبة وجدري الماء طفح أحمر صغير عابر على الجسم . كثيرا ما يصاحب التطعيم ألم موضعي لمدة يومين استخدمي الكمادات الباردة . يتبع تطعيم الدرن بعد شهر تقريبا قيح قد يستمر لعدة أسابيع: نظفي بالماء المعقم وغطيه بضمادة ناشفة دون أي دواء مطهر. وسيترك أثرا دائما (ندبة) . قد يترك التطعيم ورما موضعيا صغيرا لعدة أسابيع: لا تقلقي وسيختفي بعد ذلك . اما بشأن الفكيس فأنا شخصيا ما افضله لانه يمنع عمل اي مواد كيماويةحتى المعقم على مكان التطعيم وان شاء الله الخوات اللي عندها غير الرأي هذا راح تشارك فيه تقبلي مروري |
رد: تطعيم الرضيع
امممممم معرف انا بتتي بتطعيم الشهرين والاربعه سهور عملة حركه وهي انا بعد تطعيم مباشره اول ما ارصل البيت برصعها وبعد ماتسبع بعطيها خافض الخراره كل اربع ساعات اول يوم فقط واعملها مساج حت لو مو متورم
وحمدالله لا سخنت ولا تالمت حمدالله رب العالمين |
رد: تطعيم الرضيع
لا تسوي كمادات باردة على التطعيم سويها دافيه لان البارده بتجمد الدوا في مكانو قبل ما يستفيد منو الجسم وبتحسي زي الكتله مكان التطعيم البارده ممكن للحرارة
وتشربيه دوا الحرارة كل 4 ساعات والفكس ابدي حطيه من الليل واليوم التاني بيمنع التورم واستحملي عاد يومين وتعدي |
رد: تطعيم الرضيع
انا بنتي طعمتها قبل كم يوم والممرضه قالتلي احط لها كمادات مويه بارده بس مو كثير واعطيها خافض حراره اول ما ارجع البيت وعملت كده وما سخنت الحمد لله بس انتفخ مكان التطعيمه وصار لونه احمر وصارت كل ما تحرك رجولها تبكي كثير وراحت امي قالت احط لها فيكس وامسجها وعملت كده والحمد لله ما مرت ساعه الا راح الانتفاخ ورضعت ونامت ^^ بس فيه هنا بنات كثر خيرهم نصحوني ما احط لها فيكس الا بعد ساعتين عشان بيروح مفعول التطعيم |
رد: تطعيم الرضيع
السلام عليكم
اول ماترجعين للبيت عطيه مسكن وسويله كمادات مويه دافيه مو بارده وانتي تكمديه اضغطي على مكان الابره وحركي بشكل دائري عشان يتوزع الدواء وماتتورم رجله انتي على طول كمديه مو مره ولا مرتين واذا صار عندك شغل خلي زوجك يساعدك بالنسبه للفكس انا مااستخدمه لاني سمعت انه يبطل مفعول الابره بس ماادري هذي المعلومه صح والا خطا بالتوفيق يارب وطمنينا عليه انا والله شايله هم تطعيمة اربع شهور بقولهم يطعموني بداله خخخخخخخ |
| الساعة الآن 05:32 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .